1 Samuel 4:8 - Ohiatonhseratokénti

⁸ Ionkwententá꞉sere! Ónka entsonkiniá꞉kenʼte tsi nó꞉kwah ne kí꞉kens raní꞉ios? Ne kí꞉kens ne ratiní꞉ios ronón꞉ha ne sakotiʼién꞉ton ne Egyptró꞉nons ne kwáh niaʼtékon í꞉ken kannratarinétsheras thóh nón꞉we iahonwenhtsiaʼthénhake.

1 Samuel 4:8 ပူးပေါင်းရင်းမြစ်များ

Exodus 15:14

Nonhkweshón꞉ʼa wahaʼkokthónteʼne, tánon wahaʼkohiatíhsonhkwe tsi nahoʼnateronhiénthen; ne Philistines né tehothiwáhnen ne katerónhtshera.

Exodus 7:5

Tánon ne Egyptró꞉nons thó꞉ne enhoʼnateriéntharaʼne tsi Í꞉i ne Watiá꞉ner, nónenh ènkatsʼte nʼakeshatsʼténshera roʼnonhàke ne Egyptró꞉nons tsi tenthekhehiaʼtínekenhʼwe lsraeró꞉nons ne raotiʼnahkerahserákon.”

Exodus 9:14

Ók kíʼ ó꞉nenh ih nek khók ne akennhrhaʼtsherahó꞉kon tatʼkherèwahthe tánon ne shonʼkwetashónʼas, ók kíʼ kwáh ó꞉ni í꞉se enkonréwahthe, né káti nahisateriéntaʼrane tsi kwáh iáh ónhka ètho tehieiató꞉ten tsi nihiohóntsa tsi nih níʼioht.

Revelation 11:6

Rothikweniatsherá꞉ien nahninhó꞉ton tsi karonhiá꞉te, ne káti iáh thaiokennhó꞉reh tsi nikarí꞉wes ienhniriwakénsheke, ó꞉ni rotishatstenhserá꞉ien tsi nokwá꞉ti nonekasónhas né꞉ne anón꞉niate oʼnekwénhsha, ó꞉ni nanikarehwá꞉te tsi ionwenhtsá꞉te ne kwák tsík niatekanhrotensons, kwáh tsi niiót꞉kate tsi nenhiaská꞉neke.

1 Samuel 4:7

ne Philistines wahotíʼteronhne; asèken wahonníron, “Ní꞉ioʼokónhas wahón꞉newe tsi watoseróhtons.” Kwáh ó꞉ni wahonníron, “Ionkwentenhtá꞉sere! Asèken iáh nonwénhton kí꞉ken thotetsawénhon.

1 Samuel 4:9

Sewanikonranirón꞉hak, tánon rón꞉kwe kénhak, Ó Philistines, sewatatʼkwatáko ne tó꞉sa aietsinaskónhni ne Hebrews kwáh tsi niiót ní꞉i tsi ietinaskónhnisʼkwe; rón꞉kwe kénhak tánon sewaterí꞉io.”

1 Samuel 5:7

Tánon nó꞉nen ne ienákere ne Ashdod waʼhontʼkátho tsi niʼiotonhátie, waʼhonní꞉ron, “Ne raoʼneró꞉kwa ne sakoʼNí꞉io Israerʼró꞉nons iáh teiówenk ní꞉i ahitewatiénawasʼte; asèken wahshonkwateniakátsʼtatshe tánon rahonhá꞉ke nonkwaʼní꞉io Dagon.”