1 Samuel 4:13 - Ohiatonhseratokénti

¹³ Nó꞉nenh sáraʼwe, Eli renskwáhere raoʼnitshkwáraʼne ohahákta roʼrá꞉re, asèken tehaweriasiʼshón꞉kwa ne aoriwá꞉ke ne raoneró꞉kwa Ní꞉io. Nó꞉nenh ne rón꞉kwe sahanatáraʼne ne kanatowanénhne tánon wahakró꞉ri noríhwase, kanatakwé꞉kon ne kanatowaʼkènke watiaʼkohénrehte.

1 Samuel 4:13 ပူးပေါင်းရင်းမြစ်များ

Psalms 26:8

Ó Saiá꞉ner, tsi nikenorónhkwa nètho Ononsatokentiʼkówa tsi nón꞉we nisí꞉teron, tánon tsi nón꞉we ne saiatanerakwáhtshera nikáien.

Jeremiah 48:19

Ne tiónkwe ne Aroer sehwahnáhkere ohwahák꞉tha tesehwáthan nahisehwateróhroʼke. Tehotihenréhtha shaʼkotiriwahnonhtónnis tsi nihiákonh hiakotekwenhátie ne Moab nonhtáhien onhnonhtahiáwenhne?

Joshua 7:9

Ne Canaanites ó꞉ni onhkweʼtakwé꞉kon ne tsi kanakerahserá꞉ien enhatirihwà꞉ronhke. Kwáh tenhionkiwá꞉nake tánon kwáh iakwahkwé꞉kon enhionkinonhwarià꞉kon! Tánon ethò꞉ne onhónenh nenhséhshiere nahontásehne ne sharenhsarónhtsera?”

1 Samuel 1:9

Nó꞉nenh sahathiʼkwénhtaʼne tánon sahathiʼnikirénhsi thóh nón꞉we Shiloh, Hannah watiétaʼne tánon thóh watiétaʼne raohén꞉ton ne Roiá꞉ner. Nón꞉wa ne Eli ne ne ratsihénstatsi thóh renskwáhereh ákta tsi kanonkáronhte kanawahátote raoʼnonsatokentikó꞉waʼne ne Roiá꞉ner.

1 Samuel 4:14

Nó꞉nenh ne Eli sahothón꞉tene tsi naʼteotihenréta, wahén꞉ron, “Nahó꞉ten kí꞉ken tsi nihiorístare?” Eʼthó꞉ne ne rón꞉kwe tsiaʼtosteríhen tsi waoró꞉ri ne Eli.

1 Samuel 4:18

Nó꞉nenh ne sahaʼthá꞉raʼkwe ne raoneró꞉kwah ne Ní꞉io, ne Eli iahasátaʼne tsi nihenhskwará꞉kwe ákta tsi iotenhenraká꞉ronte; tsi thaʼhonkweʼta꞉ionkwe tanon roʼresen tsi iahasatenhne wahthateniarhiake ó꞉ni warénheie. Raʼón꞉ʼa tesakohiatoretaséhaʼkwe ne Israerʼró꞉nons ne ne kaié꞉ri niʼioseráhsen nikaríweskwe.