1 Samuel 4:10 - Ohiatonhseratokénti

¹⁰ Káti ne Philistine wahonterí꞉io; ne Israerʼró꞉nons wahonwatisén꞉ni, tánon wahonté꞉ko, tsi thoʼtinonshó꞉tons nionsahón꞉ne. Watewatenonhiánite tsi nahontawénhtho, asèken thóh nón꞉we nahatiʼiatiénenhne Israerʼró꞉nons; áhsen niwáhsen niwenniaweʼentsheráhsen ne thakésons tsi ní꞉iot tsi ronterí꞉ios.

1 Samuel 4:10 ပူးပေါင်းရင်းမြစ်များ

2 Samuel 18:17

Iahatíhawe ne Absalom raoierónhta, thóh iahonáti ne kwáh ionshoniowánen ne thóh nón꞉we kará꞉kon, tánon ne tahatiróhrokte ne iontonhiowá꞉nen onénhias. Thóh ne ná꞉he ratikwé꞉kon NIsraeró꞉nens iatonsahonskénhni tsi thotinonshó꞉tons.

2 Samuel 18:7

Ne ronnónkwe nʼIsraerʼró꞉nons ne wahonwatisénhni ne nón꞉we ne ne rahonhatseraʼókons Táwit, tánon tsi naʼtewatenonhianíte wahonthatawéntʼtho neh siwenhniserátekwe, tewáhsen tehonhnenhniawehetseráhsen nihá꞉ti ronnónkwe.

2 Samuel 19:8

Ehʼthóhʼne ne ronnontí꞉io wathá꞉tane tánon thóh iahá꞉tsien tsi iotenhenrakáronhte. Ne ronterí꞉ios ratikwé꞉kon wahonwatiʼró꞉ri, “Sewatkátho, ne ronnontí꞉io thóh iehenskó꞉te tsi iotenhenrakáronte”; tánon ratikwé꞉kon ne ronterí꞉ios iahónhne tsi thenskwáhere ne ronnontí꞉io.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

1 Kings 22:36

Ákta tsi iatewatʼtsenthósere watewatherihwaré꞉ni Nisraerʼró꞉nons rahotetsiókwahkon: “Tsi sewahiatátʼtions sheʼwanakeraserákons nionhsásewe tánon ne tsi kanatowánens!”

2 Kings 14:12

Né Amaziah rahonkweʼtashón꞉as ronterí꞉ios wahonwatisénhni, tánon ratikwékon ne rahonkweʼtashón꞉as ronterí꞉ios shahontèko tsi thotiʼnonshóʼtons nionsahónhne.

2 Chronicles 13:17

Né Abijah tánon ne raotsiókwah ronhterí꞉ios tsi nahonwatiʼiérahse Nisraeʼró꞉nons wathonwatinetstorahrát꞉kon tsi wahonwatisénhni—satesewasénhnon ne mirihien nihá꞉ti ne kwáh thonhnonhkwetí꞉iosʼkwe Nisraeʼró꞉nons ronhterí꞉ios wahonwatinonwariakónhnion.

2 Chronicles 25:22

né Judahró꞉nons ronhterí꞉ios wahonwatisénhni, tánon ne ronhterí꞉ios rahotinonskónhsons ionhsahontekwáhsen.

Psalms 78:9

Né Ephraimró꞉nons ahén꞉a tánon kaiénkwires ratihawánion, waʼhontèko ne siakáhewe ne wenhniserátekwe nahonterí꞉io.

Jeremiah 7:12

Shiloh niaháse, né꞉ne tiotierenthákwen wahkeráhkwen tsi nónhwe nahiontsennaienthákwake, tánon satkátho tsi niwahtiéren ne tioríhwa tsi nihotiriwáhneren nahkonkwetahshón꞉a Israerʼró꞉nons

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Deuteronomy 28:15

“Ók Tó꞉ka iáh thatiewénhnaraʼkwe ne Roiá꞉ner saNí꞉io tánon iáh tewethakwenhtserá꞉kon tsi ashateweiénton akwé꞉kon ne rahoriwatà꞉tsheras ó꞉ni ne raoianerénhseras né꞉tho tkwawí꞉hons nón꞉wa wenhniserá꞉te, niaʼtékon kí꞉ken kariwahétkens tsi nenhsaiathawénhseron:

Deuteronomy 28:25

“Ne Roiá꞉ner kwáh enteshaká꞉wen ne ieshá꞉sons naiesashén꞉ni. Énska tsi nenhteshiérate tsi iensehiatiaʼtón꞉ti ók ó꞉ia natenhteshiérate tsi ensehsatéko, ók kwáh tsík nenhteshierathánion tsi ensehiatekwenhátonhse, tánon akahontsakwé꞉kon enhiakoteronhiénten nó꞉nen enhiontkátho tsi nesahiathákwen.

1 Samuel 3:11

Eʼthó꞉ne ne Roiá꞉ner wahawénhase ne Samuel, “Satkátho, ó꞉nenh tóh꞉wa thóh nátieʼre knahótenk thóh nón꞉we Nisraerʼró꞉nonhke neh enhionhniá꞉te tetsá꞉ron ne ohónhta neh tsikʼónka ahiakothónhtene tsi enhiowistákaʼre ne iehontákon.

1 Samuel 4:2

Ne Philistine waʼontatʼkwahtáko tsi waʼthatinenhrá꞉taʼte niaʼkonwaʼtsatón꞉ti Israel, tánon nó꞉nen shonteriʼioserowáhna, ne Philistine waʼhonwatisénhni Israel, ne Philistine wasakotinonwarhiákon kákʼnon ne kaiéri niwenniaweʼetsheráhsen niháti ronterí꞉ios thóh kahentáke tsi waʼterí꞉io.