1 Samuel 31:8 - Ohiatonhseratokénti

⁸ Nó꞉ia sisewenhniseráte, nó꞉nen ne Philistines tahón꞉ne nasakotiseronniási ne ronenhé꞉ion, wahonwahiatatʼtsénhri ne Saul ó꞉ni náhsen niháti raoʼnekenterontseraʼshón꞉ahs rotiiatsenénhen thóh tsi ionón꞉te Gilboa.

1 Samuel 31:8 ပူးပေါင်းရင်းမြစ်များ

2 Samuel 1:20

Tó꞉sa thóh nón꞉we iaserihhówahnat ne Gath nón꞉we, tó꞉sa serihʼhówahnat ne tsi tekanatokénserons ne Ashkelon; khéhs tó꞉sa sehrí꞉on nakoioʼokónʼahs ne Philistines nakontsenhnón꞉ni, ne sakotiʼioʼó꞉kons ne iáh tehonaʼtewarakwátarons kwáh enhontsenhnakaráthaʼte.

2 Samuel 1:21

Í꞉se ne tsi ionontarónhnions ne Gilboa, kwáh tó꞉sa othènon aioháweiaste khéhs nahisakénhnore, khéhs nahonsahiokwátston ne kahentákes! Asèken thóh nón꞉we ne ratrenostákwah ne roshaststenserowánen naʼtekentiónston, ne ratrenostáhkwah ne Saul, iáh shé꞉kon tahonsawenhiená꞉ronke nonwénhton.

1 Chronicles 10:8

Sewenní꞉sera onakènhke shiʼioteriʼioserenhtáʼon ne Philistiaró꞉nons iahón꞉ne waʼhatiʼnenskwenháton ne ronenhéions rahotiʼieronhtaʼshónhas, tánon wahatiʼtsénhri ne rahotiʼierónhtas ne Saul tánon ne sakoiohokónhas tsi tsionón꞉te ne Gilboa kaʼkerónhtaʼkwe.

2 Chronicles 20:25

Né Jehoshaphat tánon ne rahonkweʼtashón꞉as ronhterí꞉ios iahónhne tánon iahatihá꞉sheron ne kanénskwens, tánon ionatsokowánens washakotiʼiatatʼtsenri ne tsionhnónskwarons, tsi nihionsthasónhas, athakwéniahs, tánon nó꞉ia nahorihoténhsons ne kanorónhsons í꞉ken. Ásenh nónhta nikaríhwes wahatirohrók꞉kon ne kanenskwenhátons, ók tsi nihiawetatʼtsáni iáh tehotikwénion nakwé꞉kon iahotíhake.

1 Samuel 28:4

Ne Philistines wahontkenhní꞉sa, tánon tahón꞉ne ó꞉ni wahonthatoserohtónhnion thóh nón꞉we ne Shunem. Ne Saul washakoiataróhroke kaʼnenrahkwékon NʼIsraerʼronónke, tánon thóh nón꞉we nahonthatoserohtónhnion Gilboa.

1 Samuel 31:7

Nó꞉nen ne ronhnón꞉kwe ne Israerʼró꞉nons ne thóh thón꞉nes ní꞉se nokwáti nahonrákwahkon ó꞉ni tsi niiá꞉kon ne iehiotohétston ne Jordan sahatiriwáronke nètho ronón꞉kwe NʼIsraerʼró꞉nons tsi ronatékwen tánon nètho Saul ó꞉ni ne raoʼnekenteronhtseraʼshón꞉ʼahs tsi ronenhé꞉ion, watkonkénrate ne raotinátakon tánon wahontèko; tánon ne Philistines tahón꞉ne tánon thóh wahonthatíteron.

1 Samuel 31:9

Wahonwanontsistsá꞉ke, wahonwashonrehniási ne rateriiostáhkwa, tánon iasakonatóri ratiriwakarénies tsi nihononhóntsas ne Philistines niahatíhawe ne kariwí꞉ios tsi rotinonshótons ne raotiʼiatónhnis ó꞉ni rononháke nonkweʼshón꞉ahs.