1 Samuel 31:6 - Ohiatonhseratokénti

⁶ Káti ne Saul ó꞉ni ne áhsen niháti sakoiohokón꞉ʼahs ó꞉ni ne ráhas rateriʼiostáhkwa ó꞉ni ratikwé꞉kon ne raonkwetaʼshón꞉ahs ne ronhnón꞉kwe wahonníheie skát꞉ne ne sahennísera.

1 Samuel 31:6 ပူးပေါင်းရင်းမြစ်များ

2 Samuel 1:1

Sarénheʼie ne Saul, nó꞉nen ne Táwit shís꞉roh tsi iesakoʼsénhnion ne Amalekró꞉nons, ne Táwit thóh iehenterónhtakwe tewenhniseráke ne Ziklag nón꞉we.

2 Samuel 1:12

Wahontiónhnion tánon wathonséntʼtho, tánon wahonenhtónhtsiete kwáh tsahokárawe ne ne Saul tánon ne roiénha Jonathan raotirihwáke, tánon ne ronwaterí꞉iose ne Roiá꞉ner ó꞉ni tsi ratiwatsiratátsie Israerʼró꞉nons, tsioríhwa tsi ne rotiʼiatsenénhton nasarehkó꞉wa.

1 Chronicles 10:6

Ká꞉ti ne Saul ó꞉ni ne áhsen nihá꞉ti sakoiohokónhas ratiʼkwé꞉kon tsi skát꞉ke waʼhonhníheʼie, tánon iáh ónka tsi níkon rawaʼtsiratháʼtie iáh nonwénhton teshonatkoʼráston.

Judges 9:54

Ethòne tsi niʼiostó꞉re iahó꞉nonhke nithohiónha né꞉ne rahawinónhtiene ne rateriʼiosthákwas tánon wahoró꞉ri, “Shaʼsarótsi ne shaʼsarekówa tánon takenonhwariákon. Iáh thatewakathonhontsóni nahiaiéron iónhkwe kí꞉ken onhkenonhwariákon.” Káti ne nithohiónha wathohiatoráhrake, tánon warénheie.

1 Samuel 11:15

Káti onkweʼtakwé꞉kon iahá꞉hen ne Gilgal, tánon thóh nón꞉we iahonwanontí꞉ioste ne Saul raohén꞉ton ne Roiá꞉ner thohʼnón꞉we Gilgal. Thóh nón꞉we nahonteskónten natakaritétshera aoriwá꞉ke raohén꞉ton ne Roiá꞉ner, tánon thóh nón꞉we ne Saul tánon ratiʼkwé꞉kon Nisraerʼró꞉nons wahontonnáhren teiotenonhiaʼníton í꞉ken.

1 Samuel 12:17

Iáh kén ná꞉ʼa tsi niʼieientkwákwas noná꞉tsa nón꞉wa wenhniseráte? Í꞉i kwáh ienhináton ne Roiá꞉ner, neh nahontahaténieʼte nakawéh꞉re ó꞉ni aiokenhnó꞉re; tánon ní꞉se kwáh ensewateriéntaraʼne tánon ensewatkátho tsi niʼioriwatsáni nètho ní꞉se tsi nishewatiéren raohén꞉ton ne Roiá꞉ner, ne tsi nisewarihwanónton naʼisewanontiʼiotseraiéntaʼne.”

1 Samuel 12:25

Ók tó꞉ka shé꞉kon ensewariwanerakʼhák꞉seke, ní꞉se kwáh kiʼ Ní꞉io ienhiónhewe, tesenitiaʼron í꞉se tánon ne sanontí꞉io.”

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.

1 Samuel 28:19

Sénha í꞉si nón꞉we ne Roiá꞉ner kwáh ní꞉se tánon ne Israel thóh iènsewathátehre rontshanákes ne Philistines; tánon nenhió꞉renhne ní꞉se tánon ne sanekenterontserashón꞉ahs kwáh í꞉i entewakwékahne; ne Roiá꞉ner kwáh ó꞉ni ne Israel raotitsió꞉kwas ne ronterí꞉ios thóh ienhonatátere rontshanákes ne Philistines.”

1 Samuel 31:5

Nó꞉nen ne rateriʼiostáhkwa ráhas sahatkátho nètho Saul tsi rawenhé꞉ion, rahón꞉ha ó꞉ni wahatáwa ne raosarehkó꞉wa tánon thóh iahatatiá꞉tsenenhte tánon skát꞉ne tsi waní꞉heie.

1 Samuel 31:7

Nó꞉nen ne ronhnón꞉kwe ne Israerʼró꞉nons ne thóh thón꞉nes ní꞉se nokwáti nahonrákwahkon ó꞉ni tsi niiá꞉kon ne iehiotohétston ne Jordan sahatiriwáronke nètho ronón꞉kwe NʼIsraerʼró꞉nons tsi ronatékwen tánon nètho Saul ó꞉ni ne raoʼnekenteronhtseraʼshón꞉ʼahs tsi ronenhé꞉ion, watkonkénrate ne raotinátakon tánon wahontèko; tánon ne Philistines tahón꞉ne tánon thóh wahonthatíteron.