1 Samuel 31:4 - Ohiatonhseratokénti

⁴ Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.

1 Samuel 31:4 ပူးပေါင်းရင်းမြစ်များ

2 Samuel 1:1

Sarénheʼie ne Saul, nó꞉nen ne Táwit shís꞉roh tsi iesakoʼsénhnion ne Amalekró꞉nons, ne Táwit thóh iehenterónhtakwe tewenhniseráke ne Ziklag nón꞉we.

2 Samuel 1:14

Ne Táwit wahawénhase, “Ní꞉se iáh kén tesáteronskwe naʼontahsatshanakaráthaʼte natsiá꞉tonte ne Roiá꞉ner roiatahrá꞉kwen?”

2 Samuel 1:20

Tó꞉sa thóh nón꞉we iaserihhówahnat ne Gath nón꞉we, tó꞉sa serihʼhówahnat ne tsi tekanatokénserons ne Ashkelon; khéhs tó꞉sa sehrí꞉on nakoioʼokónʼahs ne Philistines nakontsenhnón꞉ni, ne sakotiʼioʼó꞉kons ne iáh tehonaʼtewarakwátarons kwáh enhontsenhnakaráthaʼte.

2 Samuel 1:6

Ne kennithoiónha ne rorioriánions wahén꞉ron, “Tsi nahá꞉wenhne thóh í꞉keskwe tsi Ionón꞉te ne Gilboa; tánon thóh nón꞉we ne Saul ne rotenhnitserotakwen ne raoshí꞉kwara, iáh tehiahonhnisèhon ne otsiónkwas káseres ó꞉ni ne rotisátens rahiatákʼta wahón꞉nehte.

2 Samuel 17:23

Nó꞉nenh ne Ahithophel sahatkátho nètho tsi nihotenikonráwi tsi iáh tehotíseron, wahokweniáren ne raotsénen tehahóntes tánon thóh nionsáre tsi thohʼnón꞉shote ne raohónʼa raonatowanénhken. Wahakwatá꞉ko ne raoriwashón꞉ahs, tánon wahatatniáterenhke; warénheʼie tánon thóh nón꞉we nahonwahiatá꞉ta ne roʼníha rotstenhrakáronhte.

2 Samuel 21:12

Ne Táwit iaʼhá꞉re tánon iahá꞉ko ne raostsienʼshó꞉ahs ne Saul ó꞉ni ne raonekenteronhtserashón꞉ahs ne Jonathan ne ne ronhnón꞉kwe thóh nithonénon tsi watonhontsáien ne Jabesh-gilead, ne ronhnón꞉ha thóh nón꞉we thonwatiʼiatanénhskwen tsi tsiontʼkerontákwa ne Beth-shan, thóh nón꞉we ne Philistiaró꞉nons nahatiʼnihiontón꞉nion raotiʼierón꞉tas, ne thóh shiwenhniserá꞉tekwe ne Philistiaró꞉nons sahonwanonwarhiákhon Saul thóh nón꞉we Gilboa.

1 Kings 16:18

Nó꞉nen ne Zimri sahatkátho ne kanatowanénhke tsi konhwasénhnion, thóh niaháre iahatháwehiaʼte nathenhénrakon né tekanathanákʼthon tsi kanontiʼiotsheráien, wahatsiróthen tsi ronónhshoʼthe ne ronhnonhtí꞉io, tánon thóh ohthonhkhó꞉kon warénheʼie.

1 Kings 16:27

Orihwakwékons tsi nihotseránion ne Omri akwékon thóh nónhwe nikahiatónhnions Tsi Nihonwatikáratons ne Ronhtinontí꞉ios ne Israerʼronónke.

1 Chronicles 10:4

Wahawénhase ne kén nithoiónha ne rahawinóntieʼne ne rateriʼiostákwah, “Shó꞉tsi ne shá꞉sare tánon takenonwariákhon, né nahontháaʼtiénhaʼse kí꞉ken iáh teotiniʼioseráien tsi nihononhnineʼkénʼen nakonháke.” Ók kíʼ ne kenʼnithoiónha shó꞉tsi kíʼ roteronhienhténhni né nahá꞉ieʼre. Sók kíʼ ne Saul rahón꞉ʼa raʼoshaʼrekó꞉wa wáʼratsʼte tánon thóh aʼsáh꞉raʼke waʼhathatiaʼtónhti.

Judges 14:3

Ók né ronhwaiénha wahonwarihwanónhtonhse, “Nonhtséren tsi thóh nónhwe niáse ne iáh tehoneriása thí꞉ken Philistiaró꞉nons nasehnakwísake? Iáh kén thaʼsehiatatʼtsénhri ónhkak né꞉ne sahonkwénhthara í꞉ken, né nonhkwenhtsokwáhkon hiehiátare?” Ók ne Samson wahoróri ne roʼníha, “Akahónha tewakathonhontsóni ne hiaséhnonhke nakerihwáke. Kheʼnónhwes.”

Judges 9:54

Ethòne tsi niʼiostó꞉re iahó꞉nonhke nithohiónha né꞉ne rahawinónhtiene ne rateriʼiosthákwas tánon wahoró꞉ri, “Shaʼsarótsi ne shaʼsarekówa tánon takenonhwariákon. Iáh thatewakathonhontsóni nahiaiéron iónhkwe kí꞉ken onhkenonhwariákon.” Káti ne nithohiónha wathohiatoráhrake, tánon warénheie.

1 Samuel 14:6

Ne Jonathan wahawénhase ne kén nithoiónha rón꞉kwe ne rahawinón꞉tse rateriʼiostákwas, “Káts, áhnion thóh niehé꞉tene tsi kentió꞉kwaien ne ronterí꞉ios ne ronónha tsi iáh tehonwatiʼwarakwétaron; tó꞉ka nón꞉wa ne Roiá꞉ner teshonkwariwáhwá꞉se; asèken ne Roiá꞉ner iáh thaónton tahoiótatʼtse nasakonónsthate aiakotiokówanenke khéhs kénk naiakónha.”

1 Samuel 17:26

Ne Táwit wahawénhase ne rón꞉kwe ne raiaták꞉ta rátahkwe, “Ónh nahonwatiérase ne rón꞉kwe nón꞉ka ahononhwarhiákhon kí꞉ken Philistiaró꞉non, tánon éhren ahaháwite natehénsera NÍsraerʼronónke? Asèken ónhka kí꞉ken ne iáh tehotewarahkwétaron Philistiaró꞉non ne ne rahón꞉ʼa asakonenrók꞉thaʼse ne ronwaterí꞉iose ne ronnheʼónwe Ní꞉io?”

1 Samuel 17:36

I꞉i kwáh kekononhwarhiákhon tetsá꞉ron ne kénreks ó꞉ni nokwáhri; tánon kí꞉ken ne iáh teotewarakwétaron Philistiaró꞉non kwáh nonhnéʼeh tho nenhoiátawe tsi kíʼne eh nihotiʼiatawénhʼen ne ró꞉nonha, neh tsi sakosenhnakʼsáton ne raotió꞉kwas ronterí꞉ios ne ronhnheʼón꞉we Ní꞉io,”

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.

1 Samuel 31:5

Nó꞉nen ne rateriʼiostáhkwa ráhas sahatkátho nètho Saul tsi rawenhé꞉ion, rahón꞉ha ó꞉ni wahatáwa ne raosarehkó꞉wa tánon thóh iahatatiá꞉tsenenhte tánon skát꞉ne tsi waní꞉heie.