1 Samuel 30:6 - Ohiatonhseratokénti

⁶ Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.

1 Samuel 30:6 ပူးပေါင်းရင်းမြစ်များ

Genesis 32:7

Eʼthó꞉ne ne Jacob kwáh í꞉ken tsi teiotenonhianíhton tsi wahoteronhiènhten tanon waʼthaʼnikonhrhá꞉ren; tánon waʼtehshakokhahshión꞉ko nonkwehshón꞉ʼahs ne skátne ratikwekón꞉ne, ó꞉ni ne teiotinaʼkarontón꞉ʼahs tánon ne kaiaʼtákeras ó꞉ni ne tiohnhónskwaronʼs ó꞉ni ne iotiniaʼkwahere, tekentiohkwakehátie tsi wahshakotiohkón꞉ni,

2 Samuel 17:8

Ne Hushai iahatashón꞉teren, “Sateriéntare ne ianíha ó꞉ni ne raonkweʼtashón꞉ahs ne ronterí꞉ios, tsi rotinhakwénhen, kwáh ne ne okwári konwawirákwen thóh kahentáke. Tsieská꞉te, ne iá꞉niha tsi rorenhná꞉hon nateriʼioseráke; ne raónha kwáh iáh thóh tahasontiʼiá꞉ke skat꞉ne ne ronterí꞉ios.

2 Kings 4:27

ók kíʼ nó꞉nen shiahónwe tsi thénhteron ne Elisha, rahohénton watewatsákete tánon rashitáke wakaiéna. Óhnen thóhwa ne Gehazi niahá꞉reke, ók ne Elisha wahawénhase “Tó꞉sa othènen satstéristhat. Iáh kén tesatʼkhátos tsi nitsionikonhrénhen? Tánon kíʼ ne Roiá꞉ner kwáh iáh thaʼhóthen tehakróris nètho nahorihóthen.”

Job Tánon ne Raoronhiakensera 13:15

Satká꞉tho kwáh enhakenonwarià꞉kon; iáh othé꞉non tesewakararahtsherá꞉ien; ók kwáh ki entkatá꞉tene tsi nikeweienhnó꞉tens ne raohénton.

Psalms 116:10

Iewakehthákwen tsi tewaʼketákwen, kwáh óni nó꞉nen sakíron, “Ioronhiákent tsi natewaʼkawehetstánions”;

Psalms 138:3

Né tewenhniserátekwe shiakonhnáton, wateskerihwasehrákwahse, sénha sahshesasthénseron nakatónnhets.

Psalms 18:2

Roiá꞉ner se nakisténhra í꞉ken, nakatenhénhra, tánon ne sahtiathákwen, akeNí꞉io, nakisténhra ne rahonháke nón꞉we nikatasehthákwah, ne nakatʼroʼosthákwah, né꞉ne kashaststénhsera sewatiathákwen, ne nakáwenk iotenhenraníron.

Psalms 18:6

Thóh natewakanikónrahre iahináton ne Roiá꞉ner; rahonháke nakení꞉io watkhasénhtho nahatiénawase. Thóhrahononsatokentikówahne waʼhakewénhnaronhke, tánon tsi tekaséntʼthos ne rahonháke iaʼhohonsónhkote.

Psalms 25:17

Ehʼtàke hionsásaf tsi niwaʼkaterhiá꞉sho ne tsi só꞉tsi natewaʼkanikónhrare, tánon sastsiatotarísi tsi niwaʼkenikonhraronhiáken.

Psalms 27:14

Tatiethakwénhak ne Roiá꞉ner; sehsháststet, tánon sehríhon ne seriáne nahionikonraníronhke; tatiethakwénhak ká꞉ti ne Roiá꞉ner!

Psalms 31:24

Sewaʼnikonratshanitónhak, tánon tasewethakwénhak ne sehweriáne, sewaʼkwékon ne et tsi sehwáʼrahre ne Roiá꞉ner.

Psalms 42:11

Tsi nió꞉re tsi waʼkenikonhrák꞉sens, Ó akwahtón꞉nhets, tsi nió꞉re tsi tewakanikónhrahre? Kwáh Rawenniʼióke nón꞉we nénhtsen nakwahrahrát꞉tsera, asèken shé꞉kon kíʼ thenshiʼnonhweráton, rahónha sahkeskonthákwen tánon akeʼNí꞉io í꞉ken.

Psalms 42:5

Tsi nió꞉re tsi waʼkenikonráksens, Ó akwahtón꞉nhets, tsi nió꞉re tsi tewaʼkanikónhrare? Kwáh rawenní꞉ioke nón꞉we nénhtsen nakwararát꞉tsera, asèken shé꞉kon kíʼ thenhshiʼnonhweráton, rahón꞉ha natienawaʼséhtsera í꞉ken

Psalms 56:11

Rawenniʼióke nón꞉we nitewakethákwen; iáh kíʼ tewák꞉terons. Nahó꞉ten aiekwéni ne ónhkwe khók í꞉ken nahiontkaréwaʼte?

Psalms 62:1

Kwáh sák thiwakatatón꞉ni né꞉ne Rawenni꞉io ahatiatanónsthateʼ rahonháke nón꞉we nitewètha natiatakenatiéra.

Psalms 62:5

Asèken Rawenni꞉io khók rihniahé꞉sen; asèken nakararát꞉tseras rahonháke nón꞉we nitewé꞉tha.

Psalms 71:4

Saskeniákent, Ó Sewenní꞉io, tsi nòkwa ne ronnonhkwetaʼhét꞉kens, tsi nitotiniaró꞉taron ne iatehotiʼiánere tánon ne ratiniakátsʼtes.

Psalms 71:5

Asèken í꞉se Saiá꞉ner nakarahrátʼtsera í꞉ken, tkonhietákwen Ó Saiá꞉ner kwáh shiʼtewatiónha nióre ahonsakaʼkéte.

Exodus 17:4

Ne Mahís kwáh íken tsi tahaʼnikonhraʼkónhtaʼkwe tsi iahaterénhnaien rahonhàke ne Roiá꞉ner tánon wahénron, “Ónh nakhehiaʼtiéraʼse kí꞉ken onhkweshón꞉ʼa? Kwáh thóhwa nahoʼnathaʼteweienhnentaʼhónhake nahionkenenʼhióhiake.”

Proverbs 18:10

Roiá꞉ner ne táhtsheren ne kwáh tioʼnikahtaʼní꞉ron, tsi nón꞉we enwá꞉ton niá꞉ien ne tionkweʼtaié꞉ri ne skén꞉nen aionnonhtonniónhake.

Isaiah 25:4

Asèken í꞉se sehiatewehién꞉ton ne iakóten, í꞉se sehiénawase ne tehontʼkárhias thóh tsi natehonanikónrahre, ronaskwáhere nó꞉nenh iokenhnó꞉ron tánon ronterakwahwerostákwah nó꞉nen iorakwahtaríhen. Nó꞉nenh tehonateraʼnekarénhni ne iáh tehotí꞉ien nataniténron thóh niʼiohtónhne kwáh né꞉ne koseràke nó꞉nen iowisónhtion,

Jeremiah 16:19

Saiá꞉ner, i꞉se ne teskè꞉nhes ó꞉ni teskáwis ne kashastsʼténsera; í꞉se tatienahwáse nónen ne thènen tekanikónhrahre. Nonhkweshón꞉a tsi iotonhontsiokʼthaníhon tsík nonhwéson nenthónne tánon enhiahiéron, “Hiaʼkhisotʼthonkonhkénʼen nék khók rotiʼiénthaʼkwe ne iáh tekonnónhneʼkwe niʼiohokónhas, ne kwáh iáh thènenh tekariwástha kahiatonnisónhas.

Jonah 2:2

“Tsi niwakerihwanoronstén꞉ni, Ó Saiá꞉ner, Í꞉se ìaʼkonná꞉ton, tánon ó꞉ni waʼtehskerihwaʼserákwaʼse. Ó꞉nen tho꞉a shiakatá꞉weiaʼte tsi nón꞉we ieién꞉tha ne iakawenhé꞉ion né ne kanòn꞉wakon ne kaniataraʼkehkó꞉wa waʼkeriʼwanón꞉ton ne kaienawaʼséhtshera, tánon wahskewenná꞉ronke.

Numbers 14:10

Kanakeraserakwékon iontesenhnanónwakʼskwe nahonwatiʼnenhióhiake tsi thaʼníheie, ók thontaiawénhstsi nonhkweshón꞉ʼa wahontkátho ne tehiohaseraswát꞉the né꞉ne tsi nónhwe nihénteron ne Roiá꞉ner thóh é꞉neken tsi watóhserote onhtotáhsi.

Matthew 21:9

Akȣekon ok oni iontonhakȣe: Ronȣasennaien ne David Roienha! ahonȣanenton ne tare raosennakon ne Raȣenniio! ahonȣasennaien Karonhiake.

Matthew 27:22

Tontahenron ne Pilat; oh kati neneh nenhoiataȣen ne Iesos Keristos ronȣanatonkȣa?

John 8:59

Ethone are onen ȣathatinenhiakȣanion nahonȣaiente; nok tanon ne Iesos ȣahatatasete tontahaiakenhne nʼononsatokentikoȣane, tehatiiatokensson sahatohestste; nok eh niiot tsi sahatenti.

Romans 4:18

Abraham tarétakwe ó꞉ni wahaskáneke, iawerohátsien tsi iáh kanekahtewaterihónʼniskwe ne karahrhátsera, ehʼkáti nontáwe tsi wakaiéntaʼne; kanísera neh iaʼteiakahontsiákes, kwáh káti tsi niwáton nohiatonseratokénti, “Tsi iensatwatsirí꞉ne ehʼnenhatíhake tsi níkon hiotsistokwarónnions.”

Romans 4:20

Ne rawetakwéntsera iáh tehotewentéton, iáh tehoteʼnhowénton ne Rawenni꞉io rahorahrhátsera; ne rahwetakwátsera ne wakanhá꞉ne ne kasatsténsera, ó꞉ni wathonʼnonweráton ne Rawenni꞉io.

Romans 8:31

Tsi akwékon kíʼ neh tewanontónʼnions, onh nahóten aihtewahkwéni aihtewénron? Tóhkaʼ neh Rawenni꞉io tewakwékon, ónhka káti aiekwéni nahionkihiatʼkónten.

2 Corinthians 1:6

Ionkwaronhiá꞉ken tsi niiakwaská꞉neks ní꞉se ne aiesewaʼnikonhrén꞉taʼne, ó꞉ni ne aiesewaʼniá꞉kenʼne. Tsi ní꞉ʼi niionkhiʼnikonhraieʼwén꞉thos, í꞉se ó꞉ni tho ní꞉ioht tsi aiesewaʼnikonhriió꞉hake, tsi kwáh skén꞉nen tsi aiesewahkátsteke tsi ní꞉ʼi ní꞉ioht ne onkwatiaʼkéhshon.

2 Corinthians 4:8

Sewatié꞉rens entewaronhiá꞉ken, nok iáh kiʼ nowén꞉ton tehionhkhi꞉iaʼtsó꞉ron. Shé꞉kon kiʼ nen né꞉ʼe nó꞉nen iáh teionkwaterién꞉tare oh nakaié꞉ren, iáh nowén꞉ton thaitewaʼnikonhró꞉ten.

2 Corinthians 7:5

Shaʼakenewe ne Macedonia, iáh teiótonʼon aiontiatorishén꞉take. Niaʼté꞉kon waʼtionkhiʼnikonhrhá꞉ren ne ionkhíhswens tánon ó꞉ni waʼontiateronhiénhten.

Hebrews 13:6

Ánion kíʼ ionkwahriwahníronk, káti, tánon tewénhron, “Roiá꞉ner sehʼ ratiénawahse, iáh tahonkʼteronní꞉hake. Nahóten ahiekwéni nónka ne oʼthènen naiontiérahse?”

Judges 18:25

Ne Danró꞉nons wahonwaró꞉ri, “Né iohiánere ne tó꞉sa othènen ahsí꞉ron khés tó꞉ka kén ne tesatonhontsóni kí꞉ken ronhnónhkwe nahiesanákwahse tánon ne iahiesatsathónhti. Í꞉se tánon swatsirakwékon ensewénheie.”

Judges 20:22

Ethòne nʼIsraerʼró꞉nons tsi tsonhterenhnaienthákwah niahónhne tánon wahontsiónhnion rahohénton ne Roiá꞉ner né꞉ne kwáh tsahokaraʼwe. Wahonwarihwanónhtonhse, “Shé꞉kon kén thóh niahonsahiákwe nahonsahiakwahterí꞉io nonhkwahtatekénhseras Benjaminró꞉nons?” Né Roiá꞉ner watharihwasehráko, “Hén.” Káti nʼIsraerʼró꞉nons rahotisóh꞉tar sahotinikonhranírah, tánon shé꞉kon ki né rahotisóh꞉tar sahonthateweienénhtaʼne, tsi kíʼ nónhwe nihónhneskwe ne thenhtérehʼne.

1 Samuel 1:10

Né Hannah kwáh í꞉ken tsi iakawerhiaʼsanónwaks tánon iahonterénhnaian raonhá꞉ke ne Roiá꞉ner, tánon wationsént꞉tho otsitòwa.

1 Samuel 23:16

Tánon ne Jonathan ne ne Saul roiénha, wathá꞉tahne, tánon thóh wárete tsi thonón꞉shote ne Táwit ne ne Horesh nón꞉we, tánon thóh nón꞉we iahonikonráhreke ne tsi wahashátstenhne ne rahwetakwáhtshera raonháke ne Ní꞉io.

1 Samuel 28:15

Ehʼthóhʼne ne Samuel wahawénhase ne Saul, “Ónhʼnontsiéren tsi wateskenikonrá꞉ren tsi tontastiatarákʼtenste?” Ne Saul wathariwaserá꞉ko, “Kwáh í꞉ken tsi kowáhnen tewakenikón꞉rare, asèken ne Philistines kwáh ionkaronkaténhnis nahontahionkatiatónhti, tánon ne Ní꞉io éhʼren ne rawé꞉ton nakonháke tánon iáh ó꞉nen thateshakeriwaserakwénhnis, khéhs tsi nòkwah ne rotitó꞉kense khéhs tsi nó꞉kwah natetʼtsenserákons; káti í꞉se iakón꞉nonhke nasekró꞉ri onnátiere.”