1 Samuel 30:17 - Ohiatonhseratokénti

¹⁷ Ne Táwit iasakotsiatónti kwáh satontahioswát꞉thene noronkéne kwáh tsaókarawe ne thóh siwenhniserátekwe. Iáh ne sahiá꞉ta teshoniakénʼen, nék khók ne kaié꞉ri tehonhnenhniáwe niháti kén nitotiʼiónsa, ne ronónha iotiʼniakwáhere ne wahotisáten tánon wahontèko.

1 Samuel 30:17 ပူးပေါင်းရင်းမြစ်များ

2 Samuel 1:1

Sarénheʼie ne Saul, nó꞉nen ne Táwit shís꞉roh tsi iesakoʼsénhnion ne Amalekró꞉nons, ne Táwit thóh iehenterónhtakwe tewenhniseráke ne Ziklag nón꞉we.

2 Samuel 8:12

Thóh nithoháseron Edom, Moab, ne ne Ammonró꞉nons, ne ne Philistines, Amalek, tánon tsi nètho haséhron ne ronenhskwenháton ne Ronnontí꞉io Hadadezer ne ronikénʼen ne Zobah.

2 Kings 7:5

Ká꞉ti, tsi nontaiokarahonhátie, tsi thóh nathathoseróte ne Syriaró꞉nons niaʼhónne, ók kíʼ shiaʼónnewe, iáh ónʼka thóh tèienskwe.

1 Chronicles 4:43

Thóh nón꞉we nashakotiʼnonwariahkónhnion ne iaʼteonathaténhron Amalekró꞉nons, tánon thóh nón꞉we tsi tiokonte nihatinakeréʼkwe.

Psalms 18:42

Kwáh ioiánere tsi waʼkhenonwenhserário, tsi ní꞉ioht nó꞉nen iokenró꞉te ne tsi iahó꞉te; Waʼkhehiátonte tsi ní꞉ioht ne ionawatstanótes tsi tekanatokénhseron.

Jeremiah 41:15

Ók ne Ishmael tánon ne satèkon niháti rahonkwethashón꞉a shaʼhonwahniákenhse ne Johanan tánon thóh nónhwe niahathiniákenʼne ne tsi tiohontsiáien ne Ammon.

Judges 4:16

Ne Barak washakósehre kíʼ notsón꞉kwas tánon ne ronhterí꞉ios tsi nióre ne Harosheth-Né꞉ne-Iáh-Tehatiʼshíʼtaeró꞉nons, tánon ratikwékon kíʼ ne Sisera rahonkwetashón꞉as ronterí꞉ios wahonwatinonhwariákon. Iáh ne tsonkwéta tiatesohthaténron.

Judges 7:12

Ne Midianró꞉nons, ne Amalekró꞉nons, tánon ne iahonwenhtsiátʼtenhke ratitsiókwahien tsiatehonarénion nahonráhkwahkon tsi ní꞉ioht ne tsistárare iotihonwenhrenháwi, tánon thóh níkon rotinaskwahiéntons ne iotiniakwáhere tsi kíʼ níkonh tekatsinetaró꞉tarons nonesarónhkwas natsatʼthontse.

1 Samuel 11:11

Thóh siʼiokaratsiérate ne Saul nonkweʼókons áhsen naʼtesakonenrhakhási. Tánon tsi iahó꞉rhenne iaʼsakotinenhrhénten tsi thóh nathaʼtoserótons tánon washaʼkotinonwarhiakhónnion ne Ammonró꞉nons kwáh tsi ní꞉iore nénhtie iahón꞉ton; tánon tsi niʼiákon ne iatiaʼkotátere waʼtionhréhni, káti kwáh iáh ónka ne teionkwé꞉take ahonsakénhaʼke.

1 Samuel 15:3

Ó꞉nen wáhs tánon iasheiatiatónhti ne Amalekró꞉nons, tánon kwáh tokénʼen serihwá꞉tont tsi nahó꞉ten ahotiʼientahtseraiéntahke; tó꞉sa othènen teshenonhiánik, ók senonwarhiá꞉kon tetsá꞉ron rón꞉kwe tánon ne konnón꞉kwe, ratiksaʼokónhas ó꞉ni nowiráhas, teotinákares tionónskwarons ó꞉ni teiotinakarontón꞉ʼahs, iotiniakwáhere ó꞉ni tewahóntes.’”