1 Samuel 30:15 - Ohiatonhseratokénti

¹⁵ Ne Táwit wahawénhase, “Kwáh iastiaʼténhaf thóh nón꞉we thí꞉ken ratinataká꞉rias kentsió꞉kwa?” Wahénron, “Takeriwanírats rahonháke ne Ní꞉io nètho ní꞉se tsi iáh taskenonwarhiá꞉khon, khéhs niaʼskatiakwahrísi rahonháke ne ratiatakweʼní꞉io, tánon kwáh kiʼ ienkonhiaténhawe tsi tón꞉nes.”

1 Samuel 30:15 ပူးပေါင်းရင်းမြစ်များ

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Ezekiel 17:13

Shahiáta ne Ronhnontí꞉io rahowáhtsire iahohiaténhawe, wahiatianerenhsehrónhni, tánon wahahónhnien nahariwahnírahte nahoriwahtokénhake. Wahshakononhthónʼnion ne ronhnonhkwetowáhnenhs

Ezekiel 17:16

“Tsi nihioriwí꞉io tsi Í꞉i ne konhnhéhonwe Ní꞉io,” ráton ne Ronhnontí꞉io Roiá꞉ner, “kí꞉ken Ronhnontí꞉io kwáh Babylonia nónhwe ienrénheie tioríhwa tsi wahthá꞉hiake ne roriwahniráhton ó꞉ni nateriwahseronhniátshera ne rothíʼson ne Ronhnontí꞉io ne Babylonia, ne꞉ne rahóna roskwáhere natsitskwáhrahne.

Ezekiel 17:19

Ne Ronhnontí꞉io Roiá꞉ner ratónhnions, “Kwáh tsi nihioriwí꞉io tsi Í꞉i ne konhnhehónwe Ní꞉io, kwáh enhiréwahthe ne tsi tehohiákon nateriwahsehronhniátshera tsi nikáien ne rohriwahniráton naksénhnakon nahatiénawasthe.

Joshua 2:12

Káti ó꞉nen rahohénton sewarihwaní꞉rat tsi entietsihiateweienhtónhase nakhwá꞉tsires tsi ní꞉i natkwarihwasniése, tánon knahò꞉tenk thakwanaʼtónhas nahónton ahontakwè꞉takwe.

Joshua 9:15

Ne Joshua warónhni ne skén꞉non ateriwaʼseronhniá꞉tshera í꞉ken skátke ne Gibeonró꞉nons tánon washakorí꞉hon nahonónhneke. Ne shakotihentènse ne tsi ratinakerahserá꞉ien ne Israerʼró꞉nonhke tahóntkaʼwe ne kariwanirá꞉tshera wahonráratsthe tsi enhathikwéniensthe naterihwaʼseronhniá꞉tshera.

Judges 1:24

Wahonwáken rónhkwe sohʼhiakenhenhátie ne kanatowakénke tánon wahonwénhase, “Takwahnatónhas onhʼní꞉ioht tsi iahiákwahwe ne kanatowanénhke, tánon iáh kíʼ thaʼkwahkaréwathe.”

1 Samuel 29:6

Ehʼthóhʼne ne Achish iahó꞉nonhke ne Táwit tánon wahawénhase, “Tsi nironnhétie ne Roiá꞉ner, ní꞉se tsi sarihwatóken, tánon ní꞉i ne tkarihwaié꞉ri nètho ní꞉se ahó꞉wenk naskatiá꞉tahrase nakitsió꞉kwakon ronterí꞉ios; asèken iáh othènon tewahketsénrion ne tasaterientahweriésehke tsi ná꞉he tsíso nakonháke tsi niió꞉re nón꞉wa wenhniseráte. Nek kiʼ sá꞉ka ne rotinontí꞉ios iáh kiʼ teiesariwanirátʼtse.

1 Samuel 30:14

Iakhiʼnenhrenténhni tsi ratiʼnakeraserá꞉ien ne Cherethites ne ne entié꞉ne nokwáhti í꞉ken ne Judah tánon tsi kanakeraserá꞉ien tsi ratiʼtárá꞉ien ne Caleb, ó꞉ni wahakwatenathéntahwe ne Ziklag.”

1 Samuel 30:16

Nó꞉nen shiaʼhohiáthiwe, ne ratinataká꞉rias tehatihiaʼtotáhron ohontsáke, tehonatskáon tánon rotiʼnekí꞉ren tánon teotinonniákwen, tsioríhwa tsi nihiotonhiowánens rotinenskwenhá꞉tons thóh tí꞉has ne raononhontsákes ne Philistines ó꞉ni ne raononhontsákes ne Judah.