1 Samuel 30:12 - Ohiatonhseratokénti

¹² kwáh ó꞉ni tahón꞉ion kén ní꞉wa ne tsioʼnionhwarontonhaʼkówa ká꞉ret tánon tékeni ne ionenrhiokwénton onénhare. Nó꞉nenh sharáke, sahataʼsastenhserakwahtáhko; asèken iáh thatehokskáon ne náhsen nón꞉ta niʼkaríweskwe tánon áhsen nihiokaratsheráke.

1 Samuel 30:12 ပူးပေါင်းရင်းမြစ်များ

Esther 4:16

“Sheiaʼtaró꞉rok akwé꞉kon ne Sitaeró꞉non Susa ratinákere; ensewentóntiehte tánon enskwaterennaién꞉hahse. Tóhsa oʼthé꞉nen í꞉sewak tóhsa ó꞉ni sewahnekí꞉ra áhsen nenwà꞉ta tánon áhsen niwahsón꞉take. Konnón꞉kwe akehnhaʼtsheraʼó꞉kon tánon í꞉ʼi tho neniakwá꞉iere. Thó꞉ne ó꞉nen éʼthó ién꞉ke raohén꞉ton ne ronontí꞉io, iaweronhátien tsi nikaianerenhserò꞉ten. Tóka enkí꞉heie tsi tho nén꞉tiere, enkí꞉heie kiʼ.”

Lamentations 1:11

Nahonkwetaʼsónhas ronnonsenénʼnes tsi rathikwísas nahóten hahónneke; watontáton ne raotiʼientátseras ne káhkwa né꞉ne ahonónnheke. “Takenʼénion Saiá꞉ner, tátkens tsi nikonnakʼsen,” ne kanatowá꞉nen tewaséntsos.

Jonah 1:17

Né ne kwáh Roiá꞉ner waharihwahserón꞉ni ne kentsowá꞉nen iahotiataʼnéhkwane ne Jonah, né káti ne eʼtho kentsowá꞉nen, né ne áhsen niwenhniserá꞉ke tánon áhsen niwahsón꞉take iehotiaʼtahnehkwanónhkwe.

Matthew 27:63

Nok ȣahonniron: Saianer! tsiakȣeiaras tsinahoten ratonhakȣe ne sekon sironnhe kehiken tsiaonkȣetokenha: Raȣen asen nenȣata enteȣakenheion enskatonnhete.

Judges 15:19

Ethòne ne Rawenni꞉io wahanonhthónko ne iofároʼte nonhontsókon thóh nónhwe ne Lehi, tánon takanekóthen. Samson wahanekíra tánon thontásawen nahonsahatkwahtháko. Káti ne ionawerotehónhwe En Hakkóre wakonwasénhnon; shé꞉kon kíʼ thóh tsonáweroʼthe ne Lehi nónhwe.

1 Samuel 14:27

Ók ne Jonathan iáh tehotontéhon ne roní꞉ha tsi ne sakorihontseténhni ne ronterí꞉ios ne kariwanirátʼtshera; káti iahá꞉tate ne aténhnits ne raháwahkwe, tánon iahaʼró꞉we ne tsi ieiót꞉te thóh tsi ratiʼtsikhethatahástha notsinakontakwáhne, tánon ne ratsaná꞉ke iahaiéna tsi rashakáronhte; tánon wathokaraswátʼthene.

1 Samuel 30:11

Thóh nón꞉we kahentáke wahonwahiatattsénri Egyptró꞉non, tánon iahonwahiaténhawe tsítres ne Táwit. Wahonwahkwáhnonte tánon watatskáon, ó꞉ni wahonwaʼnékanonte;

1 Samuel 30:13

Ehʼthóhʼne ne Táwit wahawénhase, “Ón꞉ka níse akahonkwéta í꞉ken? Kaʼnón꞉we nitiséhnon?” Wahén꞉ron, “Í꞉i ne kén nitewatiónha ne Egyptró꞉non, néh rihió꞉tenhse ne Amalekró꞉non. Neh ratiatakweʼní꞉io ékʼthon thahakákʼkawe tsioríhwa tsi onkenonwák꞉ten áhsen nón꞉ta tsi ná꞉he tkènhne.