1 Samuel 30:10 - Ohiatonhseratokénti

¹⁰ Ók kiʼ ne Táwit iahakóntakwe nenhʼné꞉eh tsi wasakó꞉sehre, raón꞉ha tánon ne kaié꞉ri tehonhnenhniáwe nihá꞉ti; tékeni tewenhniáwe nihá꞉ti onàken wahonónhniate. Só꞉tsi ronahtahkenró꞉kwenhni ne tahatiʼionhí꞉iake ne Wadi Besor.

1 Samuel 30:10 ပူးပေါင်းရင်းမြစ်များ

Isaiah 40:30

Iekaníhaʼre ne kén nithonʼtihiónsas enhontesatstenhserók꞉ten tánon tehatiwisénheʼie, tánon ne kén niksakohiónsas kwáh enhatiʼiatiénenhne tsi niʼiakotónhriokʼte;

1 Samuel 14:20

Eʼthó꞉ne ne Saul tánon ratikwé꞉kon nonkweʼó꞉kons ne rahón꞉ha ratikwekonhátieʼne iathontatinóntʼkhon tánon ateriʼioseráke niahón꞉ne; tánon ne Philistines wathontaterí꞉io, káti kwáh í꞉ken tsi kowá꞉nen watewanitónhni.

1 Samuel 14:31

Ne nó꞉nenh sahonwatisénhni ne Philistines nètho siwenhniserátekwe thóh tonʼtásawen Michmash tsi ní꞉iore ne Aijalon, ne ronterí꞉ios kwáh í꞉ken tsi ronatakenró꞉kwenhni;

1 Samuel 30:11

Thóh nón꞉we kahentáke wahonwahiatattsénri Egyptró꞉non, tánon iahonwahiaténhawe tsítres ne Táwit. Wahonwahkwáhnonte tánon watatskáon, ó꞉ni wahonwaʼnékanonte;

1 Samuel 30:21

Ehʼthóhʼne ne Táwit iasakoiatórenhne ne tekenitewenhniáwe niháti ronnón꞉kwe tsi nikáien ne shó꞉tsi teohtiwisenhéionkwe nahonwásehron ne Táwit, tánon ne ne ronónha thóh thonwanatkáwenh ne Wadi Besor. Iahónhne ne ne tahontát꞉ken ne Táwit ó꞉ni ne tahontát꞉ken nonkweʼó꞉kons tsi nikáien ne ratikweʼkonhátie ne rahón꞉ha. Nó꞉nenh ne Táwit ákta sárehte ratiʼiatákʼtion nonkweʼó꞉kons wateshakonónweron.

1 Samuel 30:9

Káti ne Táwit iahá꞉re, tánon ne iáh-iak tewenhniáwe nihá꞉ti ronón꞉kwe ne skát꞉ne rónhne ne raón꞉ha, tánon iahón꞉newe tsitkaionhatátse ne Besor, thóh nón꞉we otiá꞉kes nahonthatíteron.