1 Samuel 3:19 - Ohiatonhseratokénti

¹⁹ Tsi nontahateiéron ne Samuel, ne Roiá꞉ner tsi nikwekonháties tánon iáh tehawéron ne skawénhna nonhontsá꞉ke iakaién꞉tane.

1 Samuel 3:19 ပူးပေါင်းရင်းမြစ်များ

Genesis 21:22

Né sikahá꞉wi ne Abimelech, wahiateró꞉shen ne Phicol ne ne rateriiohseraʼkweʼní꞉io í꞉ken né raotióhkwa ronterí꞉ios, ne Abimelech wahawènhahse ne Abraham, “Ne Rawenni꞉io kwáh senikwé꞉kon ne tsík nenhsátiere;

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 39:2

Ne Roiá꞉ner nikwekón꞉ne ne Só꞉se, ne kíʼ waʼkarihón꞉ni kwáh í꞉ken tsi wahoianeráhsten; thóh renʼterón꞉tahkwe raonónhskon ne Egyptró꞉non né roioʼtenhséhahkwe.

Genesis 39:3

Né róhnhaʼs waháttoke nétho Roiá꞉ner tsi nikwé꞉kon ne Só꞉se, tánon nétho Roiá꞉ner waharihonniánion orihwakwé꞉kon tsi nenhátiere tsi enioiánerenʼne.

1 Kings 8:56

“Tehonwanonweráton ne Roiá꞉ner tsi rahónha tesakówi ne rahonkwetashón꞉ʼas ne skénnon, tsi ki nihorahrátston tsi thóh nenháiere. Akwékon niehoieríhton tsi nahoténsons ne tkarihwaiéris roraratsthánion rahonháke ne Mahís.

2 Kings 10:10

Né kí꞉ken kaʼrihwanírats orihwakwéʼkon nètho tsi niháwen ne Roiá꞉ner tsi nòkwah tsi tahawaʼtsiratháʼtie ne Ahab tsi kwáh thó neniáʼwenhne. Né Roiá꞉ner etʼniʼoiéren tsi nihoraʼrátston rahonháke ne roʼthó꞉kense Elijah.”

2 Kings 15:12

Ká꞉ti ne warahrátston kwáh waká꞉nane ne Roiá꞉ner tsi nihosenhénhni ne Ronnontí꞉iokwe Jehu: “Tsi iensatwatsírihne tsi nióre ne kaieríhaton niaʼteiotereseráhne tsi enhotinontí꞉ioke Nisraeʼró꞉nonke nón꞉we.”

2 Kings 22:16

ne iononterahtse aterihwaʼnotáhtshera tsi nitsawénon raʼónháke ne Roiá꞉ner: “Kwáh kheʼrehwátahʼne ne Jerusalem ó꞉ni ratikwé꞉kon naonhkwetaʼshón꞉as, tsi kí nikaiáton ne kaiatonserákon nètho ronnontí꞉io waʼawennanóten.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

Isaiah 44:26

ónhka rahrihwanírats ne raoʼtiwenhnaókons ne raonhá꞉tsheras, tánon rarihwaiérits tsi niehatiʼríhwakens ne ronwarihwakareniénhnis; ónhka sakaʼwénhnis tsi nó꞉kwah ne Jerusalem, “Kwáh kí enienákereke,” tánon tsi nòkwah ne tsi kanatowánens ne Judah, “Kwáh kí enskanatonhníhake, tánon thóh thentekétsko tsi káien ne raonatʼkaronhniátsheras”;

Isaiah 55:11

Eʼká꞉ti nónhne nenhiáwenhne nakewénhna tsi nitkaiá꞉kens né tsiʼtshaʼkáronhte; iáh akonháke thaʼtahontáwe nowenhnós꞉kon akénhake, ók kwáh kí enkarihwakanónhni tsi niwakatenikonrónhni, tánon enhioterihwaténtiaʼse tsi kí nahó꞉ten aorihwá꞉ke tsi iekateniéton.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Luke 1:28

Nok nonen siiahataȣeiate ne Raronhiakeronon tsinonȣe nikenterontakȣe, ȣahenron: ȣatkonnonȣeraton ise ne iesaȣi ne Kaianeren Senikȣekon ne Roianer: sonhaa iesaiatanoronston tsiniiakon ne tsiakothonȣisen.

Luke 1:80

Nok ne raksaa roteiarontie, oni ronikonroȣannhaonhatie; nok karhakon ranakerekȣe tsiniiore iaontenniseriheȣe Onkȣene ahrete.

Luke 2:40

Nok ne raksaa roteiarontie, ronikonroȣannhaonhatie oni, raiati nattokhatsera; nikȣekonhatie oni ne Niio raotanitenron.

Luke 2:52

Nok ne Iesos attokhatserakon tsi roteiarontie, nok ateriȣakȣarisiontserakon rahohenton ne Niio oni nonkȣeokon.

2 Corinthians 13:11

Nón꞉wa, tewataté꞉ken, ó꞉nen kiʼ wáhi! Sewatshennonníhak, tesewatá꞉ton tsi nisewaweiennò꞉tens. Tesewatateʼnikonhraní꞉rat. Shaʼkarì꞉wa kénhak, skén꞉nen tsi tsónhnhek. Tánon ne Rawenni꞉io, tsi niká꞉ien thatká꞉was ne kanoronhkhwáhtshera tánon ne skén꞉nen, ensewakwekónhake.

Deuteronomy 18:22

Tó꞉ka ne rotokénhse raosénhnakon ne Roiá꞉ner tsi ratá꞉tis tánon tsi nahó꞉ten ráton iáh é꞉tho tahiáwenhne, é꞉tho káti iáh Roiá꞉ner tehoteriwanotátshera. Né꞉tho roʼrokéhnse hiatehaiá꞉ti rahoshatstenhserá꞉kon tsi wahatá꞉ti, tánon tó꞉sa ki tsi sewaʼtshà꞉nik.

2 Timothy 4:22

Ne Roiá꞉ner senikweʼkónhak tsi sónnhe. Ne Rawenni꞉io rahoténrat sewakwékon sewakwekónhak.

Joshua 21:45

Ne Roiá꞉ner kwáh orihwakwé꞉kon waharihwaié꞉rihte tsi nishakorahratstén꞉ni nonhkweshón꞉as Nisraerʼró꞉nonhke.

Judges 13:24

Né iónhkwe wahowiraiénhtaʼne tánon Samson wahonáthonkwe. Ne raksáha wahatehiáron tánon ne Roiá꞉ner wahohiathatérisʼthe.

1 Samuel 10:7

Nón꞉wa nó꞉nen kí꞉ken waʼtenientensʼtánions ensatʼkathóseron, thóh nátier tsi nisatʼkáthos ne tkaʼriwaié꞉ri, asèken Ní꞉io ní꞉se senikwé꞉kon.

1 Samuel 12:2

Sewatkátho, ó꞉nense ronnontí꞉io tsiʼsewahentenhsehá꞉tie; ó꞉nen ní꞉i onkeksʼténhaʼne tánon onkenhʼrá꞉tenhne, ók akenekenterontserá꞉shón꞉ʼahs sewakwé꞉kon. Kwáh kwenʼentenshehátiesʼkwe kwáh sitewatiónhaʼkwe tsi ní꞉iore nón꞉wa wenhniseráte.

1 Samuel 16:18

Saiá꞉ta ne kén nithoʼiónha wathariwaserá꞉ko, “Satahón꞉satat, í꞉i kwáh rí꞉ken ne roién꞉ha ne Jesse thóh tsitkanátahien ne Bethlehem, raón꞉ʼa ne rorenhná꞉hon nahaterenhnó꞉ten. Ne raón꞉ʼa kwáh nón꞉ne eh ronikonratʼtsáni tánon ranekénteron, rashotarí꞉io, tánon ratenikonratʼtókha tsi ní꞉ioht tsi rathátis; tánon ne Roiá꞉ner kwáh nikwé꞉kon ne raón꞉ʼa.”

1 Samuel 18:12

Ne Saul rotsániskwe ne Táwit tsioríhwa ne Roiá꞉ner tsi raónha nikwekonhátieskwe ók rotsatontakwénhni nenhʼné꞉eh ne Saul.

1 Samuel 18:14

Ne Táwit kwáh roterihwathentiénhniskwe akwé꞉kon tsi nenhaterihwathéntsiá꞉te; asèken nikwekonháties ne Roiá꞉ner.

1 Samuel 18:5

Ne Táwit ionsahahiákenhne tánon kwáh í꞉ken tsi wahoianerásten ne kwáh tsitnón꞉we ne Saul ienhoténieʼte; tsi nahá꞉wenhne, ne Saul thóh wahorihónten rahotitsiókwahkon ne ronterí꞉ios. Tanon ratikwé꞉kon ne ronterí꞉ios, iekaníhareh ne raonhá꞉tsheras ne Saul, wahatirihwahnírate.

1 Samuel 2:21

Tánon ne Roiá꞉ner wahaiatatérisʼte ne Hannah; onthá꞉wa nahiowiraʼiéntaʼne tánon wahakonákeratsʼte áhsen nihá꞉ti roʼtiskenrakéte tánon tekeniiá꞉se tionathonwísen. Tánon ne raksá꞉ʼa Samuel wahatehiáron raoʼhénton ne Roiá꞉ner.

1 Samuel 2:26

Nón꞉wa ne raksá꞉ʼa Samuel iokón꞉taʼtse tsi rotehiaróntie thaʼtetsarónhkwen ne niaʼhahiataiérihʼne tánon taʼonikonraierihtonhátie ne Roiá꞉ner ó꞉ni nonkweʼókons.

1 Samuel 9:6

Ók ne ranhá꞉tshera tsi watoriwaserákwaʼse, “Kén nón꞉we nikanátaien Rawenni꞉io raʼonkwé꞉ta nihenténron; ne ne rón꞉kwe ronwaʼriwakweniénstha. Tsi nahó꞉ten enhén꞉ron tiókonte èhʼtho nenhiá꞉wenne. Áhnion ó꞉nenk éhtho niehé꞉tene; tó꞉ka nón꞉wa enshonkeniró꞉ri tsi nón꞉we iènhietiʼhiatatʼtsénri ne tekonhón꞉tes.”