1 Samuel 3:11 - Ohiatonhseratokénti

¹¹ Eʼthó꞉ne ne Roiá꞉ner wahawénhase ne Samuel, “Satkátho, ó꞉nenh tóh꞉wa thóh nátieʼre knahótenk thóh nón꞉we Nisraerʼró꞉nonhke neh enhionhniá꞉te tetsá꞉ron ne ohónhta neh tsikʼónka ahiakothónhtene tsi enhiowistákaʼre ne iehontákon.

1 Samuel 3:11 ပူးပေါင်းရင်းမြစ်များ

2 Kings 21:12

Ká꞉ti Í꞉i, ne Watiá꞉ner ne KeʼNí꞉io Nisraeʼró꞉nons, kwáh enteʼká꞉we ne karihwaʼiesá꞉tseras ne Jerusalem ó꞉ni ne Judah nón꞉we kwáh tsi niʼiá꞉kon nenhierihwáronke kwáh kíʼ eniaʼkorihwaneráko.

Job Tánon ne Raoronhiakensera 41:9

Né tsi nihorahratseraièn onterihwanirate tsi iáh tho tèhiot; kwáh káti ken í꞉ken tsi thonikonrenhen?

Isaiah 28:19

Kwáh tsi niʼioriwàhke enwatohetsthá꞉nion, kwáh kíʼ iensaiaténhaʼwe; áseʼken kwáh niaʼteioronkhetseràkes tsi enwatohétstahke, neh nenhtiékheʼne tánon tsi niwashón꞉tes; kwáh kíʼ entkakaʼrenrákwahte ne kateronkwáhtshera ne naiakonikonraién꞉taʼne nateriwanhotáhtshera.

Isaiah 29:14

káti kwáh shé꞉kon thóh nénstiere iorihwanerakwahténions tsi nahoténsons tsi nenkheiatié꞉ras kí꞉ken onhkwehókons, tiotónnek tánon ionerákwat. Ne raonatʼthokhátsheras ne raononhkwetaʼshón꞉has ne rontʼthókas kwáh kí enwáton, tánon ne rotiʼnikonraientáʼon tsi niekarihwáken kwáh kí enwahséhtonke.

Jeremiah 19:3

Ne Roiá꞉ner wahakró꞉ri nakíron, “Rotinonhtí꞉ios ne Judah ó꞉ni nonhkweshón꞉a ne Jerusalem, sewathahónsahtat ne Í꞉i, ne Watiá꞉ner Keshaststenserowáhnen, ne kheʼNí꞉io ne Israerʼró꞉nons, wáhtien nakíron. Thóh nióre tsi éntsien ne kariwahiesáhtshera ne kén nónhwe niwatenáhtaien né nónhka enhiónronhke kwáh entiontónnheʼke.

Habakkuk 1:5

Sehiatkátho ne ronhnonwenhtsakeró꞉nons, tánon satkátho! Kwáh kíʼ ensahrihwanerá꞉ko! Asè꞉ken watiotáhtie tsi nisatenhniseraténions né꞉tho ní꞉se tsi iáh tahontashé꞉takwe tó꞉ka shí꞉ken aiesahró꞉ri.

Luke 21:26

Eh nonhiakoiataȣen nonkȣe tsiniiot nonen iahiheions neh tsinenhiakoteronseke, nok oni tsienhiakorhareke oh nenhiaȣensere nonȣentsiakȣekon. Aseken onen tenȣatkarenron ne Karonhiakekha ahosaststensera.

Acts 13:41

‘Sewatahónsatat, í꞉se ne tesewariwarítha! Kwáh sewaneráko tánon sewahiatáton! Asèken tsi nikatiéra nónwa wenniseráte neh nahóten ne iáh tahontesewéthaʼkwe, sékons ó꞉ni nónen nónkak aietʼtsinikonraientáten!’”

1 Samuel 3:10

Nón꞉wa ne Roiá꞉ner tá꞉reh tánon wathá꞉tane neh thóh nón꞉we, iesakó꞉natonhnions tsi nitió꞉tonhne, “Samuel! Samuel!” Tánon ne Samuel wahén꞉ron, “Sathá꞉ti ne sanhá꞉tsera rotahón꞉sate.”

1 Samuel 4:10

Káti ne Philistine wahonterí꞉io; ne Israerʼró꞉nons wahonwatisén꞉ni, tánon wahonté꞉ko, tsi thoʼtinonshó꞉tons nionsahón꞉ne. Watewatenonhiánite tsi nahontawénhtho, asèken thóh nón꞉we nahatiʼiatiénenhne Israerʼró꞉nons; áhsen niwáhsen niwenniaweʼentsheráhsen ne thakésons tsi ní꞉iot tsi ronterí꞉ios.