1 Samuel 3:1 - Ohiatonhseratokénti

¹ Nón꞉wa ne raksá꞉a Samuel ne roteriwatsteristénhnisʼkwe ne Roiá꞉ner raohén꞉ton ne Eli. Ne raowénhna ne Roiá꞉ner kwáh wakén꞉rekwe nètho shiʼwenhniseraténionsʼkwe; neh iekariʼwá꞉ken iáh íhnón tsi thatewahreniáton.

1 Samuel 3:1 ပူးပေါင်းရင်းမြစ်များ

Psalms 74:9

Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Proverbs 29:18

Kanakeráhsera tókaʼ iáh Rawenni꞉io raottokháhtshera tehatìhsere, tenhonniʼtónniaʼte tsi ratinákere. Iotonhnhá꞉raht nónhka iéhsere ne Rawenni꞉io raoianerénhsera!

Isaiah 13:12

Kwáh ne enkhehiónhniaʼte niakonhontsakerónons sénha káron nenhsatíhake tsi ní꞉ioht ne kwáh kawistanoronhtserí꞉io, tánon nonkweshónha tsi ne nikawístho nowistanóron ne Ophir nónwe.

Ezekiel 7:26

Tse tsiononterásehrons ne kariwaieshá꞉tsheras, tánon ioriwató꞉ken tsiʼnihioʼnáhote ne kariwáksens entewawéronhke. Kwáh ensehnéken ne rotitó꞉kense nahatirihotáshi tsi nahó꞉ten nohénton thonatʼkáton. Ne rotikháres kwáh iáh thahóten tahotiʼiéntake nashakotirihónnien nonkweshón꞉a, tánon ne rotitstenhokónhas kwáh iáh tahóten tahotiʼiéntahke nashakonatenhnikónhron.

1 Samuel 2:11

Eʼthóhʼne ne Elkanah sahaténti Ramah nionsá꞉re, eh nenhnéʼe ne raksá꞉ʼa thóh reterón꞉takwe ne ne taorihwásnieʼse ne Roiá꞉ner, thóh raohénton ne ratsihénstatsi Eli.

1 Samuel 2:18

Samuel roʼiotá꞉tiesʼkwe raoʼhénton ne Roiá꞉ner, ne raksá꞉a ne roʼteniiónte ne kwáh waʼniatarí꞉io ateniʼión꞉ta.

1 Samuel 2:35

Ní꞉i kwáh tenhí꞉taste iaʼtetiá꞉ti ne roʼrihwatóken ratsihenstá꞉tsi, raʼónha kwáh ne enhateriwathéntsiaʼte ne entsioianénhaʼwe tsi nahó꞉ten í꞉wa nakwerhiá꞉ne tánon naʼkenikonrákon. Ní꞉i kwáh enhiʼwatsirónhnien ne iorihwatóken kawátsire, tánon ne raón꞉ha kwáh ienhataweiátʼthake ó꞉ni nienhaiakénhseʼke raoʼhénton ne riʼiatarákwen ne ne tsi nénhwe enkénhaʼke.

1 Samuel 2:36

Nón꞉ka iatheniakotaténhronhke ne saʼwá꞉tsire kwáh éntsien neh nahonwanéken ostón꞉ha kawistaráken khóks ne kaná꞉taro, tánon kwáh eniaiéron, Asathónhtaʼte thóh takí꞉teron tsi nón꞉we ne ratsihénstatsi nihénteron, neh naʼhón꞉ton ostón꞉ha takatská꞉on.’”

1 Samuel 3:15

Samuel thóh raiatiónhni tsi nió꞉re iahiórenhne; ehʼthóhne ónenh wahthononhónti ne tsi ronónhshoʼte ne Roiá꞉ner. Samuel roteronhienténhni nahoró꞉ri natsianerón꞉sera ne Eli.

1 Samuel 3:21

Ne Roiá꞉ner iehokontákwen tsi ratotáshionsʼkwe ne Shiloh nón꞉we, asèken ne Roiá꞉ner kwáh raónha wahothotáshien ne Samuel ne Shiloh nón꞉we thóh raoʼwénhnake ne Roiá꞉ner.