1 Samuel 29:6 - Ohiatonhseratokénti

⁶ Ehʼthóhʼne ne Achish iahó꞉nonhke ne Táwit tánon wahawénhase, “Tsi nironnhétie ne Roiá꞉ner, ní꞉se tsi sarihwatóken, tánon ní꞉i ne tkarihwaié꞉ri nètho ní꞉se ahó꞉wenk naskatiá꞉tahrase nakitsió꞉kwakon ronterí꞉ios; asèken iáh othènon tewahketsénrion ne tasaterientahweriésehke tsi ná꞉he tsíso nakonháke tsi niió꞉re nón꞉wa wenhniseráte. Nek kiʼ sá꞉ka ne rotinontí꞉ios iáh kiʼ teiesariwanirátʼtse.

1 Samuel 29:6 ပူးပေါင်းရင်းမြစ်များ

Genesis 16:6

Ók nʼAbram washakawènhase ne Sarai, “Í꞉se tehseniarotárhon ne sahnhátshera; thóh naʼtié꞉raʼs tsi nitehsahská꞉neks.” Eʼthó꞉ne ne Sarai tsi naoteʼniakátstattshe ne Hagar, ne waʼkarihón꞉ni ne Hagar saioté꞉kwaʼse.

2 Samuel 3:25

Saterientá꞉reh nètho Abner ne roién꞉ha ne Ner tsi thawé꞉non ne nahianikonráhten, tánon nahoterientáhrane akwé꞉kon tsi nisatieráhnions ó꞉ni tsi nón꞉we nieshé꞉tha ó꞉ni nahoterienhtáhrane tsi nishatiéra.”

2 Kings 19:27

“Ók orihwakwékon waʼkateriéntare tsi nòkwah ní꞉se, tsi nishatiéra tánon tsi nón꞉we ieshé꞉ta. Waʼkateriénhtare nó꞉nen takená꞉kwahse.

Psalms 121:8

Né Roiá꞉ner kwáh kí enhiaiatanónstate nó꞉nenh kénhen ienshaténhti tánon tsi nathentéseh kénʼen ienhwatásahwen tánon tsi nénhwe enkénhake.

Isaiah 37:28

“‘Wakateriéntare tsi nathentéstaʼne tánon tsi niensehshá꞉tien, tsi nieshiá꞉kens tánon tsi nieʼsehshataweiátha, tánon tsi niskeʼnákwahse.

Isaiah 65:16

Ehʼthó꞉ne ónhka akénhake nahontahiontswanónhna ne kaiatateríhtshera ne tsi ionwénhtsaien kwáh kí ensakoiatatérisʼte ne Rawenni꞉io né rorihwatokenhónwe, tánon ónhka akénhake ahionhnentʼtsakétsko tsi aieriwaníraʼte ne tsi ionwénhtsaien kwáh kí né enhonwarihwaníratʼtse né Rawenni꞉io ne rorihwaʼtokenhónwe; tsioríhwa né tiotihénton tsi naʼtekanikonhráhraʼkwe kanikonhrénhon tánon karihwaséhton nakʼkhénton.

Jeremiah 12:16

Tó꞉ka kwáh ronhnerhiasahkwékon tsi enhatihiéna ne akonhkwetaʼshón꞉a raothiriwiʼiostóntshera tánon enhatiriwahníraʼte, ‘Ne tsi rónnhe ne Roiá꞉ner’—ne tsi nithonwatiʼrihonniénni nakonkwetaʼshón꞉a nakonhwariwahníratse ne Baal—ethóhʼne kíʼ kwáh enhonwanatsatáhrahse nakonkwetaʼshón꞉a tánon kwáh enhotihianerásten.

Numbers 27:17

tánon nahakwéni nashakorihónten ne tsi waterí꞉io, né káti ne ienákere tó꞉sa thóh nahotihiátawen tsi ní꞉ioht ne teiotinakaronhtónʼa iáh tehiotí꞉ien nakonhwanatenhnikonhráren.”

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

Deuteronomy 10:20

Skweniénstak ne Roiá꞉ner saNí꞉io tanon rahonhatsí꞉wak kók entsenhnaiénseke. Sariwatokénhak ne raonhà꞉ke tánon nensaráhratste rahoshén꞉nakon kók kénhak.

Joshua 22:30

Ne Phinehas ne Ratsihénsthatsi tánon noié꞉ri niháti ne sakotihenténhse ronhnónkwe ne tsi kanakerahserá꞉ien ne ronhwahiaʼthanonhnátie, nononhtsikowaʼtsons tsi kahwatsí꞉raiens ne iaʼtewatséntos nòkwah rathitióhkwaiens ne Reuben, Gad, tánon ne nà꞉kon nòkwah ne Manasseh wahonhní꞉ron, tánon tsi rohnerientí꞉ios.

1 Tiér 2:12

Tsi niseweiennóten tsi natesewátere ne iáh tehotiriwiʼióston kwáh ioteriwíson nahioianeréhake ne nónen thènen eniesariwárho tsi seweiennáksen, ónenk tsi enhatiʼiénterene tsi nishotenserí꞉io tánon káti ahonwasénnaien ne Rawenni꞉io nentenwenniseráteke nónen tèntre.

1 Tiér 3:16

Nók kwáh tasewateweiénton tánon kakwenienstaʼtserákon kénhak. Sewanikonrihióhak, ne káti nónen enietʼtsinikonrák꞉sate, tsi niháti ne wahétken tsi ní꞉ioht tsi rontátis neh tsi nishotenserí꞉io ne tsi Kerístos tsnonteráties kwáh enhontéhen tsi nahóten rónton.

1 Samuel 20:3

Ók kiʼ ne Táwit kwáh ó꞉ni waharihwanírate, “Ne ianí꞉ha roteriéntare ioiá꞉nere tsi roterién꞉tare ní꞉se tsi takenón꞉wes; tánon tsi nihanontónhnions, ‘Tó꞉sa rotókens ne Jonathan kíʼ, khéhs kwáh í꞉ken tsi enonikonrahkaréhwate.’ Ók oriwiʼiohónwe, tsi nihioʼriwí꞉io ne Roiá꞉ner tsi nirón꞉nhe tánon ní꞉se tsi nishón꞉nhe, thóh nón꞉we ók tsokháhak khók natehiatiátere tánon ne kenhé꞉ion.”

1 Samuel 28:10

Ók kiʼ ne Saul waharihwaníratʼtse rahonháke ne Roiá꞉ner, “Tsi nirón꞉nhe ne Roiá꞉ner, iáh ne karewathátsera tahontáwe ne shonháke ne kí꞉ken nahorihóten.”

1 Samuel 29:3

ne ronteriʼioserakweʼní꞉io ne Philistines wahonníron, “Ónh nihontiéra kí꞉ken Hebrews ne kénʼen?” Achish washakawénhase ne ronteriʼioserakweʼní꞉ios ne Philistines, “Iáh kén kí꞉ken Táwit tèken, ne raonhá꞉tsera ne Ronnontí꞉io Saul ne Israeronónke, ne raónha ó꞉nenh kwáh thóh tsi nikaríwes siʼiakenikwékon? Tsi ná꞉he akonhá꞉ke thoʼniakénʼen iáh othènon tehiriwatsénhrhiase tsi niió꞉re nón꞉wa wenhniseráte.”

1 Samuel 29:7

Káti wáhs kiʼ ó꞉nen shasaténhti; tánon skénnok tsi nionsáse; tó꞉sa othènon sehnikonrák꞉sat ne rotinontí꞉ios ne Philistines.”

1 Samuel 5:8

Káti iahonwanaténieʼte tánon ashakotiʼiataró꞉rohke ratikwé꞉kon ne Roʼtiiá꞉ners ne Philistines, tánon wahonní꞉ron, “Ó꞉kwa nahitewá꞉iere ne raoneró꞉kwa ne sakoʼNí꞉io NʼIsraerʼró꞉nons?” Ne Gath nón꞉we nihatinákere wathatiriwaserá꞉ko, “Há꞉ʼo ne raoneró꞉kwa ne Ní꞉io kénʼen niekahá꞉hak tsi tewaná꞉kere.” Sók kiʼ ne raoneró꞉kwa ne sakoʼNí꞉io NʼIsraerʼró꞉nons Gath niahatíhawe.