1 Samuel 28:6 - Ohiatonhseratokénti

⁶ Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 28:6 ပူးပေါင်းရင်းမြစ်များ

2 Samuel 22:42

Waʼthontkatónhnionwe ók ónka kaʼnèka téiens nahonwatinónsthate; iathonséntʼtho rahonháke ne Roiá꞉ner, ók iáh kíʼ ne thateshakoriwaserakwénhni.

Psalms 74:9

Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Exodus 28:20

tánon ne kaieríhaton tehiotinenráton, né꞉ne tehioterónhionhthe nóhonthe, né hioteherarónhnion, tánon natʼthésa nikanenhióten. Né kí꞉ken ne nowistanóronhs takaʼwáhnenhken.

Exodus 28:30

Thóh sewátha ne Urim ó꞉ni ne Thummim ne tsi tewatentskwenaʼnáktha, né káti ne Aaron kwáh enhaháwake nónen entʼthatáwehiate tsi nónhwe ní꞉kes ne watiathatokénti. Né kwáh tó꞉ken tsi nikaháwis kwáh tiókonhthe tsi enhósthonke ne tehatentskwenaʼnák꞉tha, né káti nahónton ne tahahiató꞉rethe tsi niwakenikonhró꞉ten tsi nòkwah ne onhkweshón꞉ʼas ne lsraerʼró꞉nonʼke.

Proverbs 27:1

Tóhsa só꞉tsi orihwí꞉io són꞉ni tsi kén꞉ʼen ahsé꞉sheke nenióhrhenʼne aseʼkénh iáh tesaterién꞉tare oh nieniá꞉wenʼne nón꞉wa tánon ne thó꞉ne.

Jeremiah 23:28

Ne rotó꞉kenhse ne rohteʼtshénʼen aówenhk nahénron nék khók thíken naʼtetshénsehra, ók ne rotó꞉kenhse ne rotthontéhon naʼkateriwahnhotátshera ahówenhk ne kwáh ahontaʼhawehthakwénhaʼke tsi ahakró꞉ri nètho ateriwahnhotátshera. Nahó꞉ten kástha ne kawáhe taiéron ne onátsia íken?

Lamentations 2:9

Naʼtenhenrashónhas ne tiothiʼiatháten tsi hiostókote, ne thekarenwaniónkwes kénk níwas thehiotsákons. Ne Ronnontí꞉io tánon ne rathisennowánens ó꞉nen ronahnakerákwen. Ne kaianerénsera iáh ó꞉nen thesonwatirihonniénni, tánon ne iehatiriwákens iáh othénen tesesakorihothasénnis ne Roiá꞉ner.

Joel 2:28

Eʼthò꞉ne ohnákenke kwáh entkawé꞉ron nakeshatsténhsera onkweʼtakwé꞉kon ahiakó꞉rane; né꞉ne sanekenteronhtsheraʼshón꞉as tánon ne sehioʼokón꞉as tionathonhwí꞉sens kwáh kí ienhatiriwakénhseke, ne tionkweʼtashón꞉as ne thotí꞉ions kwáh enhonathetsenhá꞉ton naʼtetsénhseras, tánon ne ken nithotihónsas tionkweʼtashón꞉as thenʼonatieronhniónhase.

Leviticus 8:8

Wahósten ne tehatetskweʼnaʼnákʼtha tánon thóh wahathárion ne owistanoronhsónhas né꞉ne Urim tánon ne Thummim né꞉ne tehakaraientákwas.

Micah 3:7

Ne rotitokénhse kwáh enhonwanatehá꞉te, né ronthiatonserátkenhse kwáh enhonwanateháte; kwáh ratikwé꞉kon rontsá꞉nakes enhónste tsi enhatiró꞉roke ne tsi ratisaká꞉ronhte, tsiórih tsi iáh tehatiié꞉nas ne tekarihwasehrá꞉ken ne Ní꞉ione nahontá꞉we.

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

Matthew 1:20

Nok tanon sekonok nehe nihanontonnionskȣe, Raronhiakeronon ȣahotehtsaten, nok ȣahaȣenhase: Sose, David iaienha, tosa tesanonhianik ne taesoniiasehake ne teseniteron: Kahtiken onkȣe eh niiakoieren, Rotkonse Roiatatokenti roiatonni ne kaiatakon raiatat.

John 9:31

Ionkȣaterientare ȣahi tsi iah tesakoȣennarakȣa ne Niio nʼionkȣetaksen, nok tanon ne Niio raonkȣeta oni ronȣaȣennarakȣa neh sakoȣennarakȣa.

Deuteronomy 33:8

Tsi nokwáh tsi ratiʼtá꞉raien ne Levi wahèn꞉ron: “Í꞉se, Saiá꞉ner, serihothásen tsi nishaʼnikonhró꞉ten né꞉ne Urim ó꞉ni ne Thummim í꞉ken, Thóh nítewe rononhà꞉ke ne sannhátsheras Levites; Tsi tesheiátkenhse ne Massah nón꞉we Tánon waseriwarirà꞉tse ne tsi tsoné꞉kothe ne Meribah nón꞉we.

Ne꞉ne Sák Rohiaton 4:3

Tánon nónen enseriwanónton, tánon iáh tashéna, né kíʼ tsi niwahétken ne sariwasónhas; ne seriwanóntons tsi nahoténsons ne iatesháh꞉ti ahsatenikonrórhiate.

1 Samuel 14:37

Káti ne Saul wahoriwanóntonʼse Ní꞉io, “Iahiakiʼiaʼtsatónhti kén ne Philistines? Kwáh onhtèken iensehiátʼkawe thóh ronhtshanákes NʼIsraerʼró꞉nons?” Ók ne Ní꞉io iáh kiʼ tatehoriwaserákwenhni nètho siwenhniserátekwe.

1 Samuel 28:15

Ehʼthóhʼne ne Samuel wahawénhase ne Saul, “Ónhʼnontsiéren tsi wateskenikonrá꞉ren tsi tontastiatarákʼtenste?” Ne Saul wathariwaserá꞉ko, “Kwáh í꞉ken tsi kowáhnen tewakenikón꞉rare, asèken ne Philistines kwáh ionkaronkaténhnis nahontahionkatiatónhti, tánon ne Ní꞉io éhʼren ne rawé꞉ton nakonháke tánon iáh ó꞉nen thateshakeriwaserakwénhnis, khéhs tsi nòkwah ne rotitó꞉kense khéhs tsi nó꞉kwah natetʼtsenserákons; káti í꞉se iakón꞉nonhke nasekró꞉ri onnátiere.”

1 Samuel 28:5

Nó꞉nen ne Saul shasakóken ne raotitsió꞉kwas ronterí꞉ios ne Philistines, kwáh wahoterónhne, tánon kwáh í꞉ken tsi wathawerhiashí꞉shonhkwe.