1 Samuel 28:16 - Ohiatonhseratokénti

¹⁶ Samuel wahén꞉ron, “Ónh nontiéren tsi waskerihwanóntonhse, tsitʼsén꞉hak ne Roiá꞉ner shiaʼtewenhtéton tánon wahiá꞉shon?

1 Samuel 28:16 ပူးပေါင်းရင်းမြစ်များ

2 Kings 6:27

Waʼthariwaserá꞉ko, “Tóh꞉ka ne Roiá꞉ner iáh teiaié꞉nawase, ónʼní꞉ioht ne kaienawasétsera aontakát꞉kaʼwe? Thé꞉nen kén aonkenatsaiéntaʼke khés ne otsítsa ahonkʼnekaiéntaʼke?

Lamentations 2:4

Tashonkwatakwaríshiaʼse ne rahoiénkwire tsi ní꞉ioht ne tahiakwatatʼtiónseke; Kanenrakwékon wasakowéntho tsi niháti neh ionkhinikonróriskwe ó꞉ni hiontionwenskwaníhakwe. Kén:en Jerusalem wahakwátʼthoke ne rahonakwátsera tsi nihiotékah.

Lamentations 2:5

Tsi ní꞉ioht ne tehiakwatátʼtions, ne Roiá꞉ner wahariwéntʼtho ne Israel; Wahariwenthóseron ne watenhenrótaʼkwe ó꞉ni tsi kanonthiʼhiotseráherhe. Iáh tsehiótokʼte ne kanikonrakʼséntsera tasakáwen nonkwesónha ne Judah.

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”

Revelation 18:24

Tánon í꞉seke nón꞉we nikatsénrion ne raotinekwénsas ne roʼtitokenséhakwe tánon ne rotiiatatokéntiskwe, tánon ratikwé꞉kon ne ronwatinonwarhià꞉khon ne tsi ionwenhtsá꞉te.”

Judges 5:31

Aiáwens kíʼ ratikwékon ne shasóhtar thóh ní꞉ioht tsi ahonhníheie, O Saiá꞉ner, ók aiáwens ne sateró꞉seras thóh ní꞉ioht tsi tahononhkwetátʼtheke tsi ní꞉ioht ne tahiorakwenhnikenhátie! Tánon káti skénnenk thikènʼne ne tsi ionhontsáien né꞉ne kaiéri niwásenh nihiosehráke kènhʼne.

1 Samuel 28:15

Ehʼthóhʼne ne Samuel wahawénhase ne Saul, “Ónhʼnontsiéren tsi wateskenikonrá꞉ren tsi tontastiatarákʼtenste?” Ne Saul wathariwaserá꞉ko, “Kwáh í꞉ken tsi kowáhnen tewakenikón꞉rare, asèken ne Philistines kwáh ionkaronkaténhnis nahontahionkatiatónhti, tánon ne Ní꞉io éhʼren ne rawé꞉ton nakonháke tánon iáh ó꞉nen thateshakeriwaserakwénhnis, khéhs tsi nòkwah ne rotitó꞉kense khéhs tsi nó꞉kwah natetʼtsenserákons; káti í꞉se iakón꞉nonhke nasekró꞉ri onnátiere.”

1 Samuel 28:17

Ne Roiá꞉ner thóh nahiaiérase tsi kiʼ nihakróri; asèken ne Roiá꞉ner roráhtion ne kanakerásera ne sahtshanáke, tánon neh teshakówi ne tetiatonhontsanéken, Táwit.