1 Samuel 28:15 - Ohiatonhseratokénti

¹⁵ Ehʼthóhʼne ne Samuel wahawénhase ne Saul, “Ónhʼnontsiéren tsi wateskenikonrá꞉ren tsi tontastiatarákʼtenste?” Ne Saul wathariwaserá꞉ko, “Kwáh í꞉ken tsi kowáhnen tewakenikón꞉rare, asèken ne Philistines kwáh ionkaronkaténhnis nahontahionkatiatónhti, tánon ne Ní꞉io éhʼren ne rawé꞉ton nakonháke tánon iáh ó꞉nen thateshakeriwaserakwénhnis, khéhs tsi nòkwah ne rotitó꞉kense khéhs tsi nó꞉kwah natetʼtsenserákons; káti í꞉se iakón꞉nonhke nasekró꞉ri onnátiere.”

1 Samuel 28:15 ပူးပေါင်းရင်းမြစ်များ

Psalms 51:11

Tó꞉sa éhʼren tatiatenháwit né sahén꞉ton, tánon tó꞉sa éhʼren sáwit ne sashaststénsera nakonháke.

Proverbs 14:14

Nón꞉kwe ne iáh tetiakorihwaié꞉ri enieié꞉na tsi nahò꞉ten teiakotèn꞉tshon. Nok ne tionkweʼtaié꞉ri teniakoterihwaʼserákwahse tsi nahò꞉ten iakoioʼtén꞉ʼen.

Hosea 9:12

Ské꞉kon tó꞉ka nahonwanehiá꞉ron ne ratitsaokónha, kwáh kí enkhehiathónhten tsi nió꞉re iáh ónhka tsatahonsahonathaténhronke. Kwáh í꞉ken tsi rotithentáhsere nó꞉nen enkhehiatsatonhtákwahse!

Matthew 25:41

Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.

Judges 16:20

Ethòne ónen watsohénrethe, “Samson! Ne Philistiaró꞉nons tahónhne!” Shaháhie tánon wahanonhthónhnionhwe, “Enkatèko tánon enskathateweʼní꞉ione, tsi nitsothónhne.” Iáh tehoteriéntarahkwe ne Roiá꞉ner ónenh rotewenhtéton.

1 Samuel 18:12

Ne Saul rotsániskwe ne Táwit tsioríhwa ne Roiá꞉ner tsi raónha nikwekonhátieskwe ók rotsatontakwénhni nenhʼné꞉eh ne Saul.

1 Samuel 23:2

Ne Táwit wahorihwanóntonhse ne Roiá꞉ner, “Kwáh kén iá꞉ke tánon iakheiaʼtiatónhti kí꞉ken Philistiaró꞉nons?” Ne Roiá꞉ner wahawénhaʼse ne Táwit, “Wáhs tánon iasehiaʼtiatónhti ne Philistiaró꞉nons tánon sehnónstat ne Keilah.”

1 Samuel 23:4

Eʼthóhʼne kiʼ ne Táwit shé꞉kon sahoriwahnóntonse ne Roiá꞉ner. Ne Roiá꞉ner watorihwaserákwahse, “Hén, wáhs thóh iahá꞉se Keilah; asèken ne Philistiaró꞉nons thóh shasanáhke iekheiát꞉kaʼwe.”

1 Samuel 28:11

Ehʼthóhʼne ne ión꞉kwe wakén꞉ron, “Ón꞉ka ká꞉ti ahontahiiatarát꞉tenste ne sarihwáke?” Watahrihwaseráko, “Tatsiatarátʼtents Samuel nakeriwá꞉ke.”

1 Samuel 28:16

Samuel wahén꞉ron, “Ónh nontiéren tsi waskerihwanóntonhse, tsitʼsén꞉hak ne Roiá꞉ner shiaʼtewenhtéton tánon wahiá꞉shon?

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 28:8

Káti ne Saul wathatahtierónhnion tánon ó꞉ia niwahkweniió꞉ten wahatierónhniate tánon thóh nón꞉we niahá꞉re, rahón꞉ʼa tánon ó꞉ia teniiá꞉se wahón꞉ne. Iahónhnewe tsitkénteron ne ión꞉kwe tsi niwasónhteskwe. Tánon warénhase, “Tesehnhithá꞉ren ne rawenhé꞉ion ní꞉i akerihwáke ne ne tsi niká꞉ien enhináton ne shonháke.”

1 Samuel 30:6

Ne Táwit tsi teiotenonʼianíton tehothatenikónrahre; asèken nonkweókon iakotharákwen ahonwahnenhióiaʼke tsi ahonwanonwahrhiá꞉kon, tsió꞉riwa tsi onkweʼtakwé꞉kon tsi iakonakwénhen ne tsi wahakótonhse nakonekenterashón꞉ʼahs ó꞉ni ne sakotiʼiohokón꞉has tsionatthonwísens. Ók ne Táwit sahathaʼteshatsténseron thóh raonháke ne Roiá꞉ner Raoní꞉io.