1 Samuel 28:14 - Ohiatonhseratokénti

¹⁴ Wahrénhase, “Ónh nihahiatóten?” Wakén꞉ron, “Roksténha tahokethotonhátie; ne tehotwáhwenhe ne wakó꞉ses atewehiá꞉ra.” Káti ne Saul shihoteriéntahre tsi Samuel thí꞉ken, tánon ohontsáke iatatʼtsákete, neh wahrón꞉niate ne kakwenienstátsera.

1 Samuel 28:14 ပူးပေါင်းရင်းမြစ်များ

1 Kings 19:19

Né Elijah é꞉ren sàreʼthe né nónhwe, tánon iahohiatatʼtsénhri ne Elisha renhtharakharátʼthos tsohiána tehiotinákares tsionóns꞉kwahron iothihiathénhton; énska-iawénhre nihioiánakhes ohénton wahothitarakaratʼthonhátse, tánon rahón꞉ha ne oná꞉ken nihotharakharatʼthonhátse. Né Elijah wahatsathawithási ne wakóses rotsathawíton tánon Elisha sahohiatháwithe.

2 Kings 1:7

“Onh nihatʼkhathotseró꞉then nètho rónhkwe?” ne ronhnontí꞉io washakorihwanónhtonhse.

2 Kings 2:8

Ethòne ónen ne Elijah waharíhsi ne rahotsáthawi wakóses, wahawenónhni, tánon kaniataráke wahanonhwá꞉reke; ne tsi kaniá꞉taro watewatʼnekakʼkháʼsi, tánon raónha ó꞉ni ne Elisha iathihiáhiake kwáh iahonwentsiatʼthenkówa.

1 Samuel 15:27

Ne Samuel tsi watatkaraténi nahé꞉ren ahonsárehte, ne Saul tahaiéna tsi tekakwát꞉ton ne raotiátawi wakó꞉ses, tánon onterá꞉tion.

1 Samuel 24:8

Onahkènʼke ó꞉ni ne Táwit tonthahaiá꞉kenʼne nosón꞉wakon tánon iahonáhton ne Saul, “Atiá꞉ner sanontí꞉io!” Nó꞉nenh ne Saul raonáhken ionsahatkátho, Ne Táwit watatʼtsá꞉kete ohontsá꞉ke niahatsérate, tánon tsi nahá꞉iere ne naokwé꞉nienste.

1 Samuel 28:13

Ne ronnontí꞉io warénhase, “Tó꞉sa shá꞉teron; onhnahóten satkáthos?” Ne ión꞉kwe wahawénhase ne Saul, “Rí꞉kens raní꞉io tahokethotonhátie nohontsá꞉ke.”