1 Samuel 27:11 - Ohiatonhseratokénti

¹¹ Ne Táwit iáh tsatesakawénhron ne rón꞉kwe khéhs ne iónkwe ne tahontahonwatiiaténha ne Gath nón꞉we, tsi nihanonhtónhnionskwe, “Nontiérenk enhionkhiʼiatanóten, tánon enhonníron, ‘Táwit kí꞉ken akwé꞉kon thóh nahá꞉sa.’” Tsi kwáh tho nihorenhnahónhne kwáh tsi nikaríweskwe thóh ranákerehkwe tsi rotinakeraseráien ne Philistines.

1 Samuel 27:11 ပူးပေါင်းရင်းမြစ်များ

Proverbs 12:19

Onó꞉wen kenʼniionhnhésha, nok ne tkarihwaié꞉ri enionhnheʼón꞉we nen né꞉ʼe.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Jeremiah 41:4

Noiaʼsahiórenhne, nohénton nónhka ahieriwáhronhke ne Gedaliah tsi ronhwahséhton,

1 Samuel 22:22

Ne Táwit wahawénhaʼse ne Abiathar, “Wakaterientahrá꞉kwen ne thóh wenhniserátekwe, nó꞉nenh ne Doeg ne ne Edomró꞉non tsi thóh í꞉reskwe, nètho tsi kwáh oriwiʼiohónwekwe tsi enhoró꞉ri ne Saul. Tsi Í꞉i entahkerá꞉se ne tsi nihonnónhnheke ne ratikwé꞉kon ne ianí꞉ha raonónskon.

1 Samuel 27:10

Nó꞉nenh ne Achish saharihwanónton, “Ónka nón꞉wa washenenhrénhten nonwahwenhniserátekwe?” Ne Táwit kwáh enhén꞉ron, “Ne iakheiatsatónhti ne Negeb, ne ne Judahró꞉non,” khéhs “Ne iakeiatiatónhti ne Negeb ne ne Jerahmeelites,” khéhs, “Ne iakeiatiatónhti ne Negeb ne ne Kenites.”

1 Samuel 27:12

Ne Achish tawetákwenhne ne Táwit, tsi ranontón꞉nionskwe, “Tsi nahatatʼtiáhase kwáh í꞉ken tsi wahonwáson NʼIsraerʼró꞉nons; ne káti aoríhwa kwáh kiʼ tió꞉konte akenhá꞉tsera enkénhake ne rahón꞉ha.”

1 Samuel 30:2

ó꞉ni konwatiʼié꞉nen ne konhnón꞉kwes ó꞉ni ratikwé꞉kon nètho nón꞉we niʼienákereʼkwe, tetsá꞉ron kennaiesénhnaskwe ó꞉ni naiesenhnowanénhke; iáh nenhʼné꞉eh tesakotiʼnonwarhiákhon, ók iashakotiʼiaténhawe, tánon wathontáhakwe.