1 Samuel 26:24 - Ohiatonhseratokénti

²⁴ Ne tsi nisón꞉nhe tsi nikanó꞉ron í꞉ken nón꞉wa wenhniseráte nakʼkénton, káti aiá꞉wenhs tsi nikón꞉nhe akanó꞉ronhke raohén꞉ton ne Roiá꞉ner, tánon aiá꞉wenhs ahonsahakeniákente akwé꞉kon tsi nòkwa ne kanikonraronhiakénsehras!”

1 Samuel 26:24 ပူးပေါင်းရင်းမြစ်များ

Genesis 48:16

Ne raronhiaʼkehró꞉non ráonha ne shatiaʼtákwen tsi nonkwá nakwé꞉kon tsi naiohtónhake ne karihwahetkénhtshera, sheiaʼtaté꞉rihst kí꞉ken ratiksaʼokón꞉ʼa; tánon ronnonhá꞉ke nón꞉we nakhsèn꞉na iaiotkontáhkwen, ó꞉ni ne raotihsennaʼshón꞉ʼa ne khehsothokonʼkénhen Abraham tánon Isaac; tánon sheríhon nahontehiá꞉ron ne nahonatiohkowáhnha tsi ionhwentsá꞉te.”

2 Samuel 4:9

Ne Táwit watoriwaserákwahse ne Rechab ó꞉ni ne iathatekénha Baanah, ne sakoiohʼokónʼahs ne Rimmon ne ne Beerothró꞉non, “Tsi kíʼ ne Roiá꞉ner tsi nirón꞉nhe, raón꞉ha shononstáhton ne tsi kón꞉nhe kwáh tsi niʼiorihwákes noiót꞉terons,

Psalms 144:2

Rahónha tákenes tánon tehakatsiatháton, ne nakáwenk ne waskwáhere tánon shatsatákwas, rahonháke nónhwe nitewaketákwen né꞉ne skenenkówak í꞉ken. Rahónha shakosénhnies nonkweshónhas tánon í꞉i rakonhkwetáwis nakhehiatkórasʼte.

Psalms 18:1

Konhnorónhkwa, Ó Saiá꞉ner í꞉se nakeshatsténhsera í꞉ken.

Psalms 18:25

Kwáh tsiókon tsi sariwató꞉ken tsi niáti ne rotiriwakwahrí꞉shion ne shonhà꞉ke; tánon tsió꞉konte tsi iáh othé꞉nen tesaní꞉kon ne rononhà꞉ke ne iáh othé꞉nen tehotiní꞉kon.

Psalms 18:48

rahónha sahtiatákwen tsi nòkwah ne iónswenhs; kwáh í꞉ken, ní꞉se tsi wasetsenhnakaráhthate tsi nòkwah ne iónswenhs; í꞉se shastiatáko tsi nòkwah ne sakonaséhtha.

Psalms 34:20

Rahónha raʼnikón꞉rahre akwé꞉kon ne raotistsiensónha; iáh né skastiéntha tathahontsáke.

Psalms 54:7

Asèken rahónha sakeniakénton kwáh tsi níkon thènen tenhwaʼkenikonhrá꞉ren, tánon khéken ne hiónkshons ronwatisénhnion.

Matthew 5:7

Iakotaskat niakotaʼnitenraskon, aseken entsiontatitenre.

Matthew 7:2

Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”

2 Thessalonians 3:2

Sewahterénnaien ó꞉ni ne Rawenni꞉io nashonkwaniákenthe tsi nókwa ne kariwáhneren ó꞉ni ne ionkwetakʼsensʼokónhas; asèhken iáh onkwetaʼkwékon tetiakawetákwah nateriwahnotátshera.

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.

1 Samuel 18:30

Eʼthóhʼne ne ratisenhnowáhnens ne Philistiaró꞉nons éhren tontahónhnete nateriʼioseráke; tánon kwáh tsi nihiorihwáke thenthón꞉ne, ne Táwit onenhsénha enhoianerásten tsi ní꞉ioht ne raonhatsheraʼókons ne Saul, káti ne Táwit tsi nahtewatenonhianíte wahasenhnowáhna.

1 Samuel 24:16

Nó꞉nen ne Táwit sahá꞉sa tsi nihotharaníhakwe ne Saul, ne Saul wahén꞉ron, “Í꞉se kén kí꞉ken sawénhna, konkén꞉ʼa Táwit?” Ne Saul wahatewenhnakétsko tánon wathaséntʼtho.