1 Samuel 26:21 - Ohiatonhseratokénti

²¹ Ehʼthó꞉ne ne Saul wahén꞉ron, “Tewakaterientawénhrie; tontasáket, konién꞉ʼa Táwit, asèken kwáh kiʼ iáh nonwénhton shé꞉kon tahonsakonkaréhwate, tsioríhwa nakatónnhets tsi nikanó꞉ron ne sahén꞉ton nón꞉wa wenhniseráte; Tewakatonʼnóktahkwe, tánon teiotenonʼianíton tsi watkaterientawénhrie.”

1 Samuel 26:21 ပူးပေါင်းရင်းမြစ်များ

2 Kings 1:13

Shé꞉kon énska ionhsónhterasthe ne ronhnontí꞉io ionhsahoténieʼthe ne rasenhnowánen skát꞉ke ne wísk-niwásenh niháti. Iahanónhtharaʼne, wathatentʼtsóthen rahohénton ne Elijah, tánon wahaníthenhthe, “Ní꞉io rahonkwéta, thakítenr ó꞉ni nakonhkwetashón꞉as. Senónstat tsi iatiónhnhe!

2 Kings 1:14

Né óia tenihiáse thenisenhnowánen tánon ne rahononhkwetaʼshón꞉ʼas ótsire rotinonhwarhiákon ne karonhiáke nitsiotʼtsiríhnon; ók kíʼ thakithénhrak nʼi꞉i!”

Psalms 116:15

Né Roiá꞉ner ratkáthos kanikonhratsénhtshera nenhonhníheʼie ne rotirihwaʼtóken rahonkwetaʼshón꞉has.

Psalms 49:8

Asèken nahokarhiáktsera natónnhets só꞉tsi kanó꞉ron, tsi nahó꞉ten aiekwéni naiekárhiakte iáh nonwénhton tsatakaiérike

Psalms 72:14

Sahniakéntha ne tsi iakónnhe tsi nòkwah ne karonhiakénhsera tánon ne kaniakatsténhsera tánon tsi nikanó꞉ron ne raotinekwénhsa ne raohénton.

Exodus 9:27

Ne ronhnonhtí꞉io iasakoteriwahniéʼten ne Mahís ó꞉ni ne Aaron tánon wahénron, “Kénʼen tsi nihiowisʼtháʼeh wahkeriwàhnerahke; ne Roiá꞉ner thaʼiérits, tánon nakonhkwetashón꞉ʼa ó꞉ni í꞉i tehiakwaterienthawénʼries.

Numbers 22:34

Ne Balaam watharihwasehráko, “Kwáh wakerihwánerenh. Iáh tewakateriéntarakwe tsi né aoríhwa owaháke ísthakwe ne thaʼséttasthe; ók kíʼ nónhwa tó꞉ka ne ísehre iáh tetkarihwaiéri niaʼkathasónhteren, kwáh kíʼ enská꞉khete.”

Matthew 27:4

Ratonne: onkennhike kanekȣensanoron ȣakatenninon. Tahonniron ii kati ken onkȣariȣa? Satateriȣaseronnien ki ȣahi nise.

1 Samuel 13:13

Ne Samuel wahawénhaʼse ne Saul, “Teiotenonwaroríhtonhte tsi nashá꞉tiere; iáh tesatienawáston ne raorihwatátʼtshera ne Roiá꞉ner Saní꞉io, ne tsi nihiaʼnáhon. Ne Roiá꞉ner aorihwakwatá꞉kwen ne sanontiʼiotiéra thóh nón꞉we Israeronónke ne ne tsi nénhwe aʼkénhake,

1 Samuel 15:24

Ne Saul wathorihwaserákwahse ne Samuel, “Ní꞉i wakeriwanerahákskon; asèken wakerihwaiésate ne raotiawenhrátsheras ne Roiá꞉ner ó꞉ni ní꞉se sawenhnahʼó꞉kons, tsioríhwa tsi wakhetsánike nonkweʼó꞉kons tánon ne wakatewenhnará꞉kwe ne raotiwénhna.

1 Samuel 15:30

Eʼthóhne ne Saul wahén꞉ron, “Ní꞉i wakherihwanerahákskon; nék kík sá꞉ka taʼkwénienst nón꞉wa raotihén꞉ton ne tonhnonkweʼtaions ne nakonkwetashón꞉ʼahs tánon raotihénton NʼIsraerʼró꞉nons, tánon ietsitiaterósen, nètho nahón꞉ton ahisénhnaien ne Roiá꞉ner Saní꞉io.”

1 Samuel 18:30

Eʼthóhʼne ne ratisenhnowáhnens ne Philistiaró꞉nons éhren tontahónhnete nateriʼioseráke; tánon kwáh tsi nihiorihwáke thenthón꞉ne, ne Táwit onenhsénha enhoianerásten tsi ní꞉ioht ne raonhatsheraʼókons ne Saul, káti ne Táwit tsi nahtewatenonhianíte wahasenhnowáhna.

1 Samuel 24:17

Wahawénhase ne Táwit, “Í꞉se sénha saiá꞉neren tsi ní꞉ioht ní꞉i; asèken ní꞉se ne shasetkarhiátʼten ne ioiá꞉nere, ók ní꞉i ne konkarhiatʼténhni ne karihwahétken.

1 Samuel 26:22

Ne Táwit watarihwaseráko, “Kí꞉ken ashí꞉kwahra, Ó sanontí꞉io! Tserí꞉hon ónkak ne kén nithohiónha ít꞉re tánon tahkó꞉ha.

1 Samuel 26:24

Ne tsi nisón꞉nhe tsi nikanó꞉ron í꞉ken nón꞉wa wenhniseráte nakʼkénton, káti aiá꞉wenhs tsi nikón꞉nhe akanó꞉ronhke raohén꞉ton ne Roiá꞉ner, tánon aiá꞉wenhs ahonsahakeniákente akwé꞉kon tsi nòkwa ne kanikonraronhiakénsehras!”

1 Samuel 27:4

Nó꞉nen ne Saul sahonwahró꞉ri nètho Táwit tsi thóh iehotekwásen ne Gath nón꞉we, ne raón꞉ha iáh kiʼ ó꞉nen teshoiatisákon.