1 Samuel 26:11 - Ohiatonhseratokénti

¹¹ Ne Roiá꞉ner roriwáston nètho ne kwáh akanenhtiaʼkétsko nahiʼiatkónten ne Roiá꞉ner roiataráhkwen; ók ó꞉nen kiʼ entnioʼtáhko nashí꞉kwahra ne kanió꞉te tsi rotenontsístahte, tánon ne watnekarákwah kát꞉tse, tánon ánion thóh niehé꞉tewe.”

1 Samuel 26:11 ပူးပေါင်းရင်းမြစ်များ

2 Samuel 1:14

Ne Táwit wahawénhase, “Ní꞉se iáh kén tesáteronskwe naʼontahsatshanakaráthaʼte natsiá꞉tonte ne Roiá꞉ner roiatahrá꞉kwen?”

2 Samuel 1:16

Ne Táwit wahawénhase, “Ní꞉se sanekwénhsareh senontsíne; asèken kwáh í꞉se tsi tsakáronhte wahkarihwanírate wesatkónten, satón꞉nions, ‘Wahinonwarhiákhon ne Roiá꞉ner roiatahrá꞉kwen.’”

2 Samuel 19:22

Ók ne Táwit wahén꞉ron, “Ónhʼní꞉se nakonhierá꞉se, Í꞉se ne raonekenteronhtserashón꞉ahs ne Zeruiah, nètho ní꞉se tsi kwáh ákte nòkwahti tentisewáthane nakonhá꞉ke? Kwáh kénk ónhkak ahiontatenonwarhiá꞉kkhon ne Israerʼronónke nón꞉wa senhniserá꞉te? Asèken ní꞉i kwáh iáh tewakateriéntare nón꞉wa wenhniserá꞉te tsi í꞉i wakenontí꞉io NIsraerʼronónke?”

Psalms 17:4

Tsi ne nihatiweienhnótens ne nakorénhsons, kwáh tsi nisarihwatháton iáh tewakattahíten ne tsi ronahatátie ne iáh teotiʼianerenhseráien.

Romans 12:17

Tóhka ónhkak iesateweiehnakshaténʼni, tóhsa thóh ní꞉ioht tsi ahonsashekáriakʼseh. Ne sateniénten thonátier tsi niʼiéhiere nónkwe ne tkariwaiéri.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

1 Tiér 3:9

Tóhsa neh sasewakárhiat ne kariwáksen ne kariwáksen tóhkaʼ ó꞉ni ne karewatátsera ne karewatátsera; kék khók, ne sasewakárhiat ne kahiataterítsera, tioríwa tsi kahiataterítsera nahóten ne Rawenni꞉io iararatsʼténni neh shaianáton.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 24:12

Aiá꞉wens ne Roiá꞉ner tahahiató꞉rehte ón꞉ka ne tethenihiáse tetiaterientawénhris! Aiá꞉wenhs í꞉se ahiaré꞉wate asèken tsi nisehweiennóten tsi takát꞉konte, asèken ní꞉i kwáh kiʼ iáh thakonkaré꞉wate ne knahótenk ahontakarihónhni.

1 Samuel 24:4

Ne raonkweʼtashón꞉ʼahs ne Táwit wahonwénhase, “Kénʼen wenhniseráte ne ne tsi nihién꞉ni ne Roiá꞉ner, ‘Enhihiatiakwarísi ne iá꞉sons thóh shasanáke, tánon ní꞉se thóh nahtié꞉ras tsi nenhtesenón꞉wehne.’” Ethó꞉hʼne ne Táwit iahá꞉re atahséhtonke tahroharáhko ne tsi iatekaiósaien ne Saul tehatewehiaráhkwah.

1 Samuel 24:6

Ne raónha wasakawénhase ne raonkwetaʼshón꞉ʼahs, “Ne Roiá꞉ner roriwáston neh thóh kí꞉ken nahiʼiéhrase Natiá꞉ner, ne ne Roiá꞉ner roiatahrákwen, neh niaʼtahkanénhtseste nahiʼiatkónten; asèken ne ne Roiá꞉ner rohiatahrá꞉kwen.”