1 Samuel 26:10 - Ohiatonhseratokénti

¹⁰ Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.

1 Samuel 26:10 ပူးပေါင်းရင်းမြစ်များ

Genesis 47:29

Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

Job Tánon ne Raoronhiakensera 14:14

Tó꞉ka ne rón꞉kwe enrenhé꞉ie, kwáh ken shé꞉kon enhsatón꞉nhete? Akwé꞉kon tsi niwakathenhniseraténionskwe ne tsi niwatiohtén꞉en kwáh ki enkaterá꞉rate tsi nió꞉re ienkí꞉heie.

Job Tánon ne Raoronhiakensera 14:5

Sakwáh tá꞉kwen tsi niwenhniserá꞉kes enhawenhniseraién꞉take, ò꞉ni ne tsi niwenhní꞉takes í꞉sehke ne nón꞉we nikarihwaientákwen; tánon tsi nón꞉we tisanétsote iáh ónhka taiekwé꞉ni niahiontó꞉hetste,

Job Tánon ne Raoronhiakensera 7:1

“Iáh ken nonkweshón꞉as kwáh tó꞉kenk tsi nikarì꞉wes iontaterahkwé꞉ni naiakoiò꞉ten nakoioténhsera ne tsi ionwenhtsá꞉te, tánon iáh ken tehonwarakwén꞉ni ne kawistá꞉hets ne rónkwe nonwenhtsá꞉ke?

Psalms 37:10

Kénk nikaríhwes ne rotiriwahnerákskon tsi enhatihiatáton; eʼthohsáne kwáh waʼsasteniáron tsi waʼsehiatisá꞉khe, iáh kíʼ thasehiatatʼtsénhri.

Psalms 37:13

Nók ne Roiá꞉ner shakosterístha ne rotiriwahneraʼákskon, asèken roteriéntare tsi enhonatenhniserók꞉taʼse.

Psalms 94:23

Kwáh kíʼ rahónha ensakoréwaʼte né tsi nihotirihwaʼnerahákskon tánon ensakótonhte tsi nihotirihwaʼnerahákskon; né Roiá꞉ner onhkwaNí꞉io kwáh kíʼ ensakótonʼte.

Ecclesiastes 3:2

Ratokénstha nónen ienkáhewe nahionʼnákerate ó꞉ni nónen nahiaiéheie, tsi niekáhes nahieiéntho tánon tsi nienkáhewe nahieientʼtkwáko,

Luke 18:7

Nok ne Niio, iah onteken tataontasakonnhe ne sakoiatarakȣen tiotkon onȣe iatehotihenretha raonhake, ethoneh ne sane roniskohe nahatreȣate ne rononha raotiriȣake.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Deuteronomy 31:14

Ethò꞉ne ne Roiá꞉ner wahawénhase ne Mahís, “Iáh ó꞉nen sóhtsi tekarí꞉wes tetsishathaténron nasónnheke. Iatsínonhk ne Joshua tánon atosehrá꞉kon nonhtaʼtiaténhaf, ne káti nahónton nahontahihiawí꞉hon ne rahohioténhseras.” Mahís tánon ne Joshua atohserá꞉kon niaháne.

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

Hebrews 10:30

Asèken ionkwahterientare ónhka nahnerá꞉wenh, “I꞉i kwáh se enshekarià꞉ke tánon enshekerewáthe”; ónhka káti ó꞉ni rawenh, “Ne Roiá꞉ner kwáh ki tensakohiatorete ne rahonkweʼtashón꞉as.”

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.

Revelation 18:8

né꞉se wahón꞉ni nahohrashón꞉as kwáh enwá꞉we ne nón꞉we sewenhniserák꞉khok enkénhake— kahnrhaó꞉kon tánon nahiontʼtiónhnion tánon natonkarhiá꞉kon— tánon ne raón꞉ha kwáh kíʼ enkonwatsiatatʼtsáhate otsirá꞉ke; asè꞉ken roshatstenhserowá꞉nen seh ne Roiá꞉ner Ní꞉io raón꞉ha rariwenhtáse.”

1 Samuel 24:12

Aiá꞉wens ne Roiá꞉ner tahahiató꞉rehte ón꞉ka ne tethenihiáse tetiaterientawénhris! Aiá꞉wenhs í꞉se ahiaré꞉wate asèken tsi nisehweiennóten tsi takát꞉konte, asèken ní꞉i kwáh kiʼ iáh thakonkaré꞉wate ne knahótenk ahontakarihónhni.

1 Samuel 24:15

Aiá꞉wens ne Roiá꞉ner thóh nón꞉we natahaiatórehte tánon ahontahátkaʼwe ne karihwenhtáhtshera tsi natetiá꞉tere ní꞉i tánon ní꞉se. Aiá꞉wens ahakenhénhion, tánon nahontahákene, ó꞉ni nahonsahakeniákente tsi nòkwah ní꞉se.”

1 Samuel 25:26

Nón꞉was eʼthóhʼne, atiá꞉ner, tsi kiʼ nirón꞉nhe ne Roiá꞉ner, ó꞉ni ní꞉se tsi nishón꞉nhe, tsiksén꞉hak ne Roiá꞉ner wahiá꞉nese ní꞉se ne tó꞉sa ahisánike tsi ashenekwátʼte tánon tsi ahonsatskárhiake ne kwáh ní꞉se shatshanáke, ó꞉nenh kiʼ sheríhon ne iesáshons ó꞉ni tsi nihiá꞉kon ne ne ronhnésaks ne karihwahét꞉ken tsi nahonwatiérase natiá꞉ner kwáh tsi ní꞉ioht ne Nabal.

1 Samuel 25:38

Kakʼnón ne oié꞉ri nón꞉ta onakénhke ne Roiá꞉ner wahononwariá꞉khon ne Nabal.

1 Samuel 25:39

Nó꞉nen ne Táwit saharihwáronke nètho Nabal tsi rawenhé꞉ion, wahén꞉ron. “Tehonwanonweráton ne Roiá꞉ner tsi raónha seh ionshahárehke ne kanikonrakarewátshera tsi niwatienáon ne thóh ratshanáke ne Nabal, tánon ní꞉i éhren wahatiatenháwiʼte tsi nòkwah ne kariwahetkénseraʼne Roiá꞉ner tonsahakarahténi ne kariwahetkénsera tsi nihoieránion ne Nabal ne iatehaiáti.” Eʼthóhʼne ó꞉nen ne Táwit iahaténiete tánon washakótatʼtse ne Abigail, nahotíniaʼke.

1 Samuel 31:4

Ehʼthóhʼne Saul wahawénhase rateriʼiostáhkwa ráhas, “Shió꞉tion ne shá꞉sare tánon testiaʼtáwehest nètho, ne káti nètho ne iáh tehonatewarakwátahron ne tó꞉sa ahón꞉ton nahontahón꞉ne tánon ne tahiontiatáweheste, tánon ne ahionkatswátahkwe.” Ók ne ráhas ne rateriʼiostákwa iáh tehothontháton; asèken sótsi roteronhienténhni. Káti Saul wahathá꞉wa ne raoʼsarehkó꞉wa tánon thóh iahathatsá꞉tsenenhte neh wahaiatohárahne.

1 Samuel 31:6

Káti ne Saul ó꞉ni ne áhsen niháti sakoiohokón꞉ʼahs ó꞉ni ne ráhas rateriʼiostáhkwa ó꞉ni ratikwé꞉kon ne raonkwetaʼshón꞉ahs ne ronhnón꞉kwe wahonníheie skát꞉ne ne sahennísera.