1 Samuel 25:39 - Ohiatonhseratokénti

³⁹ Nó꞉nen ne Táwit saharihwáronke nètho Nabal tsi rawenhé꞉ion, wahén꞉ron. “Tehonwanonweráton ne Roiá꞉ner tsi raónha seh ionshahárehke ne kanikonrakarewátshera tsi niwatienáon ne thóh ratshanáke ne Nabal, tánon ní꞉i éhren wahatiatenháwiʼte tsi nòkwah ne kariwahetkénseraʼne Roiá꞉ner tonsahakarahténi ne kariwahetkénsera tsi nihoieránion ne Nabal ne iatehaiáti.” Eʼthóhʼne ó꞉nen ne Táwit iahaténiete tánon washakótatʼtse ne Abigail, nahotíniaʼke.

1 Samuel 25:39 ပူးပေါင်းရင်းမြစ်များ

2 Samuel 1:16

Ne Táwit wahawénhase, “Ní꞉se sanekwénhsareh senontsíne; asèken kwáh í꞉se tsi tsakáronhte wahkarihwanírate wesatkónten, satón꞉nions, ‘Wahinonwarhiákhon ne Roiá꞉ner roiatahrá꞉kwen.’”

1 Kings 2:44

Kwáh toʼkénʼen tsi akwékon sateriéntare ne wahét꞉kens tsi nitserá꞉se ne rakeʼníha Táwit. Káti ne Roiá꞉ner kwáh né enkarihónhni tsi enhiaréwaʼthe.

Esther 7:10

Sók ki Haman wahonwahnià꞉terenke tsi nón꞉we nihóhson Mordecai raorihwà꞉ke. Ó꞉nen kiʼ ne ronontí꞉io iaʼtonsahanaʼkwaieʼwèn꞉taʼne.

Esther 9:25

Sók ne Esther eʼthó niahá꞉ʼen tsi thén꞉teron ronontí꞉io, tánon ne ronontí꞉io iahaténniehte tsi nahò꞉ten rohià꞉ton waharí꞉wenhte tsi ní꞉ioht tsi enrènheie ne Haman, tsi ní꞉ioht tsi rorihwíson ne Sitaeró꞉non tsi enhshakóhtonʼte. Haman tánon shakoioʼokón꞉ʼa wahonwatihnià꞉terenke tsi nón꞉we shakotihniaʼterenkstáhkhwa.

Psalms 7:16

Tánon né shotíras ne raothakontátshera, tánon né kakaronhniátshera nakóren sakorakwénhni ranontsíne saká꞉rane.

Psalms 9:5

Wasehterónhkwen nonkweshón꞉ha né꞉ne tsi natisahénrethe nateriʼiósera, waʼsehiáthonte ne ionkwetatsensoʼkónha; kwáh iehiokontákwen tsi waʼsehrón꞉ko ne tsi ratisénhnarakwe né꞉ne tsi nènhwe enkénhake.

Proverbs 18:22

Tókaʼ enhsetshén꞉ri naesániake enhsetshén꞉ri ne ioiánere, wé꞉ne Roiá꞉ner tenhiarihwáhshnieʼse.

Proverbs 19:14

Rón꞉kwe enwá꞉ton nahonwahiatonhserónnien kanónhsa tánon ohwísta, nek tsi Roiá꞉ner khók enhakwé꞉ni naontahonwatenniéhten ne tiakorihwaié꞉ri nahóniake.

Proverbs 22:23

Roiá꞉ner tenhshakoriʼwakéhnhase ne raotirihwà꞉ke tánon enhshakotetshahníhten tsi ronnónhnhe nónhka enhonwanatetshahníhten.

Proverbs 31:10

Tho niwentó꞉re nahsenahkwatshén꞉ri ne ieweienní꞉io! Akaónha sénha wé꞉so shaʼtékena tsi ní꞉ioht ne ohwistanoronʼshón꞉ʼa!

Proverbs 31:30

Tsi niieweiennò꞉ten enkakwé꞉ni ensaʼnikonhrhá꞉ten nok ne iakoiaʼtáhskats iáh tiótkon thenkénhake, nok ne iakón꞉kwe ronwahsennakará꞉tats ne Roiá꞉ner kwáh orihwà꞉ke aietsihsennakará꞉tate.

Song of Songs 8:8

Ionkwwahkénsen nitsakohiónha, tanon iáh tatehienonhtónhtons. Onhnahiakiʼiatsérahse ne hiaʼkhikén꞉a, nenhwenhniseráteke nó꞉nen enhiewenhnínekenhne?

Micah 7:9

Ó꞉nenk tsi enkatakátstate ne raonakwáhtshera ne Roiá꞉ner, tiorì꞉wa tsi wakerihwáneren tsi nokwáh ne rahónha, tsi nió꞉re rahónha tenhakerihwakénhase nakerihwaʼshón꞉as tánon enharihwénhte. Kwáh tsi teioswáthe nienhatiathénhawe; kwáh kʼi enkatkáto ne raorihwakwarihshióntshera.

2 Corinthians 13:7

Nonkwaterénnaient ne Rawenní꞉ioʼke neh꞉ne tóhsa thé꞉nen taisewaterientawén꞉rie. Ne khók teionkwatateʼnikòn꞉rare ne í꞉se tkariwaié꞉ri tsi naisewátiere, iawerohátien tsi ne iokéntas tsi ionkwarihwanóronʼse.

1 Thessalonians 5:23

Aiáwens ne Rawenni꞉io tsi niká꞉ien teshonkwáhwis ne skénʼnon ahiaiatatéristhe kwáh tsík nahontahiotseráh꞉ton tánon ahanónstathe tiatakwékon—tsi sónnhe, satónnhets, ó꞉ni saierónta—kwáh tóh꞉sa thènen ahionitseraiéntake nónen téntre ne Sonkwaiáner Ié꞉sos Kerístos.

2 Timothy 4:18

Tánon kíʼ ne Roiá꞉ner kwáh ensakeniákenthe kwáh oriwahkwékon ne kariwáksen ó꞉ni kwáh skenènʼtsi tsi ienhatiaténhawe ne Rahonakeraserákon ne karonhiáke. Rahónha ne kahiathanerakwátsera tsi iénhenwe ó꞉ni tsi nénwe! Éhʼtho nenʼiáwenʼne.

Judges 5:2

Tehonwanonhwerátons ne Roiá꞉ner! NʼIsraerʼró꞉nons iehotinikonhrakonhthákwen nahonterí꞉io; nonhkweshón꞉as kwáh ronatʼtsenhnónhni tsi wahontsátaren.

1 Samuel 24:15

Aiá꞉wens ne Roiá꞉ner thóh nón꞉we natahaiatórehte tánon ahontahátkaʼwe ne karihwenhtáhtshera tsi natetiá꞉tere ní꞉i tánon ní꞉se. Aiá꞉wens ahakenhénhion, tánon nahontahákene, ó꞉ni nahonsahakeniákente tsi nòkwah ní꞉se.”

1 Samuel 25:26

Nón꞉was eʼthóhʼne, atiá꞉ner, tsi kiʼ nirón꞉nhe ne Roiá꞉ner, ó꞉ni ní꞉se tsi nishón꞉nhe, tsiksén꞉hak ne Roiá꞉ner wahiá꞉nese ní꞉se ne tó꞉sa ahisánike tsi ashenekwátʼte tánon tsi ahonsatskárhiake ne kwáh ní꞉se shatshanáke, ó꞉nenh kiʼ sheríhon ne iesáshons ó꞉ni tsi nihiá꞉kon ne ne ronhnésaks ne karihwahét꞉ken tsi nahonwatiérase natiá꞉ner kwáh tsi ní꞉ioht ne Nabal.

1 Samuel 25:32

Ne Táwit warénhaʼse ne Abigail, “Tehonwanonweráton ne Roiá꞉ner ne sakoʼNí꞉io Nisraerʼronónke, tsi raón꞉ha se taiató꞉ri ne tahitsatátʼken nón꞉wa wenhniseráte!

1 Samuel 25:34

Asèken tsi niʼioriwí꞉io ne Roiá꞉ner ne sakoʼNí꞉io NÍsraerʼronónke tsi nirón꞉nhe, raón꞉ha watát꞉taste ní꞉i nakonkaréwate, nék khók tokàken watisasteríhen ne tahiʼtiatátʼken, oriwí꞉io tsi nienhió꞉renhne kwáh iáh ne saiá꞉ta roskenrakéte tsatahonsahontonkwetaʼténhronke ne Nabal.”

1 Samuel 25:40

Nó꞉nen ne Táwit raonhatserasónhas iakonwaiatórenhne ne Abigail ne Carmel nón꞉we, wakonwénhase, “Ne Táwit shonkwatorihátie nisèke niahonsakwaiaténhawe ní꞉se ne nahiseníniake.”

1 Samuel 26:10

Ne Táwit wahén꞉ron, “Ne Roiá꞉ner tsi nirón꞉nhe, ne Roiá꞉ner kwáh kiʼ enhononwarhiákhon; khéhs tsi nihotenhniseraténion kwáh kiʼ enkénʼheʼie; khéhs thóh nienhén꞉re ateriʼioseráke tánon enhatiatáton.