1 Samuel 25:31 - Ohiatonhseratokénti

³¹ natiá꞉ner kwáh iáh othènon takarihónhni nahonikonrák꞉sen, khéhs ne tahowehestá꞉nion rawerhiá꞉ne, ne tsi wahanékwah ne iáh othènon tetsiorihonhníhon khéhs ne tsi shotahteniakénton ne iatehahiáti. Tánon nó꞉nen ioiá꞉nereh tsi teoriwásnieʼse natiá꞉ner, ehʼthóhʼne kiʼ satseiá꞉rah ne sanhá꞉tshera.”

1 Samuel 25:31 ပူးပေါင်းရင်းမြစ်များ

Genesis 40:14

Ók kiʼ saskehiá꞉raʼn nó꞉nen akwé꞉kon entsioiánerehke ne sarihwá꞉ke; ahsathón꞉tate taskerihwaié꞉rits takená꞉ton raohén꞉ton ne Pharaoh, ne katíʼ naonsastiaʼtínekenhwe kíʼ kén꞉ʼen iontatehnhotónhkwa.

2 Samuel 22:48

ne ne Ní꞉io rahón꞉a rátsnienons nakhesenhni ne iónkshons tánon tesakohiá꞉tenhas nonkwé꞉okons atianerenhseró꞉kon,

Psalms 94:1

Ó Saiá꞉ner, Í꞉se ne Sewenní꞉io ne sehrewátha, sathaténest, Saiá꞉ner, Sewenní꞉io í꞉se ne sehrewátha!

Luke 23:42

Nok iahatati tsi roiatenton ne Iesos, ȣahenron: Seȣenniio! aonsaskeiarane nonen saiatanerakȣatserakon natentese.

Romans 12:19

Tóhsa nonwénton kanhakwatserákon tsi ahonsaskáriake, tewatenrosónhas, nók kek tseríhon Rawenni꞉io rahonhakwátsera írats. Asèken noriwatokénti wáton, “I꞉i kwáh se enshekáriaʼke tánon enshekeréwaʼthe, ráton ne Roiá꞉ner.”

Romans 14:21

Ne kíʼ neh tkaiéri, tóhsa sewárak, tóhsa snekíra notsítia, tóhsa ó꞉ni thènen nasátiere nakorénson aiakoriwanerahátʼten.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

1 Samuel 24:15

Aiá꞉wens ne Roiá꞉ner thóh nón꞉we natahaiatórehte tánon ahontahátkaʼwe ne karihwenhtáhtshera tsi natetiá꞉tere ní꞉i tánon ní꞉se. Aiá꞉wens ahakenhénhion, tánon nahontahákene, ó꞉ni nahonsahakeniákente tsi nòkwah ní꞉se.”

1 Samuel 25:30

Nó꞉nen ne Roiá꞉ner tho nihoiéren tsi nòkwah natiá꞉ner ne tahioianénhawe akwé꞉kon ne ioiá꞉nere nètho tsi nihothátiʼon ní꞉se sarihwá꞉ke, tánon í꞉se iahiatahráhkwen nasenhéntense Israerʼronónke,

1 Samuel 25:33

Tehinonwerá꞉tons ne Ní꞉io ní꞉se sarihwáke ó꞉ni tsi niwatʼtokhatserí꞉io ní꞉se washotási, raón꞉ha wahatiatanónsthate nón꞉wa wenhniseráte tsi nòkwah ne karihwáksen sewateriwahtewáton ó꞉ni tó꞉sa í꞉i akathatenikonraʼiériʼte ne í꞉i katshanáke ákatste!

1 Samuel 25:40

Nó꞉nen ne Táwit raonhatserasónhas iakonwaiatórenhne ne Abigail ne Carmel nón꞉we, wakonwénhase, “Ne Táwit shonkwatorihátie nisèke niahonsakwaiaténhawe ní꞉se ne nahiseníniake.”

1 Samuel 26:23

Ne Roiá꞉ner tesakorihwaserakwénhnis onkwetakwé꞉kon tsi nihiakoterihwaʼkwahríshion ó꞉ni tsi nihiakorihwatóken; asèken ne Roiá꞉ner thóh wahiát꞉kawe katshanáke nón꞉wa wenhniseráte, ók iáh kiʼ takatiaʼnakaráhthate nahiʼiatkónten ne Roiá꞉ner roiatahrákwen.