1 Samuel 25:28 - Ohiatonhseratokénti

²⁸ Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.

1 Samuel 25:28 ပူးပေါင်းရင်းမြစ်များ

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

2 Samuel 7:11

kwáh shontakheiataráko nashakotihéntenhse nakonkweʼtashón꞉ʼahs Israerʼró꞉nons; tánon kwáh Í꞉i entkónhion nahishorisénhtane tsi nòkwah ne ieshá꞉sons. Sén꞉ha isiʼnónhwe ne Roiá꞉ner kwáh enhiawatsirowáhnate.

2 Samuel 7:16

Ne tsi waswatsiratátie ó꞉ni ne sanakerásera kwáh oriwí꞉io enhionhníhake ne ne tsi nènhwe nakʼkénton; sahén꞉ton ne sanontiʼiótsera kwáh enkáthake ne tsi nènhwe enkén꞉hake.

2 Samuel 7:27

Asèken ní꞉se, Ó Sheiá꞉ner ne ratironhiakeró꞉nons, ne sheʼNí꞉io NÍsraerʼronónke, washón꞉ni kíken naskerihotháshiaʼse, satón꞉nions, ‘Kwáh í꞉i enkonhnonsónhnien’; ne kíʼ aoríhwa ne í꞉i ne sanhá꞉tsera waketshénri ne kanikonranirát꞉tsera ne iaterénhnaient ne shonháke.

1 Kings 15:3

Kwáh thóh ní꞉ioht tsi waharihwáneraʼke tsi kíʼ niʼhiothónhne ne ronikénhen tánon iáh kíʼ thethonikonhrakonhthákwenhne tsi nahorihwatokénhake rahonháke ne Roiá꞉ner Rahoní꞉io, tsi né nihiothónhne ne tehioteréseraʼne nióre rosotʼkénʼen Táwit.

1 Kings 15:5

Né Roiá꞉ner né ahoríhwa thóh kí꞉ken nahá꞉iere tsioríhwa ne Táwit tsi thóh nihoiéren né nahontahonikonhraiérihthe tánon iáh nonhwénhton tehotewenhnónhtion tsi nahoténsons ne rahorihwatátʼtseras, nek khók né Uriah né Hitró꞉non aorihwasónha.

1 Kings 9:5

Kwáh ki thóh nénhtiere tsi nihiʼiararatsthénhni ne ianikénʼen nó꞉nen sahí꞉rori nètho Israerronónhke tsi tiókonhte né enhonatkorastónhake tsi nienhatwatsírihne.

1 Chronicles 17:25

Kwáh wakenikonrahníron tsi ienkaterénhnaien ne shonháke kí꞉ken aterénhnaient, akení꞉io, tsioríhwa tsi í꞉se akwé꞉kon waskerihotáshien ki nahorihoténsons, iʼnesanhátshera í꞉ken, tánon tsi wasetró꞉ri tsi enshenontí꞉ioste tsi nienkatwatsírine.

2 Chronicles 20:15

Jahaziel waʼhénron, “Sanontí꞉io tánon né tionkwetaʼkwékon né Judah ó꞉ni Jerusalem, ne Roiá꞉ner ráton iáh tehiówenk ne ahontesewanikónhrenhne khés nahisewáteronhne tsi tenhsewatátʼken kíʼ kén tehionenhranón꞉hiani ronhterí꞉ios. Nateriʼiósera Rawenní꞉ioke nónwe niká꞉rahre, iáh ní꞉seke nón꞉we.

Psalms 7:3

Ó Saiá꞉ner akeNí꞉io, tó꞉ka kí꞉ken thóh nahonkatiérenhke; khés tó꞉ka thènenh nahiotón꞉hake ne kanatshaná꞉kes,

Psalms 89:29

Né rahonhnontiʼiótshera kwáh kíʼ ienhiotʼkontákwenh enkenhake tsi kíʼ ní꞉ioht ne tsi karonhiáte, tsi nienhatwaʼtsiríhne tsókonhte kíʼ ronón꞉ha enhotinontí꞉ioʼke.

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Matthew 5:16

Eh kati oni nise naseȣaier teietsisȣatheten ne seȣasȣathesera nonkȣeokon etho naontaȣe ahonȣanenton ne Etsiseȣaniha Karonhiake tenteron.

Luke 23:41

Ehse nii nateiontiatenstson; aseken ehki niionkeninnhikon; nok nerahonha iah othenon tehostonton.

Luke 23:47

Tsinahaȣenne tsi ȣahatkatho ne Sotarkoȣa, ȣahonenton ne Niio, nok ȣahenron: oriȣiio tsi thoriȣaierikȣe ne kenh ronkȣekenha.

1 Samuel 15:28

Tánon ne Samuel wahawénhaʼse ne Saul, “Ne Roiá꞉ner kwáh waharátion ne sanakerá꞉sera NÍsraerʼronónke nisèke ne kwáh nón꞉wa wenhniseráte, tánon ne tashakáwen ne tesewatonhonsanéken, tsi ronónha sénha rotiʼiánere tsi ní꞉ioht ní꞉se.

1 Samuel 17:47

tánon nètho ratikwé꞉kon ne kiʼkénʼen ronatsataróhron aiá꞉wenhs ahonateriéntaraʼne nètho Roiá꞉ner tsi iáh neh asahrehkó꞉wah khéhs ne kaiénkwireh tehátstha nashakonónsthate; asèken nateriʼiósera Roiá꞉ner sehʼné꞉eh raówenk tánon kwáh ní꞉se entʼiát꞉kawe iakwahtshanákes nenhtèseh.”

1 Samuel 18:17

Eʼthóhʼne ne Saul wahawénhase ne Táwit, “Kénʼen í꞉iens ne tiekowánen kheién꞉a Merab; kwáh enkatʼtónhthate nakahónha ne seksténha ahiónton; nék khók tsi sanikonratiaʼnitónhak nakeriwáke tánon saterí꞉ios ne Roiá꞉ner raoteriʼióseras.” Asèken ne Saul wárehʼre, “Kwáh ní꞉i iáh tiaʼtahiʼianisnónhsaren; áhnion ne ne Philistiaró꞉non kén niehó꞉ier.”

1 Samuel 2:35

Ní꞉i kwáh tenhí꞉taste iaʼtetiá꞉ti ne roʼrihwatóken ratsihenstá꞉tsi, raʼónha kwáh ne enhateriwathéntsiaʼte ne entsioianénhaʼwe tsi nahó꞉ten í꞉wa nakwerhiá꞉ne tánon naʼkenikonrákon. Ní꞉i kwáh enhiʼwatsirónhnien ne iorihwatóken kawátsire, tánon ne raón꞉ha kwáh ienhataweiátʼthake ó꞉ni nienhaiakénhseʼke raoʼhénton ne riʼiatarákwen ne ne tsi nénhwe enkénhaʼke.

1 Samuel 22:14

Eʼthó꞉ne kiʼ ne Ahimelech watorihwaʼserákwahse ne ronnontí꞉io, “Ónh꞉ka ne ratiʼkwé꞉kon tsi nihá꞉ti shonkwétaien thóh nahorihwatokénhake tsi ní꞉ioht ne Táwit? Raónha ne ronnontí꞉io rawenónhsa í꞉ken, tánon iostó꞉reh tsi watatkarahténi ne ne ahaterihwaténtiaʼte taiaién꞉hase, tánon tsi nihonwakweniénsta ne sanónskon.

1 Samuel 24:11

Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.

1 Samuel 24:17

Wahawénhase ne Táwit, “Í꞉se sénha saiá꞉neren tsi ní꞉ioht ní꞉i; asèken ní꞉se ne shasetkarhiátʼten ne ioiá꞉nere, ók ní꞉i ne konkarhiatʼténhni ne karihwahétken.

1 Samuel 24:21

Takerihwanírats nètho raosén꞉nakon ne Roiá꞉ner tsi iáh ní꞉se tasheiasáʼrhiake tsi wakwatsiratáhtie nó꞉nenh enwakiʼhéionke, tánon nètho ní꞉se tsi iáh tasetsenhnaráko ne tsi ronón꞉shote ne rakení꞉ha.”

1 Samuel 24:4

Ne raonkweʼtashón꞉ʼahs ne Táwit wahonwénhase, “Kénʼen wenhniseráte ne ne tsi nihién꞉ni ne Roiá꞉ner, ‘Enhihiatiakwarísi ne iá꞉sons thóh shasanáke, tánon ní꞉se thóh nahtié꞉ras tsi nenhtesenón꞉wehne.’” Ethó꞉hʼne ne Táwit iahá꞉re atahséhtonke tahroharáhko ne tsi iatekaiósaien ne Saul tehatewehiaráhkwah.

1 Samuel 25:24

Rashitáke iakahiatié꞉nenhne tánon wakénron, “Taskéras akonwáhakhok, atiá꞉ner, ne kaní꞉kon; satón꞉tak sheríhon ne sanhá꞉tshera wathá꞉ti ne shonháke, tánon satahón꞉satat naowenhnaókons ne sanhá꞉tshera.

1 Samuel 29:3

ne ronteriʼioserakweʼní꞉io ne Philistines wahonníron, “Ónh nihontiéra kí꞉ken Hebrews ne kénʼen?” Achish washakawénhase ne ronteriʼioserakweʼní꞉ios ne Philistines, “Iáh kén kí꞉ken Táwit tèken, ne raonhá꞉tsera ne Ronnontí꞉io Saul ne Israeronónke, ne raónha ó꞉nenh kwáh thóh tsi nikaríwes siʼiakenikwékon? Tsi ná꞉he akonhá꞉ke thoʼniakénʼen iáh othènon tehiriwatsénhrhiase tsi niió꞉re nón꞉wa wenhniseráte.”

1 Samuel 30:26

Nó꞉nen ne Táwit shiahárawe thóh nón꞉we Ziklag, iasakoteniéten wateshakokháshiaʼse ne kanenhskwenháton ne raoteroserashón꞉ʼahs, ne ne thotí꞉ions ne Judah, “Ratón꞉nions kén í꞉ken nathatawítseras sewarihwáke thóh nitsiawʼénon ne rotinenhskwenháton ne ronwasóns Roiá꞉ner”;