1 Samuel 25:24 - Ohiatonhseratokénti

²⁴ Rashitáke iakahiatié꞉nenhne tánon wakénron, “Taskéras akonwáhakhok, atiá꞉ner, ne kaní꞉kon; satón꞉tak sheríhon ne sanhá꞉tshera wathá꞉ti ne shonháke, tánon satahón꞉satat naowenhnaókons ne sanhá꞉tshera.

1 Samuel 25:24 ပူးပေါင်းရင်းမြစ်များ

Genesis 44:18

Eʼthó꞉ne ne Judah raiaʼtakta ne Só꞉se niahá꞉re tánon wahén꞉ron, “Oh atiá꞉nehr, tsheríhon ne sanhá꞉tshera ahsathontátsheke taetenihthá꞉ren, tánon tóhsa tshenà꞉kwaʼs ne sahnhá꞉tshera; aseʼkénh ní꞉se kwáh ne ne Pharaoh teskaierón꞉tare.

2 Samuel 14:12

Ehʼthóhʼne ne iónkwe sakénron, “Ahsatʼtónhtate serí꞉hon ne sanhátsera shé꞉kon ahonsahiwénhnarane natiá꞉ner ronnontí꞉io.” Wahén꞉ron “Satá꞉ti.”

2 Samuel 14:9

Ne iónkwe ne Tekoaró꞉non wahawénhase ne ronnontí꞉io, “Í꞉i enwák꞉rane ne kanítsera, natiá꞉ner ne ronnontí꞉io, tánon ne rakeníha raonónskon; áhnion ne ronnontí꞉io tánon ne kanontiʼiótsera kawátsire tó꞉sa othènon rotinitseraién꞉tan.”

2 Samuel 20:17

Kahiaták꞉ta niahá꞉re, tánon ne iónkwe wakénʼron, “Í꞉se kén ne Joab?” Wathariwaserá꞉kwase, “Í꞉i.” Ehʼthóhʼne wahawénhase, “Satahónsatat ne ahowenhnahókons ne sanhátshera.” Wathariwaseráko, “Wakataʼhón꞉sate.”

2 Kings 4:37

Elisha rashiʼtáktha waʼkahiatsénenhne, kwáh tsekakónhen nohontsáke; ethòne ionhsahohiathénhaʼwe ne roiénha tánon sonhthénhti.

Esther 8:3

Esther ionsahonwahtháhrhahse á꞉re ronontí꞉io, iaʼthonwatentshóthahse tánon teionhsénthohs. Wahonwaʼné꞉ken tiók nahò꞉ten nahá꞉iere tahá꞉tahste tsi nahò꞉ten wahétken Haman roteʼnikonrón꞉ni, eʼthó nón꞉we nithoʼtwahtsirí꞉non ne Agag, ne shakóhswenhs Sitaeró꞉non.

Proverbs 25:15

Tókaʼ saʼnikonhkátste nahò꞉ten ahsheʼnikón꞉ron ne ierihwaʼshátste, enwá꞉ton tenhsheʼnikonhraté꞉ni ók ó꞉ni ne ratikorahserowá꞉nenʼs.

Ecclesiastes 10:4

Tó꞉ka shí꞉ken ne iakóra enhianáhkwahse, tó꞉sa kíʼ ensahthorísʼsen; ne iorihowáhnen tewaterientawenriéhon ahónton nahonsahionthatenikónhrenhse tó꞉ka sak tenhsahthatónhni.

Matthew 18:29

Kenhkaion ne ronatenro rotentsihon ȣathatontsotonnion raton: saterharat nok enkonkariakse.

1 Samuel 24:8

Onahkènʼke ó꞉ni ne Táwit tonthahaiá꞉kenʼne nosón꞉wakon tánon iahonáhton ne Saul, “Atiá꞉ner sanontí꞉io!” Nó꞉nenh ne Saul raonáhken ionsahatkátho, Ne Táwit watatʼtsá꞉kete ohontsá꞉ke niahatsérate, tánon tsi nahá꞉iere ne naokwé꞉nienste.

1 Samuel 25:23

Nó꞉nen ne Abigail sahonwáhken ne Táwit, wahtiosteríhen tánon shóntsnenhte tsi iosaténhtsiene ne tewahóntes, raohén꞉ton wakaiatahiéntahne ne Táwit tsakakonshótane, tewattsatʼtenhátons ohontsá꞉ke.

1 Samuel 25:25

Atiá꞉ner tó꞉sa tatseriwásnies kí꞉ken ranikonrahét꞉ken saoiéren rón꞉kwe, Nabal; asèken tsi nihosenhnóten, thóh kiʼ niʼionkweʼtóten; tánon tehotenonwaroríhtonte; ók ní꞉i, ne sanhá꞉tshera, iáh tehí꞉ken ne kén nithoiónha ne Natiá꞉ner raonkwé꞉ta, tsi rahón꞉ʼa ietsiatórion.

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.