1 Samuel 25:23 - Ohiatonhseratokénti

²³ Nó꞉nen ne Abigail sahonwáhken ne Táwit, wahtiosteríhen tánon shóntsnenhte tsi iosaténhtsiene ne tewahóntes, raohén꞉ton wakaiatahiéntahne ne Táwit tsakakonshótane, tewattsatʼtenhátons ohontsá꞉ke.

1 Samuel 25:23 ပူးပေါင်းရင်းမြစ်များ

2 Samuel 1:2

Nasénhaton siwenhniseraʼkéhaton, rón꞉kwe wá꞉rawe thóh nontáre ne Saul tsi thotahtó꞉serote, neh raoʼtserón꞉nia ioteratiónkwen tánon rokenrá꞉reh ranontsíne. Nó꞉nen shiaoiatórenhne ne Táwit, ohontsáke iahaiatiénenhne tánon wathatentʼtsóten.

2 Samuel 14:4

Nó꞉nen ne iónkwe ne Tekoaró꞉non iahón꞉we ronnontí꞉ioke, wakaiatiénenhne tiaʼkakonshó꞉tane ohontsá꞉ke tánon ne nawéneste kakwenienstátsera, tánon wakénron, “Tatiehnawas, Ó sanontí꞉io!”

2 Samuel 18:28

Ehʼthóhʼne ne Ahimaaz iathohén꞉rete rahonhá꞉ke ne ronnontí꞉io, “Akwé꞉kon tseioiá꞉nere!” Wahatatsiatiénenhte raohén꞉ton ne ronnontí꞉io kwáh tsehakónsaienhohontsá꞉ke, tánon wahén꞉ron, “Tehonwanonweráton ne Roiá꞉ner Saní꞉io í꞉ken, rahónha táhion natesenhniétsera tsi waʼhesatkónten tsi sanontí꞉io í꞉ken.”

2 Samuel 9:6

Ne Mephibosheth ne ne roní꞉ha ne Jonathan tánon ne ne roteréha ne Saul iahá꞉reh raohénton ne Táwit, tánon tsahakonshótane tsi wahathatsiaʼtsénenhte ne naréhneste kakweniensthéntsera. Ne Táwit wahénron, “Mephibosheth,” tánon ne raón꞉ha wathariwaseráko, “Thenkonriwásniese, shénshion.”

1 Chronicles 21:21

Kwáh tsi niiostó꞉re ne Araunah wahó꞉ken ne Ronnontí꞉io Táwit tá꞉re, éhʼren wáreʼte tsi rawahét꞉thakwah tánon ehtáke watát꞉tiákeʼte, né꞉ne kwáh tiehakónshoʼte nonhontsáke.

Joshua 15:18

Ne wenhniserá꞉te ne watèn꞉niote ne Othniel washakóreke nahonwarihwanóntonhse ne ronhwaʼní꞉ha nashakohé꞉ton. Wahónsnenhthe tsi iakoshaténhtiene ne tewahòn꞉tes, tánon ne Caleb washakorihwanóntonhse nahó꞉ten tehiakotonhontsó꞉ni.

Judges 1:14

Ne siwathénhniote ne Othniel washakoretsáron nahonwarihwanónhtonhse ne ronhwaníha nashakohé꞉ton. Wahóns꞉nenhte tsi iakoshaténhtsene ne tewahóntes, tánon ne Caleb washakorihwanónhtonhse nahó꞉ten tehiakothonhontsóni.

Ruth 2:10

Ruth onhwentsà꞉ke niió꞉re waʼtiontsà꞉kete iahonwatárhahse ne Boaz, “Oh niiotié꞉ren tsi teskwaʼnikónhrhare tánon oh niiotié꞉ren tsi enteskeriʼwaierítshe nonhwentsakaionʼró꞉non?”

1 Samuel 20:41

Kwáh tsi niʼiostó꞉reh ne raksá꞉a thóh wárehte, ne Táwit thonahátahne ákta tsi ionenhiáts꞉tokote tánon wahathatshiatié꞉nenhte tsehakón꞉shote ohontsáke. Waʼtatʼtiákete áhsen niʼiorihwáke, tánon wahthiaʼtatenoronhkwáhnion, tánon skát꞉ne wathiaʼsénhtho; Táwit kiʼ sén꞉ha wathaséntʼtho.

1 Samuel 24:8

Onahkènʼke ó꞉ni ne Táwit tonthahaiá꞉kenʼne nosón꞉wakon tánon iahonáhton ne Saul, “Atiá꞉ner sanontí꞉io!” Nó꞉nenh ne Saul raonáhken ionsahatkátho, Ne Táwit watatʼtsá꞉kete ohontsá꞉ke niahatsérate, tánon tsi nahá꞉iere ne naokwé꞉nienste.

1 Samuel 25:24

Rashitáke iakahiatié꞉nenhne tánon wakénron, “Taskéras akonwáhakhok, atiá꞉ner, ne kaní꞉kon; satón꞉tak sheríhon ne sanhá꞉tshera wathá꞉ti ne shonháke, tánon satahón꞉satat naowenhnaókons ne sanhá꞉tshera.

1 Samuel 25:41

Wakʼkátahne tánon watewatiá꞉kete, tiakakonshó꞉tahne nohontsáke, tánon wakén꞉ron, “Ne sanhá꞉tsera kwáh kanáskwah í꞉ken ne naiakositóhare ne raonhatserashón꞉ʼahs natiá꞉ner.”