1 Samuel 25:22 - Ohiatonhseratokénti

²² Ne Ní꞉io thóh nisakoiéras ne Táwit ronwásons tánon kwáh ó꞉ni í꞉sinonh tsi nahiáwenhne, tó꞉kaʼ tsi ieniórenhne iahón꞉kenhʼre thóh nahonahtsió꞉kwasʼke tsi ní꞉ioht ne tionkwé꞉ta ne ratikwé꞉kon ne rotiskenrakéte ne raónha raonkwetashón꞉ahs.”

1 Samuel 25:22 ပူးပေါင်းရင်းမြစ်များ

1 Kings 14:10

Né kí꞉ken enkarihónhni kwáh enthékhaʼwe ne kakaronhniátseras ne sawatsirákes tánon ratikwékon enkhenonhwarhiakónhnion ne rotsiskenrakétes tsi niensatwatsírihne, kenhnahontahotíhionske khés nahotikʼsténhake. Kwáh kíʼ enkhehiáthonʼthe ne sawátsire; thóh ní꞉ioht tsi ienhiakohiathénhawe tsi ní꞉ioht nhó꞉ta.

1 Kings 16:11

Kwáh tsi nihiosthó꞉re ne Zimri wahononhtí꞉ioʼne kwáh washakononhwarhiakónhnion ne Baasha rahowátsires. Ratikwékon ne rotiskenrakéte tánon ne ronhthenhrosónhas tsi wahonwatinonhwarhiákon.

1 Kings 21:21

Káti ne Roiá꞉ner iaró꞉ris, ‘Enthékʼkhaʼwe ne karihwaiesátsera shonháke. Kwáh é꞉ren enkonhiathenháwite tánon kwáh enkhehiáthonhthe ne rotiskenrakéte tsi wastsíraien, kén nahonthahotíhionke khés nahotiksthénhake akénhake.

2 Kings 9:8

Ratikwékon ne Ahab rahowátsires tánon tsi nitotwatsirínon tsi enhonní꞉heie; kwáh kíʼ enkheʼiáthonte ratikwékon ne rotiskenrakéte ne rahowatsirákon, kén nahontahotí꞉ionke khés nahotiksténhake akénhake.

Ruth 1:17

Tsi nón꞉ nenhsíheie tho kiʼ niʼ ní꞉i nón꞉ nenkíheie, tho nón꞉we neniontià꞉tata. Tóka káti ne Roiá꞉ner ne tiaonhá꞉ʼa ahakʼrewáhte, nek enkakwé꞉ni ne kenhéion, taionkenikáhsi tóka enkoniatewén꞉teʼte!”

1 Samuel 14:44

Ne Saul wahén꞉ron, “Ne Ní꞉io kwáh thóh nihatiéras tánon kwáh í꞉sinonh; ní꞉se kwáh kiʼ oriwiʼiohónwe tsi ensíheʼie!”

1 Samuel 20:13

Ók tó꞉ka ne rakení꞉ha thóh nihonikonró꞉ten nahiakarónhni, ne Roiá꞉ner thóh kiʼ nón꞉ne eh nenhoiérase ne Jonathan, tánon kwáh ó꞉ni isiʼnónwe sén꞉ha, tó꞉ka ní꞉i iáh thakonrohrhiá꞉ne, Aiá꞉wenhs ne Roiá꞉ner ahiʼsenikwekónhake ní꞉se, tsi kiʼ ne nihniʼkwékon ne rakení꞉ha.

1 Samuel 20:16

Kíʼne Jonathan warónhni nateriwaseronniátshera skátne tsi ronón꞉shote ne Táwit, tsi nikawenhnó꞉tens, “Aiá꞉wenhs ne Roiá꞉ner iahsakó꞉nonke ne Táwit ronwásons nahatinikonraién꞉thate.”

1 Samuel 3:17

Eli wahén꞉ron, “Onhnahó꞉ten nètho wahiaró꞉ri? Tó꞉sa takatashéten. Aiá꞉wenhs ne Ní꞉io kwáh thóken꞉en ahiawéwate tó꞉ka ní꞉se asheriwásehte knahótenk tsi nó꞉kwa ní꞉i akwé꞉kon nètho iaró꞉ri.”