1 Samuel 25:13 - Ohiatonhseratokénti

¹³ Ne Táwit wasakawénhase ne raonkweʼtashón꞉ʼahs, “Kwáh tsi nihá꞉ti ne ronnón꞉kwe rontsiatának ne raonasarehkó꞉wa!” Tánon kwáh kiʼ tsi niaʼteionkwétake tsi neh wahontsatanákʼkon ne raonasarehkó꞉wa; Táwit ó꞉ni ne wahatsatáhnake ne raosarehkówa; tánon kák nón꞉ne kaié꞉ri tehonhnénhniawe wahón꞉ne ne Táwit, ók tekeni tehonhnénhniawe niháti wahonathátere nahontenhnikonráhren ne raotiriéna.

1 Samuel 25:13 ပူးပေါင်းရင်းမြစ်များ

2 Samuel 15:18

Ratikwé꞉kon ne raonkwetashón꞉ahs ne ronaterihóntons wahonwatohétsten; tánon ratikwé꞉kon ne ronhwahiataʼnonhná꞉kwe, tánon ratikwé꞉kon ne iáh-iak tehonhnenhniá꞉we nihátikwe Gitró꞉nons ne ronhnónha tonhwásheron ne Gath nón꞉we, wahontóhetste raohénton ne ronnontí꞉io.

Proverbs 14:29

Tókaʼ saʼnikonhrí꞉io, tesaʼnikonhráthe kiʼ, tókaʼ senaʼkwahseró꞉hen, nek ne enhshenaʼtón꞉hahse tsi tehsatenonhwarorí꞉tonte.

Proverbs 16:32

Ne sénha ioiánere ne iakoʼnikonhrí꞉io tsi ní꞉ioht ne aiakoʼshatstenhserowanénhake. Ne sénha ioiánere aontahsanónhton tsi sónhnhe tsi ní꞉ioht ne aontasahnónhton tsi kanataién꞉ton.

Proverbs 19:11

Tókaʼ sattokhahtsherí꞉io enhskwé꞉ni ki aontahseniaro꞉taroʼke ne sanaʼkhwénhsera. Nó꞉nen ónhka eniesaʼnikonhráksaʼte, ne iorihowá꞉nen tókaʼ enhskwé꞉ni tóhsa tahserihwáhshnieʼne.

Proverbs 19:2

Tókaʼ serihwakaʼrí꞉tats nahò꞉ten iáh tshiekaié꞉ri tesaterién꞉tare iáh kiʼ teioiánere; tókaʼ iáh tesaʼnikonhrí꞉io tenhsaʼnikonhrhá꞉ren kiʼ.

Proverbs 20:22

Tóhsa ní꞉se saskáriaʼkt nahò꞉ten wahétken. Tsheniáhes Roiá꞉ner ne enharihwakwatá꞉ko.

Proverbs 25:8

Tóhsa só꞉tsi tesasteríhen kaianerenhserà꞉ke niáhse tsi nahò꞉ten wahsatkáhtho. Oh nénhshiere tókaʼ akó꞉ren enierihwahní꞉rate tsi nahò꞉ten í꞉sen iáh tó꞉kenhske té꞉ken?

Joshua 9:14

Ne Israerʼró꞉nons ostónha wahatihienásehrons ne kákhwa tsi tahonwénhnon, ók iáh ki tehonwarihwaién꞉ni ne Roiá꞉ner né꞉tho aorì꞉wake.

1 Samuel 22:2

Onhkweʼtakwé꞉kon ne teiakonikónrahre, ó꞉ni ne iakotkarótons, tánon onhkwetahkwékon ne iáh konnáksen wahonnitsokwahróhroʼke rahiatákʼta; tánon raónha washakohéntenhse. Tsi niʼiá꞉kon ne wahatikwé꞉khahne kák꞉non ne kaiè꞉ri tewenhniá꞉we ní꞉hati.

1 Samuel 23:13

Eʼthóhʼne ne Táwit wasakawénhase ne raonkwetashón꞉ʼah, ne ne kák꞉non ne iáh-iak tewenhniá꞉we niháti, óksak éhren sahón꞉nete ne Keilah nón꞉we; wahotinatenhawí꞉son kwáh tsi nón꞉we nenhwá꞉ton niahón꞉ne. Nó꞉nen ne Saul shahoró꞉ri ne Táwit tsi shoniakénʼen ne Keilah, wahanikonrók꞉ten nahó꞉sehre.

1 Samuel 25:12

Káti ne Táwit raonkweʼtashón꞉ahs kén nithotiʼiónsas tonsahontkarahténi, tánon tontahonhkéte ó꞉ni sahonwaró꞉ri akwékon kí꞉ken.

1 Samuel 27:2

Káti ne Táwit iahaiákenhne tánon thóh nón꞉we niahá꞉re, raón꞉ha tánon ne iáh-iak tewenhniáwe niháti ronhnón꞉kwe ne raón꞉ha ratikwekonhátsieskwe, tsi thénhteron ne Ronnontí꞉io Achish ne ne roién꞉ha ne Maoch ne ne Gathrónon.