1 Samuel 25:10 - Ohiatonhseratokénti

¹⁰ Ók ne Nabal watesakoriwaserákwahse ne Táwit raonkweʼtashón꞉ʼahs, “Ónhka nènhne ne Táwit? Ónhka ne ne roién꞉ha ne Jesse? Kwáh í꞉ken tsi ronatiokowánen ne ratinhá꞉tsheras nón꞉wa wenhniseraténion ró꞉nonha ne sakonatsá꞉tonhtakwenhnis ne rowatiiá꞉takwení꞉ios.

1 Samuel 25:10 ပူးပေါင်းရင်းမြစ်များ

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

Exodus 5:2

“Ónhka nènhʼne ne Roiá꞉ner?” ne Ronhnonhtí꞉io wahariʼwahnónhton. “Ónhʼnonhtié꞉ren tsi né nahiʼhiatahónshataʼte tánon nakatʼthóntate akhehiáʼtkawe ne lsraeró꞉nons? Iáh tehiʼientéri ne Roiá꞉ner; tánon iáh kíʼ takhehiátʼkaʼwe nʼIsraerʼró꞉nons.”

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Ecclesiastes 7:10

Tó꞉sa nonhwénhton nasehriwahnónhton, “Onh, nonhtieren tsi sénha ioiánerekwe ne wahónhniseh tkènhne?” Iáh tewatʼthokhatsherí꞉io né ní꞉ioht tsi aieriwahnónhton.

Isaiah 32:5

Né tsiaʼkotónhnokʼte iáh ó꞉nen ne tahonsahiontaʼtenatónhkwahke iesenhnowánen, khés ne ienikonrátha ahiontónheke tsiakonkweʼtaiéri í꞉ken.

Isaiah 32:7

Né iakonkwetaʼheténskwah né꞉ne ratiʼnikonrá꞉tha kwáh rononkwetaʼhétken; né rontenikonrónhnis ne kwáh kariwahétken tsi nahatí꞉iere nasakotikarónhni ne iakóten tsi nisakonanowenhténhnis, iawerohátien nónho꞉wen tsi iakorihwaʼnéken ne iakóten tsi tseiériʼtse.

Judges 9:28

Ne Gaal wahénron, “Onh nitsionhkweʼthó꞉tens ne Shechem? Onh nonhtséren tsi Abimelech tsi tewahiótenhse? Ónhka ne né rahónha í꞉ken, akwah? Né roʼníha ne Gideon! Tánon ne Zebul thóh ieharihwákwas rahonháke, ók nonhtséren tsi rahónha atsitewaiénthenʼse? Sewarihwatokénhak tsi nòkwah ne tsi sewasót꞉tha Hamor, tsi rahónha rotsiokwatʼtsénron!

1 Samuel 20:30

Eʼthóhʼne ne Saul raonhakwáhtshera tahió꞉teke tsi nó꞉kwah ne Jonathan. Wahawénhase, “Í꞉se saién꞉ʼa ne kanikonrák꞉sen, kariwanón꞉we iónkwe! Iáh tewakateriéntare nètho ní꞉se tsi né sathaterakwénhni ne Jesse roʼiénha nasathatéhate, tánon thóh ahtehenserákon ne sanisténha tsi akoneóskon thí꞉ken?

1 Samuel 22:2

Onhkweʼtakwé꞉kon ne teiakonikónrahre, ó꞉ni ne iakotkarótons, tánon onhkwetahkwékon ne iáh konnáksen wahonnitsokwahróhroʼke rahiatákʼta; tánon raónha washakohéntenhse. Tsi niʼiá꞉kon ne wahatikwé꞉khahne kák꞉non ne kaiè꞉ri tewenhniá꞉we ní꞉hati.

1 Samuel 25:9

Nó꞉nenh ne Táwit raonkwetashón꞉ʼahs kén nithotiʼiónsas wahón꞉newe, akwé꞉kon kí꞉ken wahonwaró꞉ri ne Nabal thóh raosénhnakon ne Táwit; tánon ehʼthóhʼne ó꞉nenh wahonterárahte.