1 Samuel 24:3 - Ohiatonhseratokénti

³ Iahá꞉rahwe tsi konwathiterontáhkwah teiotinakarontónha owahák꞉ta í꞉ken, thóh nón꞉we niʼiotstenrahkáronte; tánon ne Saul thóh iahatáhwehiaʼte náste iáreh. Nón꞉wa ne Táwit tánon ne raonkwetashón꞉ahs thóh tatitskó꞉ton neh kwáh í꞉non iéhke nosón꞉wakon.

1 Samuel 24:3 ပူးပေါင်းရင်းမြစ်များ

Psalms 141:6

Nó꞉nen ienhonwanatsakwahríhsi ronónhake tsi nikáien ne kwáh enhonwatiréwaʼte, enhonaterientáraʼne nakewenhnahókons tsi tokenskehónwe í꞉ken.

Judges 3:24

tánon sahaténhti. Né rathinhátshera thonthahónʼne tánon wahontkátho tsi kaienkʼthá꞉ron, ók nék kíʼ né wahónhnere ne ronnonhtí꞉io kanónskon kíʼ thénhteron, koʼráhne thénteron.

1 Samuel 13:2

Ne Saul áhsen-tewenhniawehetsherásen nihá꞉ti wasakoiataráko thóh nón꞉we Israerʼronónke; tékeni tewenhniawehetsherásen nihá꞉ti Saul ratikwekonhátiesʼkwe ne Michmash nón꞉we tánon ne tsi ionhniarónhnion kanakeraseráien ne Bethel, tánon énska tewenhniawehetsherásen nihá꞉ti ne ne ratikwekonhá꞉tiesʼkwe ne roién꞉ha Jonathan thóh nón꞉we Gibeah ne ne Benjamin ahotonhwenhtsáke; ne ronátiakes nonkweʼshón꞉ʼahs ionshasakotóri tsi tonathatoserótons niahonsahón꞉ne.

1 Samuel 26:2

Káti ne Saul wahthá꞉tahne tánon thóh niahá꞉re tsi tiahonwenhtsatʼténhake ne Ziph, ne rónhne náhsen natewenhniawehettseráhsen niháti ne kaiatará꞉kwen ronhnón꞉kwe ne Israerʼronónke, ne nahonwahiatisákhe ne Táwit thóh iahonwenhtsaténhake ne Ziph nón꞉we.

1 Samuel 26:3

Ne Saul thóh wahathatoseró꞉ten tsi ionhniá꞉here ne Hachilah, neh teiotiná꞉tah ne Jeshimon thóh ohwahákʼtha. Ók kiʼ ne Táwit thóh neh í꞉res iahonwenhtsiatʼténhake. Nó꞉nen saharihwáronhke nètho Saul tsi thóh sèhron thóh iahonwenhtsiatʼténhake,