1 Samuel 24:2 - Ohiatonhseratokénti

² Eʼthóhʼne ne Saul iasakohiatén꞉hawe áhsen tewenhniawehetseráhsen ne kwáh kaiatarákwen ronnón꞉kwe ne Israerʼronónke, tánon iahón꞉ne wahonwaiatiʼsákha ne Táwit tánon ne raonkweʼtashón꞉ahs tsi nieiawénon ne Iotsténrá꞉re ne Karakonrónon Kaiatákeras konwanatónkwah ne En-Gedi nón꞉we.

1 Samuel 24:2 ပူးပေါင်းရင်းမြစ်များ

2 Samuel 22:2

Wahén꞉ron: Ne Roiá꞉ner seh nakisténhra í꞉ken, ne nakaʼtenhén꞉ra, ó꞉ni shaʼkatatewenhniʼiotseráwis,

Job Tánon ne Raoronhiakensera 39:1

“Saterièn꞉tare ken nó꞉nenh nonontakéha kaiaʼtákeras enwatewí꞉raien; Sateró꞉ronh ken tsi nontewí꞉raien ne karahkón꞉ha oskenón꞉ton?

Psalms 104:18

Ne tsiotenonhtatónh꞉nions thóh né nón꞉we nihónhnes ne karakonhró꞉nons kahiatákeras; tánon ne tsikenerehtsotáhrhon tsi ionitstenriákons nón꞉we nihontasehthákwah.

Psalms 141:6

Nó꞉nen ienhonwanatsakwahríhsi ronónhake tsi nikáien ne kwáh enhonwatiréwaʼte, enhonaterientáraʼne nakewenhnahókons tsi tokenskehónwe í꞉ken.

Psalms 37:32

Nʼé ronhnonkwetahétkens shakotinikónrahre ne iakoiánereh tánon ronteniéntʼtha nah shakotinonwahriákon;

Psalms 38:12

Tsi niháti ne rónh꞉nere nahionkenonwarhiákon, ronhteristaienhá꞉tons nakerihwáʼke; tsi niháti né꞉ne ronnésaks nahiontkaréwate né rotiʼtharákwen ne kaʼkaronhniátsera, iáh tehontkáwas tsi tehionkaskohtháhnis.

1 Samuel 13:2

Ne Saul áhsen-tewenhniawehetsherásen nihá꞉ti wasakoiataráko thóh nón꞉we Israerʼronónke; tékeni tewenhniawehetsherásen nihá꞉ti Saul ratikwekonhátiesʼkwe ne Michmash nón꞉we tánon ne tsi ionhniarónhnion kanakeraseráien ne Bethel, tánon énska tewenhniawehetsherásen nihá꞉ti ne ne ratikwekonhá꞉tiesʼkwe ne roién꞉ha Jonathan thóh nón꞉we Gibeah ne ne Benjamin ahotonhwenhtsáke; ne ronátiakes nonkweʼshón꞉ʼahs ionshasakotóri tsi tonathatoserótons niahonsahón꞉ne.

1 Samuel 23:28

Káti ne Saul wahát꞉kawe tsi roseré꞉ne ne Táwit, tánon iasakotiatónhti ne Philistiaró꞉nons; káti neh thóh nón꞉we ne konwasenhnáwi Teionontahkháshion.

1 Samuel 26:2

Káti ne Saul wahthá꞉tahne tánon thóh niahá꞉re tsi tiahonwenhtsatʼténhake ne Ziph, ne rónhne náhsen natewenhniawehettseráhsen niháti ne kaiatará꞉kwen ronhnón꞉kwe ne Israerʼronónke, ne nahonwahiatisákhe ne Táwit thóh iahonwenhtsaténhake ne Ziph nón꞉we.