1 Samuel 24:11 - Ohiatonhseratokénti

¹¹ Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.

1 Samuel 24:11 ပူးပေါင်းရင်းမြစ်များ

2 Samuel 1:14

Ne Táwit wahawénhase, “Ní꞉se iáh kén tesáteronskwe naʼontahsatshanakaráthaʼte natsiá꞉tonte ne Roiá꞉ner roiatahrá꞉kwen?”

2 Kings 5:13

Né rahonhatserahókon tsítres niahónhne tánon wahonníron, “Sién꞉shon, tó꞉ka ne rotó꞉kense thé꞉nen wahiaróri ne waterihwenhtó꞉re tsi nashá꞉tsere, thóh kíʼ nahisaiérenhke. Káti nón꞉wa nonʼtsé꞉ren tsi iáh kíʼ teshatsatóhares, tsi kíʼ niháwen, tánon satseʼwén꞉tan?”

Job Tánon ne Raoronhiakensera 10:16

Takató꞉rats tsi ní꞉ioht ne roshatstenhserowá꞉nen nithoiónha kénreks; tánon shé꞉kon entsisahiò꞉then ne iorihwanerá꞉kwat nahontaskatiaʼtón꞉ti.

Psalms 119:161

Ne sahkotihénhtenhse tahionkatsiatónhti né꞉ne kwáh iáh othénnen tetsiorihonhníhon, ók kí kerihwakweniénstha ne saianerénhsera.

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 59:3

Shé꞉kon nón꞉wa nikaháwi ratihiathakwénhtaron tehonanénhraien nahionkenonwarhiákon; ne ratiniakátste ronanitsiokonhnihátse nahontahionkatsatónhti. Iáh né tehiorihwáke tó꞉ka kén knahótenk karihwáneren akénhake khés ne tahonkaterenhtaweriéhon, Ó Saiá꞉ner,

Psalms 7:5

Ehʼthóhʼne kíʼ sehríhon ne tehiatiatátʼtions nahióntʼsehre tánon nahiontiéna, tehonskwahsehrón꞉kwat ne tsi kónnhe nonwenhtsáke, tánon thóh kaiénhtak natierónhta nokenráhke. Selah

Proverbs 15:1

Tókaʼ skenén꞉ʼa tsi tenhserihwaʼserá꞉ko shakʼthenwá꞉ton ne kanaʼkhwénhtshera, nok ne kanaʼkhwenhsherá꞉kon nowén꞉na sénha eniakonaʼkón꞉ni.

Lamentations 4:18

Ne hionkhíswens hionkhinikonrahrakwe; akwékon iáh tesewáthonskwe ne kanatakesons niahiakwe. Nonkwennísera iohteweiennentáʼon; ne tsi ónhwe ne tsi iehiótokʼte.

Ezekiel 13:18

tánon sehró꞉ri tsi nahó꞉ten ne Ronnonhtí꞉io Roiá꞉ner shakorhiorhiánions: “I꞉se ne tsi sewatʼthonwísenhs kwáh ensewatréwahte! Sehwanítkonhs tsi tionhniánions ne tehiotseriónʼnions ne taietʼtsinenhtsawithanákʼton nonhkwetaʼkwékon tánon tionhniánions ne tehiontniaʼsanákʼtha nonhkwetaʼkwékon ratinonhtsíne áhonsthe, ne nahónton ahotishastsʼtenseraiénthake nakorénsons ahonthasakothiniaró꞉tharohke tsi ronnnonhnhénions. Tesehwathonhontsóhni nahisehwatʼtháwa nahoshastsʼténsera natónnhets ó꞉ni ne kenhéion tsi nòkwah nakonhkwetaʼshón꞉ʼa tánon né énsehwatsthe ne tionháhatʼkok sewarihwáhke.

Micah 7:2

Ne rotirihwató꞉ken kwáh rotiiathatónhon ne tsi ionwenhtsá꞉te, tánon iáh ónhka tsiatetsakotaténhron nahontakarihwaié꞉rihke; ratikwé꞉kon ratiiatión꞉ni ne rotiráhre nonekwénhsa, tánon tehonthatórats tsi nihontaharaién꞉tons.

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 18:27

Ne Táwit wathá꞉tahne tánon iahá꞉re, wahón꞉ne ne rahonkweʼtahshón꞉ʼahs, tánon washakotinonwarhiakhónhnion enskatewenhniáwe niháti ne Philistiaró꞉nons; tánon ne Táwit tahá꞉hawe ne raotiné꞉ons ne ronwatiʼwahrakwétarons, tsi tahóntkawe kwáh kiʼ iekahiatonkwahiéri tahón꞉nion ne ronnontí꞉io, ne káti nahón꞉ton ronnontí꞉io rawenónhsa ahá꞉ton. Ne Saul watesakoteró꞉sheron ne sakoién꞉ha Michal ró꞉ne ahiónton.

1 Samuel 23:14

Ne Táwit thóh wahatahtíteron tsi ionhniarón꞉nion kanakeraseráien ne iahonwentsathénhake thóh nón꞉we ne Ziph. Ne Saul kwáh niaʼtewenhniseráke tsi wahoiatisáke, ók ne Roiá꞉ner iáh kíʼnenh néʼeh thethó꞉wi ne ratshaʼnàke.

1 Samuel 23:23

Tesatkathónhnionf tánon saterientáhrak akwé꞉kon tsi nonwésons nihatahsehtá꞉kwah, tánon tontáhse akonháke ne ne kwáh oriwí꞉io asehrihwenháwi. Eʼthóhʼne í꞉se skát꞉ne nienhén꞉tene; tánon tohkáha thóh í꞉res kanakeraserákon, kwáh í꞉ih enhihiatísake tsi ienákere ne tewenhniawehetserásen nihiá꞉kon ne Judah nón꞉we.”

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.

1 Samuel 26:18

Tánon kiʼ iahá꞉ieste, “Ónh nontiéren natiá꞉ner tsi roséhres ne raonhá꞉tsera? Asèken onniwakatiéren? Nahó꞉ten wakeníkon ne kaʼtshanáke?

1 Samuel 26:20

Ónenh kiʼ nón꞉wa, tó꞉sa sathón꞉tat nakenekwénhsa iakaién꞉tane, éhʼren nón꞉we tsi nón꞉we níres ne Roiá꞉ner; aseʼèken ne sakonontí꞉io NIsraeró꞉non thawénon nahoiatisáke saiá꞉ta ne katsinonwákeras, tsi ní꞉ioht ne ón꞉kak iontó꞉rats nokwé꞉sen ne tsi ionontarónhnions.”

1 Samuel 26:23

Ne Roiá꞉ner tesakorihwaserakwénhnis onkwetakwé꞉kon tsi nihiakoterihwaʼkwahríshion ó꞉ni tsi nihiakorihwatóken; asèken ne Roiá꞉ner thóh wahiát꞉kawe katshanáke nón꞉wa wenhniseráte, ók iáh kiʼ takatiaʼnakaráhthate nahiʼiatkónten ne Roiá꞉ner roiatahrákwen.