1 Samuel 23:4 - Ohiatonhseratokénti

⁴ Eʼthóhʼne kiʼ ne Táwit shé꞉kon sahoriwahnóntonse ne Roiá꞉ner. Ne Roiá꞉ner watorihwaserákwahse, “Hén, wáhs thóh iahá꞉se Keilah; asèken ne Philistiaró꞉nons thóh shasanáhke iekheiát꞉kaʼwe.”

1 Samuel 23:4 ပူးပေါင်းရင်းမြစ်များ

2 Samuel 2:1

Shontóhetste kí꞉ken ne Táwit wahoriwanóntonhse ne Roiá꞉ner, “Kwáh kén iá꞉ke kaknikáiens ne kanatowánens ne Judah?” Ne Roiá꞉ner wahá꞉wenhase, “Wáhs thóh iaʼháse.” Ne Táwit wahén꞉ron, “Kaʼónte niʼkáien ne kanatowánens nón꞉we niá꞉ke?” Wahén꞉ron, “Hebron nón꞉we niaháse.”

2 Samuel 5:19

Ne Táwit wahoriwanóntonhse ne Roiá꞉ner, “Kwáh kén iá꞉ke niakeiaʼtiatónhti ne Philistines? Kwáh ní꞉se entesehiát꞉kaʼwe thóh katshanáke?” Ne Roiá꞉ner wahawénhase ne Táwit, “Wáhs thóh iahá꞉se; asèken kwáh oriwiʼiohónwe ienkheiát꞉kaʼwe ne Philistines thóh satshanáke.”

2 Kings 3:18

Tánon kíʼ ne Elisha iahathasónhteren, “Ók kí꞉ken kwáh í꞉ken tsi watsésen né naháiere ne Roiá꞉ner; tánon kíʼ kwáh enthetsítion natesenhniétsera tsi nòkwah ne Moabites.

1 Chronicles 14:10

Ne Táwit Rawenni꞉io wahorihwaʼnóntonhse, “Iakhehiatsatónhti onhtèken ne Philistiaró꞉nons? Entéskon kén naʼtesenhniétshera?” Né Roiá꞉ner wathaʼrihwaseráko, “Hen, iasheʼhiatsatónhti! Entʼkónhion natesenhniétshera!”

Joshua 8:7

Ethò꞉ne enhshewatotháshion tsi sehwathasehthónhne tánon ensehwaiéna ne kanatowá꞉nen. Ne Roiá꞉ner Sewaní꞉io enhthetsítsion.

Judges 6:39

Ethòne ne Gideon sahawénhase ne Rawenni꞉io, “Tó꞉sa takená꞉kwas; takeríhon nakatáti enskát꞉kok iewáteratst. Asatʼthónthate shé꞉kon énska iesehwáteratsts skát꞉kens nononhwéron. Nónhwa iostatʼthénhak nononhwéron, ók nonhóntsa ionanahwénhak.”

Judges 7:7

Ne Roiá꞉ner wahawénhase ne Gideon, “Kwáh enskonhniákente tánon entʼkónhion natesenhniétsera nashensénhni ne Midianró꞉nons né꞉ne áhsenh tewenhniáwe niháti ne wahatinekhotsíreke. Ók ratikwékon sheróri ne ronátsakes sonhténhti.”

Judges 7:9

Né shitsokaráhon ne Roiá꞉ner wahorihónten ne Gideon, “Nahatkétsko tánon ieshakotsatónhti ne tsi thonanáhthaien; Tkonhiáwis natesenhniétshera nasatʼkwéniethe.

1 Samuel 10:22

Sók kiʼ á꞉re shé꞉kon sahonwariwaʼnóntonhse ne Roiá꞉ner, “Nètho rón꞉kwe kénʼen kénh nithaʼwénon?” Tánon ne Roiá꞉ner wahén꞉ron, “Sewatʼkátho, iehotatiataséh꞉ton tsi nón꞉we nihionthaʼkweniaientákwa ne ionteriʼiosthákwas.”

1 Samuel 23:2

Ne Táwit wahorihwanóntonhse ne Roiá꞉ner, “Kwáh kén iá꞉ke tánon iakheiaʼtiatónhti kí꞉ken Philistiaró꞉nons?” Ne Roiá꞉ner wahawénhaʼse ne Táwit, “Wáhs tánon iasehiaʼtiatónhti ne Philistiaró꞉nons tánon sehnónstat ne Keilah.”

1 Samuel 23:3

Ók ne Táwit raonkweʼtashón꞉ʼahs wahonwénhase, “Satkátho, ionkwáhterons kiʼkénʼen Judah nón꞉we; tóh ní꞉ioht tsi sénha tó꞉kaʼ thóh ieniákwe Keilah naiakhiʼiatkónhten ne ronterí꞉ios ne Philistiaró꞉nons?”

1 Samuel 23:5

Káti ne Táwit tánon ne raonkweʼtahshón꞉ahs iahón꞉ne Keilah, wahonterí꞉io ne Philistiaró꞉nons, tashakotiʼiatenháseron ne raotiʼtshenenhókons, tánon thóh nahonwahtiʼiérase ne kwáh í꞉ken tsi wahonwatisénhni. Thó꞉ne kiʼ ne Táwit shasakoniákente ne Keilah nón꞉we nihatináhkere.

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 30:8

Ne Táwit wahorihwaʼnóntonhse ne Roiá꞉ner, “Kwáh kén akhésehre kí꞉ken ratinenhrakárias? Kwáh kén iakhenontérane tánon kwáh kén oriwihiohónwe tsi ahonsakheniá꞉kente.”