1 Samuel 23:3 - Ohiatonhseratokénti

³ Ók ne Táwit raonkweʼtashón꞉ʼahs wahonwénhase, “Satkátho, ionkwáhterons kiʼkénʼen Judah nón꞉we; tóh ní꞉ioht tsi sénha tó꞉kaʼ thóh ieniákwe Keilah naiakhiʼiatkónhten ne ronterí꞉ios ne Philistiaró꞉nons?”

1 Samuel 23:3 ပူးပေါင်းရင်းမြစ်များ

Psalms 11:1

Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

Jeremiah 12:5

Ne Roiá꞉ner ráton, “Jeremiah, tó꞉ka tenswisénheie tsi natesehwaréron nonhkweshón꞉a, onhní꞉ioht tsi tahisehwaréron ne kosáhtens? Tó꞉ka iáh taskwéni ne shé꞉kon nék nastáke ne kahetáhke, onhní꞉ioht tsi ahishateriwaténtiaʼse ne ne karahkhonkó꞉wa ne Jordan?

1 Samuel 23:15

Ne Táwit thóh neh renhterón꞉tahkwe ne iahonwenhtsathénhaʼke ne Ziph nón꞉we ákta ne Horesh nó꞉nenh saharihwáronhke nètho Saul tsi thawénon réhsaks ne tsi rónnhe.

1 Samuel 23:2

Ne Táwit wahorihwanóntonhse ne Roiá꞉ner, “Kwáh kén iá꞉ke tánon iakheiaʼtiatónhti kí꞉ken Philistiaró꞉nons?” Ne Roiá꞉ner wahawénhaʼse ne Táwit, “Wáhs tánon iasehiaʼtiatónhti ne Philistiaró꞉nons tánon sehnónstat ne Keilah.”

1 Samuel 23:23

Tesatkathónhnionf tánon saterientáhrak akwé꞉kon tsi nonwésons nihatahsehtá꞉kwah, tánon tontáhse akonháke ne ne kwáh oriwí꞉io asehrihwenháwi. Eʼthóhʼne í꞉se skát꞉ne nienhén꞉tene; tánon tohkáha thóh í꞉res kanakeraserákon, kwáh í꞉ih enhihiatísake tsi ienákere ne tewenhniawehetserásen nihiá꞉kon ne Judah nón꞉we.”

1 Samuel 23:26

Ne Saul tsionontahkaráti neh nokwáhti niahá꞉re, tánon ne Táwit tánon ne raonkwetashón꞉ʼahs í꞉seh neh nahonontáhti nokwáhti niahónhne. Ne Táwit tehosteríhens nahotèkwahse ne Saul, thóh neh ná꞉he ne Saul tánon ne raonkwetashón꞉ʼahs ákta ronetonhátsie tsi nón꞉we ní꞉res ne Táwit tánon ne raonkwetashón꞉ʼahs neh nahonwahiéna.

1 Samuel 23:4

Eʼthóhʼne kiʼ ne Táwit shé꞉kon sahoriwahnóntonse ne Roiá꞉ner. Ne Roiá꞉ner watorihwaserákwahse, “Hén, wáhs thóh iahá꞉se Keilah; asèken ne Philistiaró꞉nons thóh shasanáhke iekheiát꞉kaʼwe.”