1 Samuel 23:13 - Ohiatonhseratokénti

¹³ Eʼthóhʼne ne Táwit wasakawénhase ne raonkwetashón꞉ʼah, ne ne kák꞉non ne iáh-iak tewenhniá꞉we niháti, óksak éhren sahón꞉nete ne Keilah nón꞉we; wahotinatenhawí꞉son kwáh tsi nón꞉we nenhwá꞉ton niahón꞉ne. Nó꞉nen ne Saul shahoró꞉ri ne Táwit tsi shoniakénʼen ne Keilah, wahanikonrók꞉ten nahó꞉sehre.

1 Samuel 23:13 ပူးပေါင်းရင်းမြစ်များ

2 Samuel 15:18

Ratikwé꞉kon ne raonkwetashón꞉ahs ne ronaterihóntons wahonwatohétsten; tánon ratikwé꞉kon ne ronhwahiataʼnonhná꞉kwe, tánon ratikwé꞉kon ne iáh-iak tehonhnenhniá꞉we nihátikwe Gitró꞉nons ne ronhnónha tonhwásheron ne Gath nón꞉we, wahontóhetste raohénton ne ronnontí꞉io.

2 Samuel 15:20

Ní꞉se ónkwak khók theténhre í꞉soh, tánon kwáh kén ní꞉ih akonrí꞉hon ne skát꞉ne tahitewahtá꞉wehre nonkwáhtiakes, akwé iáh tewakateriéntare kanón꞉we niahonkenonhá꞉tie. Wáhs sashá꞉ket, ionsasheiaténhaf ne shonkwetaʼshón꞉ahs; tánon aiáwens ne Roiá꞉ner aréhneste ioriwató꞉ken kanoronhkwáhtsera ó꞉ni kariwatokentítsera ne shonháke.”

Job Tánon ne Raoronhiakensera 5:12

Teshakoʼnikonriakthénhnis tsi nihonteʼnikonrón꞉nis ne ratiʼnikonrá꞉tha, ne káti ne ratitsá꞉nakes ne tó꞉sa othé꞉non akarihwakanón꞉ni.

Psalms 34:5

Né ionhtatwisátha thonwetakwénhak tánon iakotsenhnonhníhak; iáh kíʼ nonwénhton thatahonwananikonhrhiáthen.

1 Samuel 22:2

Onhkweʼtakwé꞉kon ne teiakonikónrahre, ó꞉ni ne iakotkarótons, tánon onhkwetahkwékon ne iáh konnáksen wahonnitsokwahróhroʼke rahiatákʼta; tánon raónha washakohéntenhse. Tsi niʼiá꞉kon ne wahatikwé꞉khahne kák꞉non ne kaiè꞉ri tewenhniá꞉we ní꞉hati.

1 Samuel 25:13

Ne Táwit wasakawénhase ne raonkweʼtashón꞉ʼahs, “Kwáh tsi nihá꞉ti ne ronnón꞉kwe rontsiatának ne raonasarehkó꞉wa!” Tánon kwáh kiʼ tsi niaʼteionkwétake tsi neh wahontsatanákʼkon ne raonasarehkó꞉wa; Táwit ó꞉ni ne wahatsatáhnake ne raosarehkówa; tánon kák nón꞉ne kaié꞉ri tehonhnénhniawe wahón꞉ne ne Táwit, ók tekeni tehonhnénhniawe niháti wahonathátere nahontenhnikonráhren ne raotiriéna.