1 Samuel 22:7 - Ohiatonhseratokénti

⁷ Ne Saul washakawénhase ne raonhatseraʼshón꞉ʼahs ne thóh ronhnéton rahiatákʼta, “Sewatahón꞉satat káti ó꞉nenh, í꞉se ne Benjaminró꞉nons nisewahiaʼtótens; kwáh kén ne roién꞉ha ne Jesse entetsítions ne tsi sewahiatátʼtsions ne kahéntas ó꞉ni ne kanenharahientʼthóserons, kwáh kén rahón꞉a ne entsitiónhni sewakwé꞉kon aiatsiʼiasaríhne ne wé꞉so wenhniawehetserásens ó꞉ni ne tewenhniawehé꞉kons nihá꞉ti ronterí꞉ios?

1 Samuel 22:7 ပူးပေါင်းရင်းမြစ်များ

2 Samuel 18:1

Ehʼthóhʼne ne Táwit wasakoiataróhroke ne ronnónkwe tsi nikaienratikwekonhá꞉tieskwe, tánon washakoiatarakwenháton ne ronteriʼioserakweʼní꞉ios ahónʼteriónten washakotiʼtsiokonhniánion tewenhniawehetseráhsen tánon ne ronteriʼioserakweʼní꞉ios ne tewenhniaweʼhét꞉kons niháti asakotihéntense.

2 Samuel 20:1

Nón꞉wa ne ne iáh othènon teharihwástha Sheba ronwáiats neh roʼiénha ne Bichri, ne ne Benjaminró꞉non, tahiotokéntane thóh nón꞉we níreskwe. Wahatá꞉tiste iehonrawátsta tánon wathohénrete, “Iáh othènen thateionkwateriwaʼshón꞉tere ne Táwit, iáh othènen ne sataʼionkwawenhkónwe ne Jesse roʼiénha! Sewakwé꞉kon tsitisewatohseróhton nionshá꞉sewe, Ó Israerʼró꞉nons!”

1 Kings 12:16

Nó꞉nen nonhkweshón꞉as sahónt꞉thoke né ronhnontí꞉io tsi iáh seh thaʼsakotahónsathaʼte, wathotihénrethe, “Thorèsek ne Táwit ó꞉ni ne rahowátsire! Kát꞉ke onhtèken ne tkhènhne nahionhkhihiatséraʼse? Né tsiónhkwe Nisraerʼró꞉nonke, Áhnion tsi tewathénhti! Iawerohátien ne Rehoboam rahónha rathatsiatakéna!” Káti nonhkweshón꞉as Nisraerʼró꞉nonke tahotinákwen,

1 Chronicles 12:16

Iahonterátste shotiʼtsiókwah ne ronhnónhkwe ne tsi ratiʼtsiókwahien ne Benjamin tánon ne Judah iahón꞉ne tsi tewatenhenró꞉te tsi nón꞉we tenhterónthakwe ne Táwit.

Isaiah 11:1

Né thenkarénharon kwáh thóh nón꞉we nènhtewe tsi thóh iotsinahá꞉rote ne Jesse, tánon nonàhte kwáh thóh entewatehiáron nahoterá꞉ke.

Isaiah 11:10

Nétho enwenhniseráteʼke ne raoterá ne Jesse kwáh enkátake tsi ní꞉ióth noniatará꞉ha ne nahiontkátho nonkweshón꞉has; niaʼkahontsakeró꞉nons kwáh enhonwahiatísake, tánon tsi nón꞉we nihotorí꞉sen kwáh enhioiatanerakwáts꞉tonʼke.

1 Samuel 18:14

Ne Táwit kwáh roterihwathentiénhniskwe akwé꞉kon tsi nenhaterihwathéntsiá꞉te; asèken nikwekonháties ne Roiá꞉ner.

1 Samuel 20:27

Ók kí ne tewenhniserakéhaton, nó꞉ia wenhniserátekwe ne shiʼtsiorakwaséhon, Ne Táwit raonitskwáhra anitskwaraserókskon í꞉ken. Tánon Ne Saul wahawénhase ne roién꞉ha Jonathan, “Ónh niʼiohtiéren ne Jesse roiénha tsi iáh tethotetkwahráron, ne ne thetènhreh khéhs nón꞉wa wenhniseráte?”

1 Samuel 20:30

Eʼthóhʼne ne Saul raonhakwáhtshera tahió꞉teke tsi nó꞉kwah ne Jonathan. Wahawénhase, “Í꞉se saién꞉ʼa ne kanikonrák꞉sen, kariwanón꞉we iónkwe! Iáh tewakateriéntare nètho ní꞉se tsi né sathaterakwénhni ne Jesse roʼiénha nasathatéhate, tánon thóh ahtehenserákon ne sanisténha tsi akoneóskon thí꞉ken?

1 Samuel 22:13

Ne Saul wahawénhaʼse, “Nontiéren ní꞉se tsi takaterístaiens naskatkónten, í꞉se tánon ne Jesse roʼiénha, ne tsi táhtsion ne kanátahro ó꞉ni nasarehkó꞉wa, tánon tsi watserihwaién꞉hase ne Ní꞉io raorihwáke, káti nètho tsi wahakatkónhten, tsi wahtatrakwénhtaroh tsi wahaterárate, tsi kiʼ nón꞉wa nahá꞉iere nón꞉wah wenhniseráte?”

1 Samuel 22:9

Doeg ne ne Edomró꞉non, raónha tesakoniarotahrónhne ne Saul raonhatserashón꞉ahs, tsi watharihwaseráko, “Rí꞉ken ne roʼiénha Jesse tsi nontahawenonhátiene ne Nob nón꞉we, thóh niahawenonhátie tsi thénhteron ne Ahimelech ne ne roní꞉ha ne Ahitub;

1 Samuel 25:10

Ók ne Nabal watesakoriwaserákwahse ne Táwit raonkweʼtashón꞉ʼahs, “Ónhka nènhne ne Táwit? Ónhka ne ne roién꞉ha ne Jesse? Kwáh í꞉ken tsi ronatiokowánen ne ratinhá꞉tsheras nón꞉wa wenhniseraténion ró꞉nonha ne sakonatsá꞉tonhtakwenhnis ne rowatiiá꞉takwení꞉ios.