1 Samuel 22:16 - Ohiatonhseratokénti

¹⁶ Ne ronnontí꞉io wahén꞉ron, “Ní꞉se kwáh oriwiʼiohónwe tsi ensí꞉heʼie, Ahimelech, í꞉se tánon ratikwé꞉kon ne ianí꞉ha raonónskon ratíteron.”

1 Samuel 22:16 ပူးပေါင်းရင်းမြစ်များ

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

1 Kings 19:2

Nahónha iahoterihwaniéthase ne Elijah: “Aiáwens ne ratiní꞉ios ahiónhtienʼte nakíheʼie thóh nakaháwike nenhiórenhne tsi nónhwa nihiowistáhe né iáh thóh thaʼkonhierásere tsi né niseiérase ne rothithokenhséhakwe.”

Esther 3:6

tsi ó꞉nen wahotó꞉kenhse ne Haman tsi Sitaeró꞉non ne Mordecai, wahateʼnikonhrí꞉sa tsi nenhohré꞉wahte ne ó꞉ni waharihwísa akwé꞉kon enshakóhtonʼte tsi nihá꞉ti Sitaeró꞉non ratinákere tsi nón꞉we nikanakerahserá꞉ien ne Persia.

Proverbs 28:15

Nón꞉kwe ne rotí꞉ten iáh tehotí꞉ien nahontatiaʼtakéhnha tókaʼ ne raianerenhserón꞉nis iáh tetionkweʼtaié꞉ri; ne shatehonatiaʼtátteron ne kèn꞉reʼks iotonriá꞉ien tókaʼ ó꞉ni ne ohkwá꞉ri tewahkwataséhonhs.

Daniel 2:12

Eʼthó꞉ne káti, ne ronnontí꞉io waʼthateriahtíkhon ó꞉ni wahaténnhaʼne ne ahonwanaʼwéntho ratikwé꞉kon ne kanontiioʼtsherà꞉kon ronaterihónton ne shakonateʼnikonhrà꞉wis ne Babylonró꞉nons.

Daniel 2:5

Ne ronnontí꞉io washakawénhase, “Wakateʼnikonhríson ónenʼk tsi í꞉se enhskwahró꞉ri ne akatetshénhsera tánon ó꞉ni enskwahró꞉ri tsi nahò꞉ten kéntonhs. Tóka iáh thaeʼsewakwé꞉ni, enkaténnhaʼne enietshiiaʼtaratsón꞉ko kwáh tsi niió꞉re tisewahstièntare tánon ó꞉ni enkenʼtonió꞉take tsi ní꞉ioht tsi tenkahríhton ne tsi sewanonhsó꞉ton.

Matthew 2:16

Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

Acts 12:19

Herod wahathénʼnane nahonwahiatísake, nók iáh kíʼ tehonwahiatatʼtsénrion. Sók kíʼ wahathénnane nahonwatiriwanonthonniónhase ne ratinónne tánon wahathénnaʼne nahonwanhawénkʼtho. Shonthóhetste, Herod Judea niaháre tánon ó꞉ni ken nikaríwes Caesarea iéreskwe.

Deuteronomy 24:16

“Ne iakowiraiéntons iáh tahonwatinonwarià꞉kon ne ronhwatihioʼhokónhas tsi nahonatié꞉renhke tsi nokwáh ne sewateriwatewáton, tánon ó꞉ni ne ratikshaokónhas iáh nónhne tahonwatinonhwarià꞉kon tsi nahonatié꞉renhke ne rotiksténha; nonhkweshón꞉a iaʼtehatíhiati kók enhonwatinonhwarià꞉kon tsi nahonatié꞉renhke ne sewateriwatewá꞉ton.

1 Samuel 14:44

Ne Saul wahén꞉ron, “Ne Ní꞉io kwáh thóh nihatiéras tánon kwáh í꞉sinonh; ní꞉se kwáh kiʼ oriwiʼiohónwe tsi ensíheʼie!”

1 Samuel 20:31

Asèken kwáh tsi nikaríwes ne Jesse roʼiénha enrón꞉nheke ne tsi iohontsá꞉te, ó꞉ni ní꞉se khéhs ne sanakerásera tsi iáh takaweiennenhtáʼon. Ó꞉nenh kiʼ iasehiaténiet nahonwenhnónksa tánon tonwahiathénhaf akʼkénton, asèken oriwiʼiohónhwe tsi enrénheʼie.”

1 Samuel 22:15

Ón꞉wa kénk wenhniseráte nètho ahirihwanontón꞉se ne Ní꞉io ne raónha raoriwáke? Kwáh iáh othènon! Tó꞉sa tserí꞉hon ne ronnontí꞉io ne thènen ahontahakerá꞉se khéhs ne ónkak ne ratiʼiátahre ne rakeʼníha raonónskon; asèken nii iáh othènen tewakaterientárakwe norihwaʼkwékon kí꞉kens, ne naiawetowahnénhke khéhs kénk nahkonhá꞉ke.”

1 Samuel 22:17

Ne ronnontí꞉io wahawénhaʼse ne roiatanónhne ne raiatákʼta í꞉reskwe, “Tesatkarahténi tánon sehnonwahriakhónhnion ne raotsihénstatsis ne Roiá꞉ner, tsioríhwa tsi Táwit nòkwahti thotirihwaʼrákwen; ronateriéntahraʼkwe nètho tsi rotékwen, tánon iáh tehiontʼróri.” Ók ne ratinhá꞉tseras iáh teonanenhtsakétskwen niahonwahnatsaʼtónhti ne raotsihénstatsis ne Roiá꞉ner.