1 Samuel 22:15 - Ohiatonhseratokénti

¹⁵ Ón꞉wa kénk wenhniseráte nètho ahirihwanontón꞉se ne Ní꞉io ne raónha raoriwáke? Kwáh iáh othènon! Tó꞉sa tserí꞉hon ne ronnontí꞉io ne thènen ahontahakerá꞉se khéhs ne ónkak ne ratiʼiátahre ne rakeʼníha raonónskon; asèken nii iáh othènen tewakaterientárakwe norihwaʼkwékon kí꞉kens, ne naiawetowahnénhke khéhs kénk nahkonhá꞉ke.”

1 Samuel 22:15 ပူးပေါင်းရင်းမြစ်များ

2 Samuel 15:11

Tekeniʼtehonhnenhniá꞉we nihá꞉ti Jerusalem nón꞉we tahonténti ne wahón꞉ne Absalom; ne ne kahonkaráwi, tsi niahón꞉ne kwáh raotinikonrótskonk thíken, iáh othènon tehathiriwaientéri tsi niʼioterihwatsiéren.

2 Samuel 19:18

tsi nikaríwes teotihiaiakonhátie, tsi tashakotihiáiakʼte ne ronnontí꞉io raowátsire, tánon thóh nahatí꞉iere tsi nitʼtaskáneks. Shimei ne roiénha ne Gera iahahiatiénenhne ohontsà꞉ke raohénton ne raohenrononhtí꞉io nó꞉nen shataʼahiaiake ne Jordan

2 Samuel 19:19

tánon wahawénhase ne ronnontí꞉io, “Aiá꞉wenhs natiá꞉ner tó꞉sa ahakenontánake khéhs nahonsarehiá꞉rane ne sanhá꞉tshera tsi nateoterientawenhré꞉on ne shiʼwenhniserátekwe natiá꞉ner ne ronnontí꞉io nahé꞉ren sárete Jerusalem; aiá꞉wenhs ne ronnontí꞉io ne tó꞉sa ne ahanontonniónseke.

2 Samuel 5:19

Ne Táwit wahoriwanóntonhse ne Roiá꞉ner, “Kwáh kén iá꞉ke niakeiaʼtiatónhti ne Philistines? Kwáh ní꞉se entesehiát꞉kaʼwe thóh katshanáke?” Ne Roiá꞉ner wahawénhase ne Táwit, “Wáhs thóh iahá꞉se; asèken kwáh oriwiʼiohónwe ienkheiát꞉kaʼwe ne Philistines thóh satshanáke.”

2 Samuel 5:23

Nó꞉nen ne Táwit sahoriwahnóntonhse ne Roiá꞉ner, wahén꞉ron, “Ní꞉se kwáh iáh thóh tsiá꞉se; wáhs sehiakwahtáse rahtísonne nontáse, tánon thóh nontáhse tsi ensehiatórenhne ákta nokwáhti tsi iorontótons ne iotshokó꞉tons.

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

1 Samuel 22:16

Ne ronnontí꞉io wahén꞉ron, “Ní꞉se kwáh oriwiʼiohónwe tsi ensí꞉heʼie, Ahimelech, í꞉se tánon ratikwé꞉kon ne ianí꞉ha raonónskon ratíteron.”

1 Samuel 25:36

Ne Abigail iahón꞉we tsi thohʼnón꞉shote ne Nabal; thóh kakennió꞉tahkwe ne tsi ronhnón꞉shote, tsi shí꞉ken ní꞉ioht ne ronnontí꞉io rotenhniote. Ne Nabal tsi nahawerientí꞉io, asèken kwáh í꞉ken tsi ronekátahkwe; káti kwáh iáh othènon tehoró꞉ri tsit iahó꞉renhne.