1 Samuel 22:12 - Ohiatonhseratokénti

¹² Saul wahén꞉ron, “Satahón꞉satat ó꞉nenh, ne iaién꞉ha Ahitub.” Ne raónha watahriwaserá꞉ko, “Kénʼen í꞉kes, Atiá꞉ner.”

1 Samuel 22:12 ပူးပေါင်းရင်းမြစ်များ

2 Samuel 1:7

Nó꞉nen rashón꞉ne shionsahatkátho, wahák꞉ken, tánon tahakenáton. Watiriwasehrákwahse, ‘Kén꞉en shénʼshion.’

2 Samuel 9:6

Ne Mephibosheth ne ne roní꞉ha ne Jonathan tánon ne ne roteréha ne Saul iahá꞉reh raohénton ne Táwit, tánon tsahakonshótane tsi wahathatsiaʼtsénenhte ne naréhneste kakweniensthéntsera. Ne Táwit wahénron, “Mephibosheth,” tánon ne raón꞉ha wathariwaseráko, “Thenkonriwásniese, shénshion.”

Isaiah 65:1

Waʼkathatewehʼienhnenhtáhonhne nahiontsatíshaʼke tsi nihákon né iáh teotirihwanón꞉ton, nahiontiaʼtatʼtsénhrion tsi nihiákon né iáh tehiontiaʼtisákkon. Wakíron, “Kénʼen í꞉kes, kénʼen í꞉kes,” né꞉ne ronnonhontsaʼkeró꞉nons né iáh tseotináton naksénhna.

1 Samuel 22:11

Ne ronnontí꞉io iahó꞉nonhke ne ratsihénstatsi Ahimelech ne ne roní꞉ha ne Ahitub tánon ratikwé꞉kon ne raoʼnónskon ne roní꞉ha, ne ratiʼtsihénstatsis ne thóh nón꞉we rónhneskwe ne Nob; tánon ratikwé꞉kon tahón꞉ne tsi ronónshoʼte ne ronnontí꞉io.

1 Samuel 22:13

Ne Saul wahawénhaʼse, “Nontiéren ní꞉se tsi takaterístaiens naskatkónten, í꞉se tánon ne Jesse roʼiénha, ne tsi táhtsion ne kanátahro ó꞉ni nasarehkó꞉wa, tánon tsi watserihwaién꞉hase ne Ní꞉io raorihwáke, káti nètho tsi wahakatkónhten, tsi wahtatrakwénhtaroh tsi wahaterárate, tsi kiʼ nón꞉wa nahá꞉iere nón꞉wah wenhniseráte?”

1 Samuel 22:7

Ne Saul washakawénhase ne raonhatseraʼshón꞉ʼahs ne thóh ronhnéton rahiatákʼta, “Sewatahón꞉satat káti ó꞉nenh, í꞉se ne Benjaminró꞉nons nisewahiaʼtótens; kwáh kén ne roién꞉ha ne Jesse entetsítions ne tsi sewahiatátʼtsions ne kahéntas ó꞉ni ne kanenharahientʼthóserons, kwáh kén rahón꞉a ne entsitiónhni sewakwé꞉kon aiatsiʼiasaríhne ne wé꞉so wenhniawehetserásens ó꞉ni ne tewenhniawehé꞉kons nihá꞉ti ronterí꞉ios?