1 Samuel 21:5 - Ohiatonhseratokénti

⁵ Ne Táwit watorihwaʼserákwahse ne ratsihénstahtsi, “Oriwiʼiohónwe ne konhnón꞉kwe tsi éhren ioné꞉ton ne iakwahiatákʼta tsi tió꞉konte thóh ní꞉ioht ne nó꞉nenh tenkatsʼtikafásera; ne tsi ronón꞉nhe ne kén nithotiʼiónhas kwáh iotokénti í꞉ken iekaní꞉hare ne thiʼkániont tsi tahonstiʼkafásera; ónh ní꞉ioht tsi sén꞉ha nón꞉wa wenhniseráte ne kwáh ratiʼiatáhkes tsi ahiotokentíke?”

1 Samuel 21:5 ပူးပေါင်းရင်းမြစ်များ

Exodus 19:14

Ethò꞉ne tahanonhtátsʼnenhthe ne Mahís tánon wasakoró꞉ri nonhkweshón꞉a nahionthaʼtewehienéntaʼne nahotiʼiatatokéntiʼne. Káti né nahónton nahatinó꞉hare ne rahonatʼtserónnias,

Exodus 19:15

káti wasakoró꞉ri ne Mahís, “Sewathaʼteweiennenhtahʼónhak né nó꞉ia ientsiórenhne tánon tó꞉sa kahiaʼtákta ne iónhkwe niaʼísewe.”

Exodus 25:30

Nʼatekhwára aohénton enkaiénthake nʼateriwasehrhonniátsera oneró꞉kwa, tánon natekhwaráʼne tiókonhte tsi thóh enkárahke ne kanatarotatokénti nakshéttats.

Leviticus 24:9

Ne kanátaro Aaron rahówenk íken tánon tsi nienhatwatsiríhne, tánon thóh nónhwe nenhatinátaraʼke tsi nónhwe ne kwáh tsotokénti íken, tsioríhwa kí꞉ken kwáh íken tsi iotokénti íken tsi nòkwah ne ká꞉khwa iewatʼkáwenk rahohénton ne Roiá꞉ner né꞉ne ratiʼtsihénstatsis rahotirihwáke.

Leviticus 8:26

Ethòne énska wahanataraʼtá꞉ko natherákon né꞉ne iáh watʼthenkwáhtha thaʼtekaiéston rahohénton ne Roiá꞉ner wahá꞉ien, skanátara né꞉ne teweienaiéston tsi kanatarónhni, tánon énska orawístha, tánon thóh é꞉neken taharónhnion ne iorèsenhs ó꞉ni nonàken ne skaweientethákwen oshína.

Acts 9:15

Ne Roiá꞉ner wahawénhase, “Wáhs, tsioríhwa riʼhiatarákwen nahatiótense, nahakʼsennówanaʼte tsi nòkwa ne iáh tehatiʼsitaeʼrónons ó꞉ni ne Rontinontiʼiósons tánon ó꞉ni nonkwesónhas thóh nónwe ne Israeronónke.

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

1 Tiér 3:17

Asèken sénha ne ioiánere naiontatenikonrakaréwate tsi ne iakoióte ne ioiánere, tóhkaʼ kíʼ neh akénhake tsi nitanónwes ne Rawenni꞉io, tsi ní꞉ioht ne kariwáksen ahiakohióteke.