1 Samuel 21:4 - Ohiatonhseratokénti

⁴ Ne ratsihénstatsi watorihwaserákwahse ne Táwit, “Iáh ní꞉i tewakenatahrá꞉ien ne thiʼkániont kanáhtaro akénhake nón꞉wa, nék khók ne ionahtaraʼtokénti—káh niónhki ne kenʼnithotiʼión꞉a iáh teotinhawiʼon tsi nòkwah ne konhnón꞉kwe.”

1 Samuel 21:4 ပူးပေါင်းရင်းမြစ်များ

Exodus 19:15

káti wasakoró꞉ri ne Mahís, “Sewathaʼteweiennenhtahʼónhak né nó꞉ia ientsiórenhne tánon tó꞉sa kahiaʼtákta ne iónhkwe niaʼísewe.”

Exodus 25:30

Nʼatekhwára aohénton enkaiénthake nʼateriwasehrhonniátsera oneró꞉kwa, tánon natekhwaráʼne tiókonhte tsi thóh enkárahke ne kanatarotatokénti nakshéttats.

Leviticus 15:18

Nó꞉nen ne rónhkwe tánon ne iónhkwe skát꞉ke rohnarátonhne ónenk tsi enshiátawenh, tánon kíʼ tenhothihiatationthónhake tsi nióre ienhiókaraʼwe.

Zechariah 7:3

tánon nahonwahthirihwanón꞉tonhse ne rohthikhá꞉res ó꞉ni ne rothitokénhse kí꞉ken karihwanonhthóntshera: “Tehiothonwenhtióhon ken ne iahiakwathashón꞉theren tsi ionkwahtsionniónkwen tsi nikanonhsahríhshion ne ionterenhnahienthákwa, ne tsi ionkwenthontiétha tiotkonhón꞉we ne wískhaton niwenhnitahkéhatie tsi nihionkwahiéren ó꞉nen wé꞉so iosehráhke nitsiawéhnon?”

1 Corinthians 7:5

Tóhsa tetiatatenonhiánits tsi nahtetiátere, nek khók tóhkaʼ kén né entʼkahénthe entiateriwahserónni kénk nikariwésʼsha ahshaʼtatenakthóhtaʼse nahsaterénnaien, nók ethò꞉ne ientsitiatasónteren tsi nihiorennáʼon tsi seniniákon. Né kí꞉ken enshanónstathe ne tóhsa tahianikonrahkénni ne Ranesonrónon tioríhwa tsi iáh tsatekaiéri tsi niʼtishatateniarótaron.

1 Samuel 21:3

Ó꞉nenh káti, nahoténhson sawinónhtie? Táskon wísk nikanatará꞉ke, khéhs tsi nahó꞉ten ne kén káien.”

1 Samuel 21:6

Káti ne ratsihénstatsi tahá꞉wenh ne ionatahratokénti; asèken iáh ó꞉ia tekanataraién꞉takwe nek khók tsi nikáien ronhwatáti ne Ní꞉io, ne ne kanahtarará꞉kwen thóh tsi iotekwahrahʼtsheraʼtokentíke tánon ne nonatarase skahere.