1 Samuel 20:32 - Ohiatonhseratokénti

³² Ethóhʼne ne Jonathan watoriwaserákwahse ne roní꞉ha Saul, “Nontiéren tsi kwáh ahonwanonwarhiákhon? Ónhnihotiéren?”

1 Samuel 20:32 ပူးပေါင်းရင်းမြစ်များ

Genesis 31:36

Eʼthó꞉ne ne Jacob iahóhtonʼse tsi nahonà꞉khwen, wahorihwáhrho ne Laban; ne Jacob wahawènhahse ne Laban, “Oh nahó꞉ten tsi aonsonkaterihwateʼwáhton? Nahó꞉ten nakerihwaneraʼáktshera, tsi nahsenekthèn꞉takte tsi nontahséksere?

Proverbs 22:24

Tóhsa sheiatenroʼserónnien nón꞉kwe ronteriiohseranón꞉we tánon ratinaʼkwahseró꞉hen.

Ecclesiastes 7:9

Tó꞉sa senahkwastó꞉rek, asèken ne kanahkwáhtshera watenaʼtónhnis ronhnenhskwenáhkon ne tonathónʼnokʼthe.

Ecclesiastes 9:3

“Tewahkwékon ne sháka tsi ní꞉ioht tsi hionkwaráhre-né꞉ne kenhéiat!” Tánon kwáh eh niwahétken tsi ní꞉ioht nóia nahoténsons ne kénʼen ionwenhtsáte. Tsi nikaríwes enhiakónhnheke nónhkwe, nakonikónhra titkáhere ne wahétken tánon kanahkwáhtshera, tánon thontahiawénhstsi wahahéheʼie.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Matthew 27:23

Akȣekon ok tontahotihenrete: Tehaientannharak, Tontahenron ne rakora: oh nekenh nahoten shoteriȣateȣaton? Ok ehken tahonkȣisron ronton tehaientannharak.

Luke 23:22

Nok tontahenron onen neh nasen-aton: oh ne kenh akȣa nahoten shoteriȣateȣaton? iah othenon tekestsenries nahonnhikon nahostonte arenheiate; neok kati nenhonȣasokȣaȣeshon nok hensiiatkaȣe.

John 7:51

Tekaiatoreta kenh nonkȣaianerensera ohenton nahoken ne ronkȣe nok oni naiotokense tsini hotieren?

1 Samuel 18:11

tánon ne Saul iahó꞉ti noshí꞉kwahra, asèken tsi wahanontónhnionwe, “Kwáh ne enhiʼhiatanénhtatʼte ne Táwit nasontáhke.” Ók ne Táwit tahaninhówaien tékeni iahónteratste.

1 Samuel 19:4

Nó꞉ia sahiórenhne Jonathan watononwehráton ne Táwit rahohén꞉ton ne roní꞉ha Saul, tánon wahawénhase, “Áhnion tó꞉sa ne ronnontí꞉io rahrihwánerak tsi nòkwah ne raonhá꞉tshera Táwit; tsioríhwa tsi iáh neh tehorihwáneren tsi nó꞉kwah ní꞉se, tánon neh aoríhwa ne raohioténhseras tsi niʼioiá꞉nereh tsi nihiahiótenhse ní꞉se;

1 Samuel 19:5

asèken thóh wahathatonhnáren ratsanáhke nó꞉nen shiaʼhotiatónhti ne Philistiaró꞉non, tánon ne Roiá꞉ner tahá꞉hawe kowánen atesenhniétshera nakwé꞉kon akorihwáke NʼIsraerʼronónke. Ní꞉se satʼkáton, tánon satonhnaráhon; onhnontiéren ká꞉ti tsi asherihwánerake tsi nòkwah ne iáh tehoníkon rón꞉kwe ne tsi atieʼnonhwarhiákon Táwit ne kwáh iáh othènon teiorihonhníhon?”

1 Samuel 20:1

Ne Táwit sahatèko ne Naioth ne ne Ramah nón꞉we. Iahárawe raohén꞉ton ne Jonathan tánon wahén꞉ron, “Ónh niwakatiéren? Ónh niwakeniʼtieró꞉ten? Tánon ónh ní꞉ioht nakeriwaneraháktshera tsi nòkwah ne ianí꞉ha nètho tsi rateniénta niahá꞉hawe tsi kónnhe?”

1 Samuel 20:7

Tó꞉ka enhén꞉ron, ‘Ioiá꞉nereh!’ kwáh kí꞉ken enkenónhweʼne; ók tó꞉ka ronakwénʼen, eʼthóhʼne kiʼ ensaterentará꞉ne nètho karihwahetkénhsera ne iateiorihwaién꞉tahse ne raorihwàke.

1 Samuel 22:14

Eʼthó꞉ne kiʼ ne Ahimelech watorihwaʼserákwahse ne ronnontí꞉io, “Ónh꞉ka ne ratiʼkwé꞉kon tsi nihá꞉ti shonkwétaien thóh nahorihwatokénhake tsi ní꞉ioht ne Táwit? Raónha ne ronnontí꞉io rawenónhsa í꞉ken, tánon iostó꞉reh tsi watatkarahténi ne ne ahaterihwaténtiaʼte taiaién꞉hase, tánon tsi nihonwakweniénsta ne sanónskon.