1 Samuel 20:3 - Ohiatonhseratokénti

³ Ók kiʼ ne Táwit kwáh ó꞉ni waharihwanírate, “Ne ianí꞉ha roteriéntare ioiá꞉nere tsi roterién꞉tare ní꞉se tsi takenón꞉wes; tánon tsi nihanontónhnions, ‘Tó꞉sa rotókens ne Jonathan kíʼ, khéhs kwáh í꞉ken tsi enonikonrahkaréhwate.’ Ók oriwiʼiohónwe, tsi nihioʼriwí꞉io ne Roiá꞉ner tsi nirón꞉nhe tánon ní꞉se tsi nishón꞉nhe, thóh nón꞉we ók tsokháhak khók natehiatiátere tánon ne kenhé꞉ion.”

1 Samuel 20:3 ပူးပေါင်းရင်းမြစ်များ

2 Samuel 15:21

Ók ne Ittai watoriwaserá꞉kwahse ne ronnontí꞉io, “Tsi nironnheónwe ne Roiá꞉ner, tánon tsi nirónhne natiá꞉ner ronnontí꞉io, tsi nón꞉we natiá꞉ner naréhseke, khés ne kenheiát꞉ne khéhs tsi nirónnhe, thó nón꞉we nenhkéhseke.”

2 Kings 2:2

tsi niʼonahá꞉hes ne Elijah wahawénhase ne Elisha, “Ónenh kíʼ kénʼhen shé꞉sek; né Roiá꞉ner rakró꞉ri Bethel nónhwe niá꞉ke.” Ók ne Elisha watharihwaseráko; “Wakerihwanírathe tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi iáh takonhiatewénhtheʼte.” Káti tenitsáron Bethel niá꞉haʼne.

2 Kings 2:4

Ethòne ne Elijah wahawénhase ne Elisha, “Ónen kíʼ kénʼen shiterónhtak; ne Roiá꞉ner rakeríhonte ne Jericho nónhwe niáke.” Ók kíʼ ne Elisha watarihwaseráko, “Kerihwanírats tsi niwakerihwató꞉ken rahonháke ne ronhnhehónhwe Roiá꞉ner tánon ní꞉se tsi kwáh iáh thakonhiatewénhtheʼte.” Káti tenitsáron Jericho niahá꞉ne.

2 Kings 2:6

Ethòne ne Elijah wahawénhase ne Elisha, “Ónenh kíʼ kénʼen shiterónhtak; né Roiá꞉ner rakeríhonte ne Jordan kaniataratátse nón꞉we niá꞉ke.” Ók né Elisha wataʼrihwaserá꞉ko, “Kerihwanírats tsi niwakerihwató꞉ken rahonháke ne ronnhehónwe Roiá꞉ner tánon ní꞉se tsi kwáh iáh thaʼkonhiatewénhtheʼte.” Káti thóh nónh꞉we niahá꞉ne,

Psalms 116:3

Tsi niʼioterístaien ne kenhéion ne tewaʼkakwahtaséhton; tsi natewakawehesthánions ne Sheol ne onhtiéna; waʼkenikonhraronhiáken tánon onhkenikonranónwatʼte.

Jeremiah 38:16

Sók kíʼ ne Ronnonhtí꞉io Zedekiah otsionʼhónskwahkon tsi wahakaráhratsʼthe, “Wahkerihwahníraʼthe raohénton ne ronhnhehónwe Ní꞉io, ne Ní꞉io tsi nikáien teshonkwáhwi natónhnhets, tsi iáh thakonhnonhwahrhiákon iáh ó꞉ni tsiakonhiatsakwahrísi tsi nikáien ne írehre ahianonhwahrhiákon.”

Jeremiah 4:2

tánon tó꞉ka ensehwarihwaníraʼte natsénnakon; ó꞉ni thisehwethákwen, tionkwetaiéris, ó꞉ni sehwahiánere, eʼthóhne káti akahonwenhtsiakwékon enhionkerihwahnónhtonseh nakhehiathatérisʼthe.”

Deuteronomy 28:66

Ne tsi sónhne tiotkonhónwe enhioʼtheronhthónheke. Nenhtsékene ó꞉ni noʼkarasnéha ne enshatanáhnonke nahishaterónhseke, tánon tió꞉konte ne entiokonhthákwen naseʼtianíhseke ne kenhé꞉ion.

Deuteronomy 6:13

Skweniénstak ne Roiá꞉ner saNí꞉io, raonhà꞉a kók hentsewenniióstake, tánon sharahratstánion ne raonhà꞉a kók raoshén꞉nakon.

Hebrews 6:16

Nónen entewahrihwahnírahte, né kasénna entewásthe né꞉ne ónhkak sénha tiakhót꞉te tsi ní꞉ioht nontionháʼa, tánon né kahrihwahnirát꞉tshera akwékon ne niekarihwahserón꞉nis naterihotarókʼtshera.

1 Samuel 1:26

Tánon wakén꞉ron ne Hannah, “Ó, Atiá꞉ner, tsi nishón꞉nhe, Atiá꞉ner, Í꞉i ne kón꞉kwe ne kén꞉en ít꞉tawe sahén꞉ton, wakaterenhnaién꞉taʼkwe rahonháke ne Roiá꞉ner.

1 Samuel 17:55

Nó꞉nen ne Saul sahó꞉ken ne Táwit iahahiákenhne niahotiatónhti ne Philistiaró꞉non, ne raón꞉ʼa wahawénhase ne Abner, ne ne rateriʼioserakweʼní꞉io ne raotsió꞉kwah ronterí꞉ios, “Ne Abner ónhka ronhwahʼién꞉a kí꞉ken kén nithoiónha?” Ne Abner wahén꞉ron, “Ne satónnhets tsi nihión꞉nhe, Ó Sanontí꞉io, Iáh tewakateriéntare.”

1 Samuel 20:2

Ne raónha wahawénhase nenenhʼné꞉eh, “Ahí꞉non ít꞉ken! Ní꞉se kwáh iáh thasíheie. Ne rakení꞉ha iáh othènon tahá꞉iere neh nahiorihowanénhke khéhs nahioriwáskha neh iáh í꞉i ohén꞉ton tehatróriaʼne; tánon ónhʼnontiéren ne rakení꞉ha naharihwáshete kí꞉ken? Iáh nonwénhton thóh tahá꞉iere!”

1 Samuel 20:4

Eʼthóhʼne ne Jonathan wahawénhase ne Táwit, “Kwáh tsi nahó꞉ten ensí꞉ron, kwáh thóh nénhtiere ne sarihwá꞉ke.”

1 Samuel 25:26

Nón꞉was eʼthóhʼne, atiá꞉ner, tsi kiʼ nirón꞉nhe ne Roiá꞉ner, ó꞉ni ní꞉se tsi nishón꞉nhe, tsiksén꞉hak ne Roiá꞉ner wahiá꞉nese ní꞉se ne tó꞉sa ahisánike tsi ashenekwátʼte tánon tsi ahonsatskárhiake ne kwáh ní꞉se shatshanáke, ó꞉nenh kiʼ sheríhon ne iesáshons ó꞉ni tsi nihiá꞉kon ne ne ronhnésaks ne karihwahét꞉ken tsi nahonwatiérase natiá꞉ner kwáh tsi ní꞉ioht ne Nabal.

1 Samuel 27:1

Ne Táwit thá꞉hataneʼnontónhnionhse, “Ní꞉i kwáh ó꞉nen enkatiatháton kát꞉kek entewenhniseráteke thóh ratshanáke ne Saul; iáh kiʼ sén꞉ha teioiá꞉nere nakerihwá꞉ke ne thóh iakatekwásen tsi thóh nonhóntsaien ne Philistines; ehʼthóhʼne kiʼ ne Saul watanikonrón꞉ko tsi ratiatísaks thóh nón꞉we ne tsi karisthatáhtie NʼIsraerʼronónke, tánon thóh enshiʼniákenhse ne ratshanáke.”