1 Samuel 20:16 - Ohiatonhseratokénti

¹⁶ Kíʼne Jonathan warónhni nateriwaseronniátshera skátne tsi ronón꞉shote ne Táwit, tsi nikawenhnó꞉tens, “Aiá꞉wenhs ne Roiá꞉ner iahsakó꞉nonke ne Táwit ronwásons nahatinikonraién꞉thate.”

1 Samuel 20:16 ပူးပေါင်းရင်းမြစ်များ

Genesis 15:18

Né eʼthó tewenhniserá꞉tehkwe ne Roiá꞉ner wahaianerenhserón꞉ni skát꞉ne ne Abram, rá꞉ton tsi “Nienhsathwatsí꞉rine takhé꞉ion kí꞉ken ohóntsa, thóh entewatáhsawen tsitkaniataratátie ne Egypt ièn꞉wawe ne kaniataraʼkehkowanén꞉ke, ne ne tsi kaniataratátie Euphrates,

2 Samuel 21:8

Ne ronnontí꞉io iasakohiaténhawe ne teninekenterontseráke nakoiohokón꞉ahs Rizpah ne sakoiénha ne Aiah, ahón꞉a roʼtiwiraientáhon ne Saul, ne Armoni tánon Mephibosheth; tánon ne wísk nihá꞉ti raonekenteronhtserashón꞉ahs ne Merab ne ne sakoién꞉a ne Saul, ahónha roʼtiwiraien꞉táhon ne Adriel ne roiénha ne Barzillai ne ne Meholathró꞉non.

Jeremiah 40:9

Ne Gedaliah wahsahkawénhase, “Wahkeriwahniráhton ne sonháke tsi iáh thaʼtehiothonwenhtióha nahishateronnhísehke nia shaʼtsakwahríshi rononháke ne Babyloniaró꞉nons. Sahtenaktónni ne kénʼen ionhwenhtsiáien, tshiótenhs ne ronnonhtí꞉io ne Babyloniaró꞉non, tánon akwékon tienshahianerásten.

Deuteronomy 23:21

“Nó꞉nen ne thé꞉nen entiarahrátsten ne Roiá꞉ner saNí꞉io, tó꞉sa í꞉se iahásrek tsi nishatiérha tsi nahó꞉ten sharahrátston; ne Roiá꞉ner ró꞉rahre thóh náshiere tsi ki nisarahrátston, tánon ki kariwanerahaktserá꞉ien ne iáh tiaskónhtaʼkwe ne tsi nisarahrátston.

Joshua 22:23

Tó꞉ka iáh thasakwahwénhnarahkwe ne Roiá꞉ner tánon enhiakwahthathónhnien ne ietsienharáhkwa né꞉tho ahiakihiaʼteskónhtkhake tó꞉ka ó꞉ni ne ahiákwatsthe ne onátsa tsi tahiakwahtenonhwerá꞉ton tó꞉ka ó꞉ni ne skarì꞉wa akénhake tsi tahiakwahtenonhwerá꞉ton, ki iatehahiáti ne Roiá꞉ner sonhkwahréwat.

1 Samuel 18:3

Eʼthóhʼne ne Jonathan wahiatsaʼnerenhserónhni ne Táwit, tsioríhwa tsi nihonorónhkwah kwáh tsi ní꞉ioht tsi rónnhe ne raónha.

1 Samuel 20:42

Eʼthóhʼne ne Jonathan wahawénhase ne Táwit, “Wáhs skénnonk tionshá꞉se, tsítsénhak tethenitsáron ionkeniriwahniráton thóh raosén꞉nakon ne Roiá꞉ner, tiaʼtónhnions, ‘Ne Roiá꞉ner thóh enréh꞉seke tsi natetiá꞉tere, tánon tsi natenhón꞉tere tsi wakkwahtsiratátie tánon ní꞉se tsi waswahtsiratátie, ne ne tsi nénhwe enkén꞉hake.’” Tonsahátahne tánon éh꞉ren sárehte; tánon ne Jonathan kanatowanénhke nionshá꞉re.

1 Samuel 22:8

Neh káti kén aorí꞉wa sewakwé꞉kon wesewateristakéron naskwatʼkónten? Kwáh iáh ón꞉ka tehionkró꞉ris nó꞉nen ne riʼién꞉a entíaʼténroʼwe skát꞉ne ne roʼiénha Jesse, iáh ónka tsi nítsion nahiʼsewathateriwastaníheʼke nakerihwáke khéhs nahionkanontónhnionwe nètho riʼién꞉a tsi washaʼkotsirónhnien nakehatseraʼókons nahionkatkónten, nahontsatahkéron ahonteráhraʼte, tsi kiʼ nón꞉wa nihoierenhátie nón꞉wa wenhniseráte.”

1 Samuel 23:18

Eʼthóhʼne kiʼ tenitsá꞉ron wahiatsanerenhserísa raosén꞉nakon ne Roiá꞉ner; Ne Táwit thóh nenhné꞉ʼeh rahná꞉kerehkwe ne Horesh nón꞉we, ók ne Jonathan sahaténhti nenhʼnéʼeh.

1 Samuel 25:22

Ne Ní꞉io thóh nisakoiéras ne Táwit ronwásons tánon kwáh ó꞉ni í꞉sinonh tsi nahiáwenhne, tó꞉kaʼ tsi ieniórenhne iahón꞉kenhʼre thóh nahonahtsió꞉kwasʼke tsi ní꞉ioht ne tionkwé꞉ta ne ratikwé꞉kon ne rotiskenrakéte ne raónha raonkwetashón꞉ahs.”

1 Samuel 25:26

Nón꞉was eʼthóhʼne, atiá꞉ner, tsi kiʼ nirón꞉nhe ne Roiá꞉ner, ó꞉ni ní꞉se tsi nishón꞉nhe, tsiksén꞉hak ne Roiá꞉ner wahiá꞉nese ní꞉se ne tó꞉sa ahisánike tsi ashenekwátʼte tánon tsi ahonsatskárhiake ne kwáh ní꞉se shatshanáke, ó꞉nenh kiʼ sheríhon ne iesáshons ó꞉ni tsi nihiá꞉kon ne ne ronhnésaks ne karihwahét꞉ken tsi nahonwatiérase natiá꞉ner kwáh tsi ní꞉ioht ne Nabal.

1 Samuel 31:2

Ne Philistines iahonwannónterane ne Saul tánon ne raonekenterontseraʼshón꞉ʼahs; tánon ne Philistines wahonwanonwarhiákhon ne Jonathan ó꞉ni ne Abinadab ó꞉ni ne Malchishua, ne raonekenterontseraʼshón꞉á ne Saul.