1 Samuel 20:1 - Ohiatonhseratokénti

¹ Ne Táwit sahatèko ne Naioth ne ne Ramah nón꞉we. Iahárawe raohén꞉ton ne Jonathan tánon wahén꞉ron, “Ónh niwakatiéren? Ónh niwakeniʼtieró꞉ten? Tánon ónh ní꞉ioht nakeriwaneraháktshera tsi nòkwah ne ianí꞉ha nètho tsi rateniénta niahá꞉hawe tsi kónnhe?”

1 Samuel 20:1 ပူးပေါင်းရင်းမြစ်များ

Psalms 54:3

Ne rontatkowánen tahonenonhátsie nahontahionkatsiatónhti, ne ratiniakátstes hiontiatísaks nahionkenonwariákon; né꞉ne ronhnón꞉kwe ne kwáh iáh othènen tehonwehiáre ne Rawenni꞉io. Selah

2 Corinthians 1:12

Enwá꞉ton ne aiakwatená꞉ieste tsi niwé꞉ne ne onkwerienʼtiióhtshera. Tiotkonhón꞉we iotkwénies ó꞉ni tkarihwaié꞉ri tsi ní꞉ioht tsi ionkwatenhniseraténion, kwáh sénha nó꞉nen í꞉se skátne tewakwekonhatiéskwe. Ó꞉ni ne ionkwaiaʼtanonhnhatiéskwe ne iorihwanéhrakwa Rawenni꞉io raonoronhkhwáhtshera, iáh ki tho té꞉ioht tsi ní꞉ioht ne kén ionhontsá꞉te aorihonnienníhtshera.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

1 Sawátis 3:21

Éhʼtho káti, tewatenroʼshónʼa, tóhkaʼ nonkwanonthonnióntshera iáh tahionkwariwénten, hionkwanikonraníron kíʼ rahohénton ne Rawenni꞉io.

1 Samuel 12:3

Kénʼen í꞉kes; serihwanírat naskatʼkónten raoʼhén꞉ton ne Roiá꞉ner tánon raoʼhén꞉ton ne roʼiatarákwen. Ónhka raoʼtshé꞉nen ne teonákares tionhnhónskwaron iehiʼiaténha? Khéhs ónka raoʼtshénen tehahóntes iehiʼiaténha? Khéhs ónhka ahinikonraténhni? Ónhka ahironhiakénton? Khéhs ónhka ratsanáke nón꞉we nahontónkʼkha tsi tahionkhetsiketároʼse ne ne tsiaʼtahonkateronwékon? Seriwaní꞉rat naskatʼkónten tánon kwáh kiʼténtʼtion tsi nahó꞉ten ne iahónkʼkhake.”

1 Samuel 19:1

Ne Saul wahotháhrase ne roién꞉ha Jonathan tánon ratikwé꞉kon ne raonhatsherashón꞉ʼahs ne aorihwá꞉ke nahonwanonwarhiákhon ne Táwit. Ók kiʼ ne Saul roién꞉ha Jonathan kwáh néh í꞉ken tsi ronón꞉weskwe ne Táwit.

1 Samuel 19:18

Nón꞉wa ne Táwit rotèkwen tánon roniakénʼen; iatʼiatátken ne Samuel ne Ramah nón꞉we, tánon akwé꞉kon wahorihóktase nètho Saul tsi nihoiérahse. Ne raón꞉ʼa tánon ne Samuel iahá꞉ne tánon thóh nón꞉we iahiatenáhtaien Naioth.

1 Samuel 20:2

Ne raónha wahawénhase nenenhʼné꞉eh, “Ahí꞉non ít꞉ken! Ní꞉se kwáh iáh thasíheie. Ne rakení꞉ha iáh othènon tahá꞉iere neh nahiorihowanénhke khéhs nahioriwáskha neh iáh í꞉i ohén꞉ton tehatróriaʼne; tánon ónhʼnontiéren ne rakení꞉ha naharihwáshete kí꞉ken? Iáh nonwénhton thóh tahá꞉iere!”

1 Samuel 20:32

Ethóhʼne ne Jonathan watoriwaserákwahse ne roní꞉ha Saul, “Nontiéren tsi kwáh ahonwanonwarhiákhon? Ónhnihotiéren?”

1 Samuel 24:11

Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.

1 Samuel 24:12

Aiá꞉wens ne Roiá꞉ner tahahiató꞉rehte ón꞉ka ne tethenihiáse tetiaterientawénhris! Aiá꞉wenhs í꞉se ahiaré꞉wate asèken tsi nisehweiennóten tsi takát꞉konte, asèken ní꞉i kwáh kiʼ iáh thakonkaré꞉wate ne knahótenk ahontakarihónhni.

1 Samuel 24:17

Wahawénhase ne Táwit, “Í꞉se sénha saiá꞉neren tsi ní꞉ioht ní꞉i; asèken ní꞉se ne shasetkarhiátʼten ne ioiá꞉nere, ók ní꞉i ne konkarhiatʼténhni ne karihwahétken.

1 Samuel 24:9

Ne Táwit wahawenhá꞉se ne Saul, “Onhnontiéren tsi satahón꞉satats ne raotiwenhnashón꞉has ne tsi nihá꞉ti ne rón꞉ton, ‘Ne Táwit iahiatísaks nahiakaréwate’?

1 Samuel 26:18

Tánon kiʼ iahá꞉ieste, “Ónh nontiéren natiá꞉ner tsi roséhres ne raonhá꞉tsera? Asèken onniwakatiéren? Nahó꞉ten wakeníkon ne kaʼtshanáke?