1 Samuel 2:8 - Ohiatonhseratokénti

⁸ Teshesakotástha ne iakó꞉ten thóh okenrá꞉ke; saʼkoiatakarátats ne tsiaʼkotokʼtáni thóh tsi iokenratstòkoto ne wakenrontákwen, ensakahónhnien skát꞉ne róntsien ne niothinontiʼiotserása tánon ne enhatiʼiéna ne anitskwára ne tekarénhsaron. Asèken ne tsi kanawahatótons ne tsi ionwenhtsá꞉te ne raówenk ne Roiá꞉ner, tánon ononháke renskwáhere ne tsi ionwenhtsá꞉te.

1 Samuel 2:8 ပူးပေါင်းရင်းမြစ်များ

Genesis 41:14

Eʼthó꞉ne ne Pharaoh iahshakotó꞉ri ne raonkweʼtaʼshón꞉a nahonwehnónksa ne Só꞉se, tánon waʼthotisteríhen tsi tahonwaiaʼtínekenhwe ne tsi iontatehnhotónhkwa. Nó꞉nen shahatkonhstón꞉riaʼke ó꞉ni tonsahatá꞉ton ne raotsherónnia, raohén꞉ton ne Pharaoh niahá꞉re.

Genesis 41:40

Í꞉se enkonrihón꞉ten ne tsi wakenónhsohte, tánon kwáh ratikwé꞉kon nakonkweʼtaʼshón꞉ʼahs tsi eniesawèn꞉narahkwe tsi nenhshéhnhaʼne; nek khók ne tsi wakenontiiotsheráhere í꞉i nenʼ neʼ sénha entewakátteke tsi ní꞉ioht níse.”

2 Samuel 7:8

Nón꞉wa ne káti tsi nahó꞉ten entsró꞉ri nakenhá꞉tshera Táwit: Ratón꞉ne Sakoroniakerónons: Í꞉i iekonnónkon ne tsikonwatiterontákwah ne watenhenrowanénhke, tsi shenikonrahrátsieskwe teiotinakarontónha ne naseiatenontí꞉ioste nakonkwetashón꞉ahs Israerʼró꞉nons;

1 Kings 16:2

“Ní꞉se iáh tesonhkwetowánenhne, ók kíʼ í꞉se wakonhiónhni nasehénhthenhse nakonhkwetashón꞉as Nisraerʼró꞉nonke. Tánon kíʼ ónenh waserihwánerake tsi kíʼ niʼiohtʼthónhne ne Jeroboam tánon iasehiasárihne nakonkwetaʼshón꞉as karihwanerahatʼtseráke. Né rahotirihwanerahát꞉tseras wahonhwénhrahte nakenakwáhtshera,

2 Kings 9:6

Ethòne kí꞉ken teniʼiáse kanóns꞉kon niahá꞉ne, tánon né kentithoiónha rotó꞉kense taʼreienáweron ne iakeniewátha ne Jehu ranontsíne tánon wahawénhase, “Né Roiá꞉ner, ne Shakó꞉ní꞉io Nisraeʼró꞉nonke, rá꞉ton: ‘Wakonʼienáro naʼsheiatenonʼtí꞉ioste nakonkwetaʼsónhas Nisraeʼró꞉nonke.

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Job Tánon ne Raoronhiakensera 2:8

Ne Job wát꞉rakwe ne tehiotsetaríhon otá꞉ra ne nahakétakwe rahiá꞉take, tánon thóh tahanitskwáhre ne wakenrontákwen.

Psalms 102:25

Waʼhonhnisekówa tsi ná꞉he thesiskwáhere ne tsi ionhwenhtsáte, tánon kwáh í꞉se shaʼtshanáke sháston tsi nishá꞉shon ne tsi karonhiáte.

Psalms 104:5

Í꞉se sitsʼkwáhere ne tsi ionhontsáte, ne káti ne tó꞉sa nonwénhton ahiówaʼke.

Psalms 107:41

ók sehsakokwahtakwénhnis ne tehiontʼkárias tánon shotiʼianerasthénhnis, tánon né srónhnis ne raotiwáʼtsires thóh nahonahtiokowáʼnah tsi ní꞉ioht ne kontitsénens.

Psalms 24:2

asèken kaniatarakhekówane nón꞉we nihahontiónhni, tánon rorihwaʼniráhton ne tsi kaniataré꞉nions.

Psalms 75:3

Nó꞉nen ne tsi ionhontsáte enhiówaʼke, tsehatikwékon né thóh ienákere, kwáh séh Í꞉i enkerihwaʼnírate ne tsitʼkenskwáhere. Selah

Psalms 75:4

Kheró꞉ri ne tehontaterénhsarons nahóntkaʼwe tsi tehonathaterénhsaron, Kherihwatháti thí꞉ken ronhnonkwetaʼhétkens nahóntkaʼwe tsi nihonthatón꞉ni.

Psalms 75:7

ók kíʼ Rawenni꞉io séh rarihwénhtha í꞉ken, ótiakes sakorihwénhtha ótiakes iáh tesakonitsheráwis.

Isaiah 22:23

Kwáh enhiwánerenhke tsi ní꞉ioht owàhste tsi nón꞉we nihioriwahníron, tánon kwáh anitskwáhra enháton ne tekarénhsaron thóh sakhosotʼthonhkonkénʼen tsi rotinónshote.

Daniel 2:48

Eʼthó꞉ne ó꞉nen wahohsennakarátate né Daniel, iaweʼtowá꞉nen wahowíhon né ioià꞉nereʼs, wahorihónten tsi watonhwentsá꞉ien né Babylonne, tánon raónha ohén꞉ton iaʼthótahste tsi nihá꞉ti ne kanontiióʼtshera raonkweʼtaʼshón꞉ʼa ne shakonateʼnikonhrá꞉wihs.

Daniel 4:17

Né kiʼ tsi nihonohétston nowennaʼshón꞉ʼa ne ratironhiaʼkehró꞉non tsi nihonatateweiennentáʼon tánon ratiʼnikón꞉rare. Ne iorihón꞉ni akwé꞉kon nonkwehshón꞉ʼa aiakoterién꞉taraʼne ne Roʼshatstenhserowá꞉nen Rawenni꞉io kwáh thishakowenní꞉io ne tsi kanontiiotsherakè꞉ron tsi ionhwentsá꞉te tánon ó꞉ni kwáh thenhanónhton nónhka aontahshakáwen ne kaʼshatsténhsera kwáh tsi nenthanón꞉weʼne—shé꞉kon ó꞉ni ne kwáh kenʼ naontaiehsennáhska.’”

Daniel 6:3

Daniel kenʼk nikarí꞉wes sók wahrènehste tsi sénha raónha raioʼtenhserí꞉io tsi ní꞉ioht né ronatiaʼkèshon ne ronttókha tánon ne ratikoráhshon. Né tsi sénha raónha rateʼnikonhrattókha, ne ronnontí꞉io waʼthaiaʼtó꞉rehte raónha ohén꞉ton iaʼtahótahste kwáh tsi nihonontiióʼtshera.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Ne꞉ne Sák Rohiaton 2:5

Sewatahónsatat, tekanóron tewatenrosónhas! Ne tsi ionwentsiáte Rawenni꞉io sakohiatarákwen ne iakóten né꞉ne ahothiʼkwatséhake tsi nòkwa ne tewethákwen tánon nahathiʼiéna ne Rawenni꞉io Raonakerásera tsi nisakorahrastén꞉ni tsi nihiákon ne ronwanorónkwa.

Revelation 1:6

tánon shontionhnién꞉ni nahitionkwetaién꞉take, ratitsihéntatsis enhohiò꞉tenhse ne Raoní꞉io tánon ne Roʼní꞉ha, raonhà꞉ke ká꞉ien ne kaiatanerakwhtsera óni ne kashastenhsera tsi nénhwe tánon tsi nienhenwe enkeánhake. É꞉ʼtho naiá꞉wenhne.

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 5:10

í꞉se waseiónhnien né꞉ne ronhnonhontsakeró꞉nons ahón꞉ton tánon ratiʼtsihénstatsis tahonahonwahiò꞉tenhse nón꞉kwa Ní꞉io, tánon ronón꞉ha enthatiniarotároke ne tsi ionwenhtsá꞉te.”

1 Samuel 15:17

Samuel wahén꞉ron, “Thohʼsáne kénk ní꞉sa tsi nateskánereh, kwáh kén í꞉se ohén꞉ton iésheʼte ne raotiʼtsiokwáhkon ne Israeronónhke? Ne ne Roiá꞉ner í꞉se iahiatarákwen nahisanontí꞉ioke Israeronónke.