1 Samuel 2:7 - Ohiatonhseratokénti

⁷ Ne Roiá꞉ner shesakotesténhni ne iakokwátsene tánon ne iakoténhtonhne wahakokwáhtsene; eʼtàke sakaónhnis, kwáh ó꞉ni sakosenhnakarátats.

1 Samuel 2:7 ပူးပေါင်းရင်းမြစ်များ

2 Kings 9:6

Ethòne kí꞉ken teniʼiáse kanóns꞉kon niahá꞉ne, tánon né kentithoiónha rotó꞉kense taʼreienáweron ne iakeniewátha ne Jehu ranontsíne tánon wahawénhase, “Né Roiá꞉ner, ne Shakó꞉ní꞉io Nisraeʼró꞉nonke, rá꞉ton: ‘Wakonʼienáro naʼsheiatenonʼtí꞉ioste nakonkwetaʼsónhas Nisraeʼró꞉nonke.

1 Chronicles 29:12

Akwé꞉kon ne kakwahshéhseras ó꞉ni ne ahtshokowáhtsheras í꞉seke nitewé꞉tha; í꞉se orihwakwé꞉kon tisaniaró꞉taron thóh shaʼsastsʼtenhserákon ó꞉ni kashastsʼténhsera; tánon shaʼkweʼnion nasheʼionhkwetowáhnaʼte ó꞉ni nasheʼshaststénhseron.

2 Chronicles 32:27

Né Ronnontí꞉io Hezekiah kwáh í꞉ken tsi wahokwáhtshene, tánon kwáh onhkweʼtaʼkwé꞉kon tsi ronhwakweniénsthaʼkwe. Ronatʼthonhniánionhkwe tsi nón꞉we nihathakweniaienhthákwahkwe ne raowistanoronhsónhas, kawistarákens, né kanenhianó꞉rons, hionhtsatakonhonsthákwas, tehioniathasthákwah, tánon noiáson nihiothánions ne kanorónhsons.

2 Chronicles 32:29

Tánon thiʼkáte norihwaʼkwé꞉kon kí꞉ken, né Rawenni꞉io waʼohnaskwahwí꞉on teiotinakarontón꞉ʼa tánon tionónskwahrons tánon thiʼkáte noiásons nahoténsons ne kakweʼniá꞉tshera tsi nihwé꞉so rotenatonniánions.

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Job Tánon ne Raoronhiakensera 40:12

Shekenhenhiónhnion ratikwé꞉kon ne rontatón꞉ni, tánon eʼtá꞉ke sasheión꞉ni; sheratatiéson ne ionkwetahétkens kwáh tsi nón꞉we nihónnhete.

Job Tánon ne Raoronhiakensera 5:11

è꞉neken ensakahón꞉ni ne è꞉take iontatón꞉nis, tesakohawitén꞉tis ne kaiatanonsthá꞉tshera tsi niiá꞉kon ne iakonikonrátshens.

Psalms 102:10

né tioríhwa ne sateriatitkónhtsera ó꞉ni ne sanakwáhtshera; waʼtestsiátaʼkwe tánon aí꞉non nió꞉re iastiatónhti tsi ní꞉ioht nónhkak í꞉seh iahiakóti ne watkénston.

Psalms 75:7

ók kíʼ Rawenni꞉io séh rarihwénhtha í꞉ken, ótiakes sakorihwénhtha ótiakes iáh tesakonitsheráwis.

Psalms 75:8

Asèken ne ratsaná꞉ke ne Roiá꞉ner tehiontnekonthákwah ráhawe, ne tekarihwaʼkentónhkwen tsi ensakoríhwenhte ne ionkwetahét꞉kens; ne tehiontʼnekonthákwah kwáh katsanánon notsítsia ienekiráhtha né꞉ne raonakwáhtshera í꞉ken. Tahanekáweron tánon ratikwékon ne ionkwetahét꞉kens wahatinekíra. Kwáh tsi nió꞉re nonàken tonhtakastárenhne tsi wahatinekíra.

Proverbs 22:2

Iakokwáhtshe tánon iakó꞉ten ne shá꞉ka tsi ní꞉ioht ne Roiá꞉ner tsi shakoiaʼtíson.

Isaiah 2:12

Asèken ne Sakoiá꞉ner ne ronterí꞉os ratironhiakerónons tsi rawenhniserahrákwen né sakokkónten ratikwékon ne iontatónhni tánon ne iakotatkowaná꞉ton ensakokkónten tsi niháti ne iakotatʼtharatáton tánon aiesenhnowanénhke;

Jeremiah 49:15

Ne Roiá꞉ner ne enhateriwahténtsiate nahiatsihióhaʼte, tánon iáh ónhka tahieshaʼkweniénsthaʼke.

Ezekiel 17:24

Kwáh tsi niatekarónhtake ne tsi ionwenhtsáte enhionahteriéntarahne tsi Í꞉i ne Watiá꞉ner Í꞉i wakeronhtsiakónʼnion ne tsioteronhthá꞉tes tánon wahkhehiónhnien ne nikaronhtáhas nakonhtehiáron. Wakátsthate ne oronhtáses tánon ne wakhehiónhnien ne ioronhthastátʼtens noronhtáseh ahonsónhton. Í꞉i, ne Watiá꞉ner, wakatáti. Thonénhtiereh tsi niwáhken tsi náhtiereh.”

Ne꞉ne Sák Rohiaton 4:10

Ehtáke sewatatón꞉ni rahohénton ne Roiá꞉ner, tánon raónha enshiasenʼnakarátate.